Ezekiel 2:8-3:3
Magandang Balita Biblia
8 “Ezekiel, anak ng tao, pakinggan mo ang sinasabi ko sa iyo. Huwag kang tutulad sa kanila na naghimagsik sa akin. Ngumanga ka. Kainin mo ito.” 9 Nang(A) ako'y tumingala, may isang kamay na nag-abot sa akin ng isang kasulatan. 10 Iniladlad ito at nabasa ko sa magkabila ang mga panaghoy, pagdadalamhati, at paghihirap.
3 Sinabi(B) pa sa akin, “Kainin mo ang aklat na ito. Pagkatapos, magpahayag ka sa sambahayan ni Israel.”
2 Ngumanga ako upang kanin ang aklat. 3 Sinabi niya sa akin, “Kainin mo ito at magpakabusog ka.” Kinain ko nga ang aklat. Sa aking panlasa ito'y kasintamis ng pulot-pukyutan.
Ezekiel 2:8-3:3
Ang Biblia (1978)
8 Nguni't ikaw, anak ng tao, dinggin mo kung ano ang sinasabi ko sa iyo; huwag kang mapanghimagsik na gaya niyaong mapanghimagsik na sangbahayan; ibuka mo ang iyong bibig, at (A)iyong kanin ang ibinibigay ko sa iyo.
9 At nang ako'y tumingin, narito, (B)isang kamay ay nakaunat sa akin; at narito, isang balumbon (C)ay nandoon;
10 At ikinadkad niya sa harap ko: at nasusulatan (D)sa loob at sa labas; at may (E)nakasulat doon na mga taghoy, at panangis, at mga daing.
Ang pagkakasugo sa Propeta.
3 At sinabi niya sa akin, Anak ng tao, kanin mo ang iyong nasusumpungan; (F)kanin mo ang balumbong ito, at ikaw ay yumaon, magsalita ka sa sangbahayan ni Israel.
2 Sa gayo'y ibinuka ko ang aking bibig, at ipinakain niya sa akin ang balumbon.
3 At sinabi niya sa akin, Anak ng tao, pakanin mo ang iyong tiyan, at busugin mo ang iyong bituka ng balumbong ito na aking ibinibigay sa iyo. (G)Nang magkagayo'y kinain ko, at sa aking bibig ay naging parang pulot sa katamisan.
Magandang Balita Biblia, Copyright © Philippine Bible Society 2012.
Ang Bagong Tipan: Filipino Standard Version, Copyright © Philippine Bible Society 2009.
Ang Biblia Copyright © Philippine Bible Society 1905, 1915, 1933, 1978