1 Pedro 1:13-15

Ang Bagong Tipan: Filipino Standard Version

Panawagan Tungo sa Banal na Pamumuhay

¹³ Kaya't ihanda na ninyo ang inyong isipan para sa dapat ninyong gawin.^[a] Magpigil kayo sa sarili at lubos na asahan ang pagpapalang mapasasainyo kapag nahayag na si Jesu-Cristo. ¹⁴ Tulad ng mga masunuring anak, huwag na kayong mabuhay sa masasamang hilig na ginagawa ninyo noong wala pa kayong kaalaman. ¹⁵ Sa halip, kung paanong banal ang Diyos na tumawag sa inyo, dapat din kayong magpakabanal sa lahat ng inyong ginagawa.