Efeso 1:19-23

Magandang Balita Biblia (with Deuterocanon)

¹⁹ at kung ano ang di-masukat niyang kapangyarihan na kumikilos sa atin na mga nananalig sa kanya. Ang dakilang kapangyarihan ding iyon ²⁰ ang^(A) muling bumuhay kay Cristo at nag-upo sa kanya sa kanan ng Diyos sa kalangitan. ²¹ Mula roon ay namumuno si Cristo sa lahat ng paghahari, kapamahalaan, kapangyarihan, at pamunuan sa kalangitan. Higit na dakila ang kanyang pangalan kaysa sa lahat, hindi lamang sa panahong ito kundi maging sa darating. ²² Ipinailalim^(B)(C) ng Diyos sa paa ni Cristo ang lahat ng bagay, at ginawa siyang ulo ng lahat ng bagay para sa iglesya, ²³ na siyang katawan ni Cristo, ang kapuspusan niya na pumupuno sa lahat ng bagay.