1 Juan 3:13-15

Ang Bagong Tipan: Filipino Standard Version

¹³ Huwag kayong magtaka, mga kapatid, kung napopoot sa inyo ang sanlibutan. ¹⁴ Nalalaman nating nakatawid na tayo mula sa kamatayan tungo sa buhay, sapagkat minamahal natin ang mga kapatid. Ang hindi nagmamahal ay nananatili sa kamatayan. ¹⁵ Ang sinumang napopoot sa kanyang kapatid ay isang mamamatay-tao. Alam ninyo na hindi nananatili ang buhay na walang hanggan sa mamamatay-tao.