Tapat na paalaala at pangako.

30 At ^(A)mangyayari, na pagka ^(B)ang lahat ng mga bagay na ito ay darating sa iyo, ang pagpapala at ang sumpa na inilagay ko sa harap mo, at ^(C)iyong mga didilidilihin sa gitna ng lahat ng mga bansa na pinagtabuyan sa iyo ng Panginoon mong Dios.

² At ^(D)magbabalik ka sa Panginoon mong Dios, at iyong susundin ang kaniyang tinig ayon sa lahat na iniuutos ko sa iyo sa araw na ito, ninyo at ng iyong mga anak, ng iyong buong puso at ng iyong buong kaluluwa;

³ Ay babawiin nga ^(E)ng Panginoon mong Dios ang iyong pagkabihag, at mahahabag sa iyo, at ibabalik, at ^(F)titipunin ka sa lahat ng mga bayang pinagkalatan sa iyo ng Panginoon mong Dios.

^4 (G)Kung ang bihag sa iyo ay nasa kaduluduluhang bahagi ng langit, mula roo'y titipunin ka ng Panginoon mong Dios, at mula roo'y kukunin ka.

⁵ At dadalhin ka ng Panginoon mong Dios sa lupain na inari ng iyong mga magulang, at iyong aariin, at gagawan ^(H)ka niya ng mabuti at pararamihin ka niya ng higit kay sa iyong mga magulang.

⁶ At ^(I)tutuliin ng Panginoon mong Dios ang iyong puso, at ang puso ng iyong binhi, upang ibigin mo ang Panginoon mong Dios ng iyong buong puso, at ng iyong buong kaluluwa, upang ikaw ay mabuhay.

⁷ At lahat ng mga sumpang ito ng Panginoon mong Dios ay isasa iyong mga kaaway at sa kanila na nangapopoot sa iyo, na nagsiusig sa iyo.

⁸ At ikaw ay babalik at susunod sa tinig ng Panginoon, at iyong gagawin ang lahat ng kaniyang mga utos na aking iniuutos sa iyo sa araw na ito.

^9 (J)At pasasaganain ka ng Panginoon mong Dios sa lahat ng gawa ng iyong kamay, sa bunga ng iyong katawan, at sa anak ng iyong bakahan, at sa bunga ng iyong lupa, sa ikabubuti: sapagka't pagagalakin ka ^(K)uli ng Panginoon, sa ikabubuti mo, gaya ng kaniyang iginalak sa iyong mga magulang:

¹⁰ Kung iyong susundin ang tinig ng Panginoon mong Dios, upang tuparin mo ang kaniyang mga utos at ang kaniyang mga palatuntunan na nasusulat sa aklat na ito ng kautusan; kung ikaw ay manunumbalik sa Panginoon mong Dios ng iyong buong puso, at ng iyong buong kaluluwa.

¹¹ Sapagka't ang utos na ito na aking iniuutos sa iyo sa araw na ito, ^(L)ay hindi totoong mabigat sa iyo, ni malayo.

^12 (M)Wala sa langit, upang huwag mong sabihin, Sinong sasampa sa langit para sa atin, at magdadala niyaon sa atin, at magpaparinig sa atin, upang ating magawa?

¹³ Ni wala sa dako roon ng dagat, upang huwag mong sabihin, Sino ang daraan sa dagat para sa atin, at magdadala niyaon sa atin, at magpaparinig sa atin, upang ating magawa?

¹⁴ Kundi ang salita ay totoong malapit sa iyo, sa iyong bibig, at sa iyong puso, upang iyong magawa.

¹⁵ Tingnan mo, na inilagay ko sa harap mo sa araw na ito ang buhay at ang kabutihan, at ang kamatayan at ang kasamaan;

¹⁶ Na iniuutos ko sa iyo sa araw na ito ^(N)na ibigin mo ang Panginoon mong Dios, na lumakad ka sa kaniyang mga daan, at tuparin mo ang kaniyang mga utos, at ang kaniyang mga palatuntunan, at ang kaniyang mga kahatulan, upang ikaw ay mabuhay at dumami, at upang pagpalain ka ng Panginoon mong Dios sa lupain na iyong pinapasok upang ariin.

¹⁷ Nguni't kung ang ^(O)iyong puso ay lumiko, at hindi mo didinggin, kundi maliligaw ka at sasamba ka sa ibang mga Dios, at maglilingkod ka sa kanila;

¹⁸ Ay aking pinatutunayan sa inyo sa araw na ito, na kayo'y tunay na malilipol; ^(P)hindi ninyo palalaunin ang inyong mga araw sa ibabaw ng lupain na inyong ipinagtatawid ng Jordan, upang pumasok na ariin.

¹⁹ Aking tinatawag ang langit at ang lupa na pinakasaksi laban sa inyo sa araw na ito, na aking ilagay sa harap mo ang buhay at ang kamatayan, ang pagpapala at ang sumpa; kaya't piliin mo ang buhay, upang ikaw ay mabuhay, ikaw at ang iyong binhi;

²⁰ Na iyong ibigin ang Panginoon mong Dios, na sundin ang kaniyang tinig, at ^(Q)lumakip sa kaniya: sapagka't siya ang iyong ^(R)buhay, at ang kalaunan ng iyong mga araw; upang matahanan mo ang lupain na ^(S)isinumpa ng Panginoon sa iyong mga magulang, kay Abraham, kay Isaac, at kay Jacob, na ibibigay sa kanila.

Ang walang bayad na kahabagan sa lahat.

55 Oh lahat ^(A)na nangauuhaw, magsiparito kayo sa tubig at siyang walang salapi; magsiparito kayo, kayo'y magsibili, at magsikain; oo, kayo'y magsiparito, kayo'y magsibili ng alak at gatas ^(B)ng walang salapi at walang bayad.

^2 (C)Ano't kayo'y nangaggugugol ng salapi sa hindi pagkain? at ng inyong gawa sa hindi nakabubusog? inyong pakinggan ako, at magsikain kayo ng mabuti, at mangalugod kayo sa katabaan.

³ Inyong ikiling ang inyong tainga, at ^(D)magsiparito kayo sa akin; kayo'y magsipakinig, at ang inyong kaluluwa ay mabubuhay: at ako'y ^(E)makikipagtipan sa inyo ng walang hanggan, sa makatuwid baga'y ng tunay ^(F)na mga kaawaan ni David.

⁴ Narito, ibinigay ko siya na ^(G)pinakasaksi sa mga bayan, na patnubay at tagapagutos sa mga bayan.

⁵ Narito, ikaw ay tatawag ng bansa ^(H)na hindi mo nakikilala; at bansa na hindi ka nakikilala ay tatakbo sa iyo, dahil sa Panginoon mong Dios, at dahil sa Banal ng Israel; ^(I)sapagka't kaniyang niluwalhati ka.

^6 (J)Inyong hanapin ang Panginoon samantalang siya'y masusumpungan, magsitawag kayo sa kaniya samantalang siya'y malapit:

⁷ Lisanin ng masama ang kaniyang lakad, at ng liko ang kaniyang mga pagiisip; at manumbalik siya sa Panginoon, at kaaawaan niya siya; at sa aming Dios, sapagka't ^(K)siya'y magpapatawad ng sagana.

⁸ Sapagka't ang aking mga pagiisip ay hindi ninyo mga pagiisip, o ang inyo mang mga lakad ay aking mga lakad, sabi ng Panginoon.

⁹ Sapagka't kung paanong ang langit ay lalong mataas ^(L)kay sa lupa, gayon ang aking mga lakad ay lalong mataas kay sa inyong mga lakad, at ang aking mga pagiisip kay sa inyong mga pagiisip.

¹⁰ Sapagka't ^(M)kung paanong ang ulan ay lumalagpak at ang niebe ay mula sa langit, at hindi bumabalik doon, kundi dinidilig ang lupa, at pinasisibulan at pinatutubuan ng halaman, at nagbibigay ng ^(N)binhi sa maghahasik at pagkain sa mangangain;

¹¹ Magiging gayon ang aking salita ^(O)na lumalabas sa bibig ko: hindi babalik sa akin na walang bunga, kundi gaganap ng kinalulugdan ko, at giginhawa sa bagay na aking pinagsuguan.

¹² Sapagka't kayo'y magsisilabas na may kagalakan, at papatnubayang may kapayapaan: ang mga bundok at ang mga burol ay ^(P)magsisibulas ng pagawit sa harap ninyo, at ipapakpak ng lahat ^(Q)na punong kahoy sa parang ang kanilang mga kamay.

¹³ Kahalili ng ^(R)tinik ay tutubo ang puno ng abeto; at kahalili ng dawag ay tutubo ang arayan: at sa Panginoon ay magiging ^(S)pinaka pangalan, pinaka walang hanggang tanda na hindi mapaparam.

³⁷ Ito'y yaong Moises, na nagsabi sa mga anak ni Israel, Palilitawin ng Dios sa inyo ang isang ^(A)propeta na gaya ko, mula sa inyong mga kapatid.

³⁸ Ito'y yaong naroon sa iglesia sa ilang na kasama ^(B)ang anghel na nagsalita sa kaniya sa bundok ng Sinai, at kasama ang ating mga magulang: na siyang nagsitanggap ^(C)ng mga aral na buhay upang ibigay sa atin:

³⁹ Sa kaniya'y ayaw magsitalima ang ating mga magulang, kundi siya'y kanilang itinakuwil, at sa kanilang mga puso'y nangagbalik sa Egipto,

⁴⁰ Na sinasabi kay Aaron, ^(D)Igawa mo kami ng mga dios na mangunguna sa amin: sapagka't tungkol dito kay Moises, na naglabas sa amin sa lupain ng Egipto, ay hindi namin nalalaman kung ano ang nangyari sa kaniya.

⁴¹ At nagsigawa sila nang mga araw na yaon ng isang ^(E)guyang baka, at nagsipaghandog ng hain sa diosdiosang yaon, at nangatuwa sa mga gawa ng kanilang mga kamay.

⁴² Datapuwa't tumalikod ang Dios, at ^(F)sila'y pinabayaang magsisamba sa hukbo ng langit; gaya ng nasusulat sa aklat ng mga propeta,

⁴⁴ Sumaating mga magulang sa ilang ^(I)ang tabernakulo ng patotoo, ayon sa itinakda ng nagsalita kay ^(J)Moises, na kaniyang gawin yaon alinsunod sa anyong kaniyang nakita.

⁴⁵ Na yao'y ipinasok din ng ating mga magulang sa kapanahunang ukol, na kasama ni ^(K)Josue nang sila'y magsipasok sa inaari ng mga bansa, na pinalayas ng Dios sa harapan ng ating magulang, hanggang sa mga araw ni David;

⁴⁶ Na nakasumpong ng biyaya sa paningin ng Dios, at ^(L)huminging makasumpong ng isang tahanang ukol sa Dios ni Jacob.

⁴⁷ Datapuwa't iginawa siya ni Salomon ng isang bahay.

^48 (M)Bagama't ang Kataastaasa'y ^(N)hindi tumatahan sa mga bahay na gawa ng mga kamay; gaya ng sinasabi ng propeta,

^51 (P)Kayong matitigas ang ulo, at di tuli ang puso't mga tainga, kayo'y laging nagsisisalangsang sa Espiritu Santo: kung ano ang ginawa ng inyong mga magulang, ay gayon din naman ang ginagawa ninyo.

⁵² Alin sa mga propeta ang ^(Q)hindi pinagusig ng inyong mga magulang? at kanilang pinatay ang nangagpahayag ng una ng pagdating ^(R)ng Matuwid na Ito; na sa kaniya'y kayo ngayon ay nangaging mga tagapagkanulo at mamamatay-tao;

⁵³ Kayo na nagsitanggap ng kautusan ayon ^(S)sa pangangasiwa ng mga anghel, at hindi ninyo ginanap.

⁵⁴ Nang marinig nga nila ang mga bagay na ito, ay nangasugatan sila sa puso, at siya'y pinagngalitan nila ng kanilang mga ngipin.

⁵⁵ Datapuwa't siya, ^(T)palibhasa'y puspos ng Espiritu Santo ay tumitig na maigi sa langit, at nakita niya ang kaluwalhatian ng Dios, at si Jesus na nakatindig ^(U)sa kanan ng Dios,

⁵⁶ At nagsabi, Narito, nakikita kong bukas ang mga langit, at ang Anak ng tao na nakatindig sa kanan ng Dios.

⁵⁷ Datapuwa't sila'y nagsigawan ng malakas na tinig, at nangagtakip ng kanilang mga tainga, at nangagkaisang siya'y dinaluhong;

⁵⁸ At siya'y kanilang itinapon ^(V)sa labas ng bayan, ^(W)at binato: at inilagay ^(X)ng mga saksi ang kanilang mga damit sa mga paanan ng isang binata na nagngangalang Saulo.

⁵⁹ At kanilang pinagbatuhanan si Esteban, na tumatawag sa Panginoon at nagsasabi, Panginoong Jesus, ^(Y)tanggapin mo ang aking espiritu.

⁶⁰ At siya'y nanikluhod, at sumigaw ng malakas na tinig, ^(Z)Panginoon, huwag mong iparatang sa kanila ang kasalanang ito. At pagkasabi niya nito, ay nakatulog siya.

Ang paghahari ng pinahiran ng Panginoon.