A A A A A
Bible Book List

1 Korinto 16Ne Bibliaj Tik Nawat (NBTN)

Tami ne tajkwilul

16 Pal musentepewa ne tumin ipal ne tayulmatit, kenha ken nikintuktijtuk ne sejsennemit ipal Galatia shikchiwakan anmejemet nusan: tik ne achtu tunal ipal muchi ne sejsemanaj, ma kitali wan ma kiana sejse anmejemet tay yaja weli pal te musentepewa kwak naja niaw niajsi. Kwak niajsi, ká ne anhinat ijtik ajamat ka ankitat yek, yejemet niaw niktuktia kiwikat ne anmutetakulis tik Yerushalem. Su muneki ma niaw naja nusan, yasnekit nuwan.

Niaw niajsi anmutech kwak nipanu ijtik Macedonia, ika niaw nipanu tik Macedonia. Weli ninaka chiupi anmutech, wan anka niaw ninemi anmuwan hasta tami ne shupan pal kiane annechtuktiat tik ne ujti kwak nikisa pal niaw kanka niasneki, ika te nikneki nimetzinhita ashan sema kwak niajsi nipashalua; niknekiskia nipanu se nuratoj anmutech, su ne Tajtzin kiajkawa. Niaw ninaka tik Epesos hasta ne ilwit ipal ne Tunal Unpual Majtakti, ika tapuik nupal se wey tentzakka kan weli nitekiti, wan nusan miak nechtejtenewat.

10 Su ajsi Timoteo, shikitakan ma weli nejmachnemi anmutech wan ma te aka kimujmuti, ika kichiwa nemi ne itekiw ne Tajtzin kenha ken naja. 11 Yajika, ma te aka ina ka te tatka ipatiw. Shiktuktikan nutech tik nejmachnemilis, pal ma yaja wiki nutech, ika nikchia iwan ne nukniwan.

12 Sujsul nimutajtawelij iwan ne tuiknew Apolos ma ajsi anmutech iwan ne tukniwan, wan tesu kinekik ajsi ashan. Yaja yawi witz kwak weli.

13 Shikishpelwikan. Shiyulchikawayakan tik ne tayulmatilis. Shikpiakan anmuvalor wan anmutajpal. 14 Shimuwikakan tik muchi tay anmupal iwan tetasujtalis.

15 Nimetzintajtani, nukniwan: ankimatit ka ne ikniwan Estepanas ne ajachtu ipal Akaia wan mutemakatiwit pal tekitit ipal ne tayulmatit; 16 anmejemet nusan ma shikintakamatikan muchi ken yejemet ká sentekitit wan kujkutiat. 17 Nipaki ika walajsitiwit Estepanas wan Fortunatus wan Akaikos, ika kitentiwit tay anmejemet te annemituyat; 18 ika kichijtiwit ka musewia ne nuijiu wan anmuijiu. Yajika tel, shikinhishmatikan muchi yejemet.

19 Metzintajpaluat ne sejsennemit ipal Asia. Sujsul metzintajpalua tik ne Tajtzin Aquila, wan Prisca, iwan ne sennemit ka inchan. 20 Metzintajpaluat muchi ne tukniwan. Shimutajpalukan wan shimutennamikikan ken tayulmatinimet.

21 Naja Pawlo nikijkwilua ini iwan ne numey pal nimetzintajpalua. 22 Su aka te kitasujta ne Tajtzin, ma muchiwa maldictar. Tutajtzin witz!

23 Ma nemi ne teutasujtalis ipal ne tajtzin Yeshu anmuwan. 24 Ne nutetasujtalis shikpiakan muchi tik ne Mawaltijtuk Yeshu.

Ne Bibliaj Tik Nawat (NBTN)

Ne Bibliaj Tik Nawat · © 2008, 2012 Jan Morrow

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes