Fo Da Hebrew Peopo 8  Hawai‘i Pidgin

Jesus, Our Head Priest Give Us One Mo Betta Deal

8 So, all dis stuff I stay telling you guys, dis da main ting: Us guys get da kine Head Priest dass perfeck. Dass Jesus. He da One dat wen sit down in da mos importan place, by da right side a da throne wea God Da Awesome King stay up dea inside da sky. ² Jesus stay working inside da place dat stay spesho fo God, da real place wea God stay, dat da Boss wen make, not jalike da kine tent da peopo wen make.

³ All da head priest guys, dey wen pick um fo come priest fo give da peopoʼs gifs to God, an fo kill da animals fo make da sacrifices. Az why Jesus, he gotta bring someting fo give to God too. ⁴ But you know, if Jesus was hea inside dis world now, he no can be one priest guy, cuz awready get guys dat give da gifs to God, jalike da Jewish Rules say. ⁵ Dose priest guys, dey work fo God inside one big tent dass ony jalike one copy a da real place dat stay wit God inside da sky. Dass why, wen Moses wen tink fo make da big tent, God wen tell him, “Make shua you do everyting jalike da picha I wen show you, wen you was on top da mountain.”

⁶ But da priest kine stuff dat Jesus stay doing fo God, dat stuff plenny mo betta den da stuff da odda priest guys stay do. An jalike dat, same ting, Jesus da middle man fo da deal dass plenny mo betta den da first deal. An dat new deal plenny mo betta, cuz God wen make mo betta promises wen he make dat new deal.

⁷ Now, if no mo trouble wit da first deal, den no need make one nodda deal. ⁸ But God wen get plenny hard time wit da peopo, cuz dey no can handle. Dass why he wen say dis inside da Bible:

¹³ Wen God wen say “da new deal,” dat mean he wen make da first deal no good awready. An you know, wateva stay coming old an no good, dat litto mo gone awready.