A A A A A
Bible Book List

3 YojanNe Bibliaj Tik Nawat (NBTN)

Naja, ne tatanoy, nimetztajpalua, yektasujtatuk Gaius, ne nimetztasujta tetekia.

Yektasujtatuk, naja niktajtani ne Teut ma shiweli muchi wan ma shinemi yek ijtik muchi, ijkiunisan ken weli ne mualmaj. Nipakik sujsul ipanpa ne tukniwan witzet wan inat ne tejkia kenha ken taja tinejnemi ijtik tejkia. Nikpia ne mas wey pakilis kwak nitakaki ka ne nukukunew nejnemit tik ne tejkia.

Yektasujtatuk, tikchiwa melawak ne tay tikchiwa iwan ne tukniwan ne ejkunimet ne inat ka tejkia ne mutetasujtalis ishpan ne sennemit. Yek tikchiwa su tikintuktia yawit ken muneki ipal ne Teut, ika kistiwit ka imaku ne itukay wan te kishtiliat tatka ne tejtechan. Yajika yek ma tikinkalaktikan ka tuchan ne takamet ijkiuni pal timuchiwat tepalewianimet ipal ne tejkia.

Melka niktuktij se amat ipal ne sennemit, inte techkwi yajuni ká igustoj ma achtu yajasan intzalan muchi; itukay Diotrepes. 10 Yajika asu niwitz, san nimetzinhilwis ma shikejketzakan tay yaja kichiwa; ka taketza tay inte muneki tupanpa, wan te kiajsi sema uni, nusan inte kinkwi yek ne tukniwan; wan ne tukniwan ká kinekit, yaja inte kinhajkawa wan kinhishtia tik ne sennemit.

11 Tetasujtatuk, maka shikchiwa kenha ken ne tay teyek, asunte ken ne tay yek. Ká ne kichiwa tay yek kistuk itech ne Teut; ká ne kichiwa tay teyek inte kitztuk ne Teut.

12 Muchi inatiwit ka yek Demetrios, wan ne tejkia ina kenha, wan tejemet nusan inat, wan tikmati ka tejkia tay tinat.

13 Melka nikpia miak pal nimetzilwia, te nikneki nikijkwilua muchi pak amat. 14 Niknekiskia niajsi nitachia wan nitanutza muwan.

15 Shinemi yek. Metztajpaluat ne mukunpawan. Shikintajpalu muchi ne tukunpawan ka né.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes