⁷ Sinong kawal ang ^(A)magpakailan pa man ay naglilingkod sa kaniyang sariling gugol? sino ang ^(B)nagtatanim ng isang ubasan, at hindi kumakain ng bunga niyaon? o sino ang nagpapakain sa kawan, at hindi kumakain ng gatas ng kawan?

⁸ Ang mga ito baga'y sinasalita ko ^(C)ayon sa kaugalian lamang ng mga tao? o di baga sinasabi rin naman ang gayon ng kautusan?

⁹ Sapagka't nasusulat sa kautusan ni Moises, ^(D)Huwag mong lalagyan ng busal ang baka pagka gumigiik. Ang mga baka baga ay iniingatan ng Dios,

¹⁰ O sinasabi kayang tunay ito dahil sa atin? Oo, ^(E)dahil sa atin ito sinulat: sapagka't ang nagsasaka ay dapat magsaka ^(F)sa pagasa, at ang gumigiik, ay sa pagasa na makakabahagi.

¹¹ Kung ipinaghasik namin kayo ^(G)ng mga bagay na ayon sa espiritu, malaking bagay baga na aming anihin ang inyong mga bagay na ayon sa laman?

¹² Kung ang iba ay mayroon sa inyong matuwid, hindi baga lalo pa kami? ^(H)Gayon ma'y hindi namin ginamit ang matuwid na ito; kundi aming tinitiis ang lahat ng mga bagay, ^(I)upang huwag kaming makahadlang sa evangelio ni Cristo.

¹³ Hindi baga ninyo nalalaman na ang mga ^(J)nagsisipangasiwa sa mga bagay na banal, ay nagsisikain ng mga bagay na ukol sa templo, at ang mga nagsisipaglingkod sa dambana ay mga kabahagi ng dambana?

¹⁴ Gayon din naman ^(K)ipinagutos ng Panginoon na ang mga nagsisipangaral ng evangelio ay dapat mangabuhay sa pamamagitan ng evangelio.

¹⁸ Sapagka't sinasabi ng kasulatan, ^(A)Huwag mong lalagyan ng busal ang baka pagka gumigiik. ^(B)At, ang nagpapagal ay karapatdapat sa kaupahan sa kaniya.