¹⁶ Huwag^(A) kayong gagawa ng anumang larawan upang sambahin, maging kawangis ng tao, ¹⁷ hayop^(B) sa ibabaw ng lupa, ibon, ¹⁸ ng anumang gumagapang o ng anumang isda.

¹⁵ Pananatilihin niyang sariwa ang damo para sa inyong mga alagang hayop upang kayo'y sumagana sa lahat ng bagay.

²⁴ Huwag na huwag ninyong kakainin ang dugo, sa halip ay patuluin ito sa lupa.

¹⁰ Batuhin ninyo siya hanggang mamatay sapagkat hinikayat niya kayong tumalikod kay Yahweh na inyong Diyos at siyang nagligtas sa inyo sa pagkaalipin sa Egipto. ¹¹ Kapag ito'y napabalita sa buong Israel, wala nang mangangahas pang gumawa ng ganoon, at magkakaroon ng takot ang lahat.

¹² “Kapag nabalitaan ninyo na sa alinman sa mga lunsod na ibinigay sa inyo ni Yahweh ¹³ ay may manlilinlang, at nanghihikayat sa mga tagaroon upang sumamba at maglingkod sa mga diyus-diyosang hindi naman ninyo kilala, ¹⁴ siyasatin ninyo itong mabuti. Kapag napatunayan ninyong totoo, ¹⁵ patayin ninyong lahat ang tagaroon, maging ang kanilang mga alagang hayop. ¹⁶ Ang lahat ng masamsam ninyo roon ay ipunin ninyo sa liwasan at sunugin pati ang buong lunsod upang maging handog kay Yahweh. Ang lugar na iyon ay hahayaan ninyong ganoon at hindi na dapat itayo pang muli. ¹⁷ Huwag kayong kukuha ng anumang ipinagbabawal sa inyo para hindi magalit si Yahweh sa inyo. Mahahabag siya sa inyo, at kayo'y kanyang pararamihin, tulad ng pangako niya sa inyong mga ninuno, ¹⁸ kung papakinggan ninyo ang tinig ng Diyos ninyong si Yahweh, susundin ang kanyang mga utos, at patuloy na gagawin ang ayon sa kanyang kalooban.