2 Juan 6-8

Magandang Balita Biblia (with Deuterocanon)

⁶ At ganito ang pag-ibig na binabanggit ko: mamuhay tayo nang ayon sa mga utos ng Diyos. Ito ang utos na ibinigay sa inyo noon pang una: mamuhay kayo nang may pag-ibig.

⁷ Sapagkat nagkalat sa sanlibutan ang mga mandaraya! Ayaw nilang kilalanin na si Jesu-Cristo'y dumating bilang tao. Ang ganoong tao ay mandaraya at kaaway ni Cristo.^{[a] 8} Mag-ingat nga kayo upang huwag mawalang saysay ang aming pinagpaguran,^[b] sa halip ay lubusan ninyong makamtan ang gantimpala.