Deuteronomio 10:11-13

Magandang Balita Biblia (with Deuterocanon)

¹¹ Sinabi niya sa akin na pangunahan kayo sa paglalakbay at pagsakop sa lupaing ipinangako ko sa inyong mga ninuno.

Ang Diwa ng Kautusan ni Yahweh

¹² “Bayang Israel, ano nga ba ang nais ni Yahweh mula sa inyo? Ang gusto lang naman niya'y igalang ninyo siya, sundin ang kanyang mga utos, ibigin siya, paglingkuran ng buong puso't kaluluwa, ¹³ at tuparin ang kanyang mga bilin at tuntunin. Ito rin naman ay para sa inyong kabutihan.