Genesis 18:10-12

Magandang Balita Biblia

¹⁰ Sinabi^(A) ng isa sa mga panauhin, “Babalik ako sa isang taon, sa ganito ring panahon, at pagbalik ko'y may anak na siya.”

Noon ay kasalukuyang nakikinig si Sara sa may pintuan ng tolda sa likuran ng panauhin. ¹¹ Ang mag-asawang Abraham at Sara ay parehong matanda na at hindi na nga dinaratnan si Sara. ¹² Lihim^(B) na natawa si Sara at nagwika sa sarili, “Ngayong ako'y matanda na pati ang aking asawa, masisiyahan pa kaya ako sa pakikipagtalik?”