Genesis 35:9-19

Ang Biblia (1978)

⁹ At ang Dios ay napakita uli kay Jacob, nang siya'y manggaling sa Padan-aram, at siya'y pinagpala.

¹⁰ At sinabi sa kaniya ng Dios, Ang pangalan mo'y Jacob; ang pangalan mo'y ^(A)hindi na tatawagin pang Jacob ^(B)kundi Israel ang itatawag sa iyo: at tinawag ang kaniyang pangalan na Israel.

¹¹ At sinabi sa kaniya ng ^(C)Dios, Ako ang Dios na Makapangyarihan sa lahat; ikaw ay lumago at dumami ka; ^(D)isang bansa at isang kapisanan ng mga bansa ang magmumula sa iyo, at mga hari ay lalabas sa iyong balakang;

^12 (E)At ang lupaing ibinigay ko kay Abraham at kay Isaac, ay ibibigay ko sa iyo, at sa iyong lahi pagkamatay mo ay ibibigay ko ang lupain.

¹³ At ang Dios ay napailanglang mula sa tabi niya sa dakong pinakipagusapan sa kaniya.

^14 (F)At si Jacob ay nagtayo ng isang batong pinakaalaala sa dakong pinakipagusapan sa kaniya ng Dios, haliging bato: at binuhusan niya ng isang inuming handog at binuhusan niya ng langis.

¹⁵ At tinawag ni Jacob na ^(G)Bethel ang dakong pinakipagusapan sa kaniya ng Dios.

¹⁶ At sila'y naglakbay mula sa Bethel; at may kalayuan pa upang dumating sa Ephrata: at nagdamdam si Raquel, at siya'y naghihirap sa panganganak.

¹⁷ At nangyari, nang siya'y naghihirap sa panganganak, na sinabi sa kaniya ng hilot, Huwag kang matakot, ^(H)sapagka't magkakaroon ka ng isa pang anak na lalake.

¹⁸ At nangyari, nang nalalagot ang kaniyang hininga (sapagka't namatay siya), ay kaniyang pinanganlang Benoni:^[a] datapuwa't pinanganlan ng kaniyang ama na Benjamin.^[b]

^19 (I)At namatay si Raquel at inilibing sa daang patungo sa ^(J)Ephrata (na siyang Beth-lehem).