Binuhatan 4:8-12

Ang Pulong Sang Dios

⁸ Si Pedro nga gin-gamhan sang Espiritu Santo nagsabat, “Kamo nga mga pangulo kag mga manugdumala sang mga Judio, ⁹ kon ang ginapamangkot ninyo sa amon parte sa pag-ayo sang tawo nga lupog, ¹⁰ dapat mahibaluan ninyo tanan kag sang tanan nga taga-Israel, nga gin-ayo ang tawo nga ini nga nagatindog diri subong paagi sa ngalan^[a] ni Jesu-Cristo nga taga-Nazaret. Siya amo ang inyo ginlansang sa krus kag ginpatay. Pero ginbanhaw siya sang Dios. ¹¹ Si Jesus amo ang ginatumod nga bato sa Kasulatan nga nagasiling, ‘Ang bato nga ginsikway ninyo nga mga panday amo ang nangin pundasyon nga bato.’^{[b] 12} Wala na sing iban sa bug-os nga kalibutan nga makaluwas sa aton kundi si Jesus lang.”