126 Nang dalhin muli ng Panginoon yaong nangagbalik sa Sion,
^(A)Tayo ay gaya niyaong nangananaginip.
^2 (B)Nang magkagayo'y napuno ang bibig natin ng pagtawa,
At ang dila natin ng awit:
Nang magkagayo'y sinabi nila sa gitna ng mga bansa,
Ginawan sila ng Panginoon ng mga ^(C)dakilang bagay.
³ Ginawan tayo ng Panginoon ng mga dakilang bagay;
Na siyang ating ikinatutuwa.
⁴ Papanumbalikin mo uli ang aming nangabihag, Oh Panginoon,
Na gaya ng mga batis sa Timugan.
^5 (D)Sila na nagsisipaghasik na may luha ay magsisiani na may kagalakan.
⁶ Siyang lumalabas at umiiyak, na nagdadala ng binhing itatanim;
Siya'y di sasalang babalik na may kagalakan, na dala ang kaniyang mga tangkas.

126 Nang ibalik ng Panginoon ang mga kayamanan ng Zion,^[a]
    tayo ay gaya ng mga nananaginip.
² Nang magkagayo'y napuno ang ating bibig ng mga tawanan,
    at ang ating dila ng mga awit ng kagalakan,
nang magkagayo'y sinabi nila sa gitna ng mga bansa,
    “Ang Panginoon ay gumawa ng mga dakilang bagay para sa kanila.”
³ Ang Panginoon ay gumawa ng mga dakilang bagay para sa atin,
    kami ay natutuwa.
⁴ Ang aming mga bihag,^[b] O Panginoon, ay iyong ibalik,
    na gaya ng mga batis sa Negeb!^[c]
5 Yaon nawang nagsisipaghasik na luhaan,
    ay mag-ani na may sigaw ng kagalakan!
⁶ Siyang lumalabas na umiiyak,
    na may dalang itatanim na mga binhi,
ay uuwi na may sigaw ng kagalakan,
    na dala ang kanyang mga bigkis ng inani.