Font Size
Fo Da Rome Peopo 3
Hawai‘i Pidgin
Fo Da Rome Peopo 3
Hawai‘i Pidgin
Mo Stuff Bout Da Jewish Peopo An Godʼs Rules
3 So den, how come mo betta fo be one Jewish guy? You tink da Jewish guy who get da cut skin mark get mo spesho tings den da guy dat not Jew? 2 Az right! Help um plenny fo do everyting. First, cuz God wen give da Jewish peopo all da stuffs he wen tell um, an he wen tell um fo take care all dat. 3 So den, wat? You tink dat God no can do wat he wen say he goin do, jus cuz get some Jewish peopo dat neva like trus him? 4 Not! God everytime da real ting, no matta everybody dat stay all ova da world all bulaias! Jalike da Bible say bout God,
“Da peopo goin find out
Dat wat he say, az right.
No matta dey say dat he do wrong,
He goin win still yet,
Cuz he no do da bad kine stuff notting.”
5 But if we do da wrong tings, an dat goin show everybody even mo dat God stay doing da right tings, den wat we goin say bout dat? We goin say God do wrong wen he punish us, o wat? (Dass how some peopo stay talking, you know.) 6 No way! God no do da wrong kine stuff notting wen he punish us. Dass why he get da right fo punish da peopo inside da world wen dey do da wrong kine stuff.
7 If I go bulai, an dat show everybody even mo dat God tell da trut, an he stay awesome, den how come God say was bad, da ting I wen do?
8 Even get some peopo dat stay talking stink bout us an tell odda peopo dat we say, “Eh, we go do da bad kine stuff, so den everyting goin come good!” God goin do da right ting wen he punish da peopo dat tink lidat!
No Mo Nobody Dat Do Da Right Ting Everytime
9 So den, wat? You tink us Jewish peopo stay mo betta den dem? No way! Cuz I wen awready show you guys dat da bad kine stuff get power ova everybody, da Jewish peopo an da peopo dat not Jews. 10 Jalike da Bible wen say,
“No mo nobody dat do da right ting everytime.
No mo even one guy!
11 No mo nobody dat undastan,
No mo nobody dat try fo know God!
12 Nobody eva do how dey suppose to.
All togedda dey wen come poho.
No mo nobody dat do good tings,
No mo even one guy!
13 Dea mout stay jalike one open grave.
Dey bulai wit dea mout.
Da poison come from inside dea mout,
Jalike one snake.
14 Wit dea mout
Dey everytime like say stink stuffs fo hurt somebody,
Cuz az how dey stay inside.
15 Dey move fast fo kill somebody.
16 Every place dey go,
Dey like bus up everyting,
An make big trouble fo peopo.
17 Dey neva know how fo make good wit odda peopo,
An make dea hearts rest inside.
18 Dey no mo respeck fo God notting.”
19 Now, we know dat everyting Godʼs Rules say, dass fo da peopo dat get da Rules ova dem. Dass why nobody can make argue wit God. Bumbye everybody all ova da world gotta go in front God da Judge, so he can say if dey wen do da bad kine stuff, o wat. 20 Dass why no mo nobody dat can say dat dey get um right wit God, jus cuz dey wen do everyting Godʼs Rules say. Not even! Godʼs Rules ony show dat us wen do da bad kine stuff.
God Make Us Get Um Right Wit Him Wen We Trus Um
21 Stay clear now how God wen go make plan so we can get um right wit him. We can get um right wit him, but not cuz a Godʼs Rules. Godʼs Rules an da guys dat wen talk fo God long time ago, dey tell all dat inside da Bible. 22 God wen make us get um right wit him wen we trus Jesus Christ, da Spesho Guy God Wen Send. He do dat fo everybody dat trus him, no mo notting diffren.
23 Cuz everybody do bad kine stuff. Dass why nobody can come awesome by demself, da way God like make um come awesome. 24 But can get um right wit God, cuz God get good heart an like do plenny good stuff fo peopo. God cut um loose from da power da bad kine stuff get ova dem, cuz dey tight wit Jesus Christ.
25 God wen make Jesus da main guy, so he can be da sacrifice fo hemo da shame fo all da bad kine stuff everybody do, ony if dey go trus him an dey shua dat he wen go bleed an mahke fo dem. Dass how God show dat he make everyting come right: he let um go fo da bad kine stuff dey wen do befo time an hemo dea shame. 26 You know, befo time God neva push hard fo peopo fo pau do da bad kine stuff. Nowdays, fo show everybody dat he everytime do da right ting, he make everybody dat trus Jesus get um right wit him.
27 So, wat? How come you tink you can talk big now? No can! Wot?! You tell how you get one Rule dat say, you get um right wit God cuz you wen do good kine stuffs? Eh, not even! We can ony tell bout dat Rule dat say we get um right wit God cuz we trus um.
28 So dis wat we figga: Anybody can get um right wit God wen dey trus him, not wen dey ony do da stuff Godʼs Rules say.
29 Kay den. God, he ony fo da Jewish peopo? You tink he not God fo da peopo dat not Jews? Fo shua, he God fo dem too!
30 Cuz ony get one God. Da guys dat get da cut skin mark fo show dey Jewish kine, God make um so dey get um right wit him cuz dey trus him. An da peopo dat not Jews an no mo da mark on top dem, he make dem so dey get um right wit him cuz dey trus him too.
31 You tink dat wen we trus God, dat mean we make Godʼs Rules poho? No way! We make da Rules mo solid.
Romans 3
New International Version
Romans 3
New International Version
God’s Faithfulness
3 What advantage, then, is there in being a Jew, or what value is there in circumcision? 2 Much in every way!(A) First of all, the Jews have been entrusted with the very words of God.(B)
3 What if some were unfaithful?(C) Will their unfaithfulness nullify God’s faithfulness?(D) 4 Not at all! Let God be true,(E) and every human being a liar.(F) As it is written:
5 But if our unrighteousness brings out God’s righteousness more clearly,(H) what shall we say? That God is unjust in bringing his wrath on us? (I am using a human argument.)(I) 6 Certainly not! If that were so, how could God judge the world?(J) 7 Someone might argue, “If my falsehood enhances God’s truthfulness and so increases his glory,(K) why am I still condemned as a sinner?”(L) 8 Why not say—as some slanderously claim that we say—“Let us do evil that good may result”?(M) Their condemnation is just!
No One Is Righteous
9 What shall we conclude then? Do we have any advantage?(N) Not at all! For we have already made the charge that Jews and Gentiles alike are all under the power of sin.(O) 10 As it is written:
“There is no one righteous, not even one;
11 there is no one who understands;
there is no one who seeks God.
12 All have turned away,
they have together become worthless;
there is no one who does good,
not even one.”[b](P)
13 “Their throats are open graves;
their tongues practice deceit.”[c](Q)
“The poison of vipers is on their lips.”[d](R)
14 “Their mouths are full of cursing and bitterness.”[e](S)
15 “Their feet are swift to shed blood;
16 ruin and misery mark their ways,
17 and the way of peace they do not know.”[f](T)
18 “There is no fear of God before their eyes.”[g](U)
19 Now we know that whatever the law says,(V) it says to those who are under the law,(W) so that every mouth may be silenced(X) and the whole world held accountable to God.(Y) 20 Therefore no one will be declared righteous in God’s sight by the works of the law;(Z) rather, through the law we become conscious of our sin.(AA)
Righteousness Through Faith
21 But now apart from the law the righteousness of God(AB) has been made known, to which the Law and the Prophets testify.(AC) 22 This righteousness(AD) is given through faith(AE) in[h] Jesus Christ(AF) to all who believe.(AG) There is no difference between Jew and Gentile,(AH) 23 for all have sinned(AI) and fall short of the glory of God, 24 and all are justified(AJ) freely by his grace(AK) through the redemption(AL) that came by Christ Jesus. 25 God presented Christ as a sacrifice of atonement,[i](AM) through the shedding of his blood(AN)—to be received by faith. He did this to demonstrate his righteousness, because in his forbearance he had left the sins committed beforehand unpunished(AO)— 26 he did it to demonstrate his righteousness at the present time, so as to be just and the one who justifies those who have faith in Jesus.
27 Where, then, is boasting?(AP) It is excluded. Because of what law? The law that requires works? No, because of the law that requires faith. 28 For we maintain that a person is justified by faith apart from the works of the law.(AQ) 29 Or is God the God of Jews only? Is he not the God of Gentiles too? Yes, of Gentiles too,(AR) 30 since there is only one God, who will justify the circumcised by faith and the uncircumcised through that same faith.(AS) 31 Do we, then, nullify the law by this faith? Not at all! Rather, we uphold the law.
Footnotes
- Romans 3:4 Psalm 51:4
- Romans 3:12 Psalms 14:1-3; 53:1-3; Eccles. 7:20
- Romans 3:13 Psalm 5:9
- Romans 3:13 Psalm 140:3
- Romans 3:14 Psalm 10:7 (see Septuagint)
- Romans 3:17 Isaiah 59:7,8
- Romans 3:18 Psalm 36:1
- Romans 3:22 Or through the faithfulness of
- Romans 3:25 The Greek for sacrifice of atonement refers to the atonement cover on the ark of the covenant (see Lev. 16:15,16).
Hawai‘i Pidgin (HWP)
Copyright © 2000 by Wycliffe Bible Translators International. All rights reserved
New International Version (NIV) 
Holy Bible, New International Version®, NIV® Copyright ©1973, 1978, 1984, 2011 by Biblica, Inc.® Used by permission. All rights reserved worldwide.
NIV Reverse Interlinear Bible: English to Hebrew and English to Greek. Copyright © 2019 by Zondervan.