Galacia 3:26-28

Ang Bagong Tipan: Filipino Standard Version

²⁶ Sapagkat kayong lahat ay anak ng Diyos dahil sa inyong pananampalataya kay Cristo Jesus. ²⁷ Nang kayo'y mabautismuhan kay Cristo, mismong siya ay parang damit na isinuot sa inyo. ²⁸ Wala nang pagkakaiba ang Judio at Griyego, ang alipin at malaya, ang lalaki at babae; kayong lahat ay iisa na dahil sa inyong pakikipag-isa kay Cristo Jesus.