Genesis 20:6-8

Ang Biblia (1978)

⁶ At sinabi sa kaniya ng Dios sa panaginip: Oo, talastas ko, na sa katapatang loob ng iyong puso ay ginawa mo ito, at hinadlangan din naman kita sa pagkakasala ng ^(A)laban sa akin: kaya't hindi ko ipinahintulot sa iyong galawin mo siya.

⁷ Ngayon nga'y isauli mo ang asawa ng lalaking ito; sapagka't siya'y profeta, ^(B)at ikaw ay ipananalangin niya, at mabubuhay ka: at kung di mo siya isauli, ay talastasin mong walang pagsalang mamamatay ka, ikaw at ang ^(C)lahat ng iyo.

⁸ At si Abimelech ay bumangong maaga ng kinaumagahan at tinawag ang lahat niyang bataan, at sinabi sa kanilang pakinig ang lahat ng bagay na ito: at ang mga tao'y natakot na mainam.