10 Sapagka't hindi ko ibig mga kapatid, na di ninyo maalaman, ^(A)na ang ating mga magulang ay nangapasa ilalim ng alapaap, ^(B)at ang lahat ay nagsitawid sa dagat;

² At lahat ay nangabautismuhan kay Moises sa alapaap at sa dagat;

³ At ^(C)lahat ay nagsikain ng isang pagkain ding ayon sa espiritu;

⁴ At ^(D)lahat ay nagsiinom ng isang inumin ding ayon sa espiritu; sapagka't nagsiinom sa batong ayon sa espiritu na sumunod sa kanila: at ang batong yaon ay si Cristo.

⁵ Bagaman ang karamihan sa kanila ay hindi nakalugod sa Dios; ^(E)sapagka't sila'y ibinuwal sa ilang.

⁶ Ang mga bagay na ito nga'y pawang naging mga halimbawa sa atin, upang huwag tayong magsipagnasa ng mga bagay na masama na ^(F)gaya naman nila na nagsipagnasa.

⁷ Ni huwag din naman kayong mapagsamba sa mga diosdiosan, gaya niyaong ilan sa kanila; ayon sa nasusulat, ^(G)Naupo ang bayan upang magsikain at magsiinom, at nagsitindig upang magsipagsayaw.

⁸ Ni huwag din naman tayong ^(H)makiapid, na gaya ng ilan sa kanila na nangakiapid, at ang ^(I)nangabuwal sa isang araw ay dalawangpu at tatlong libo.

⁹ Ni huwag din naman nating tuksuhin ang Panginoon, na gaya ng pagkatukso ng ilan sa kanila, at ^(J)nangapahamak sa pamamagitan ng mga ahas.

¹⁰ Ni huwag din kayong mangagbulongbulungan, na gaya ng ilan sa kanila na nangagbulungan, at ^(K)nangapahamak sa pamamagitan ng mga mangwawasak.

¹¹ Ang mga bagay na ito nga'y nangyari sa kanila na pinakahalimbawa; at ^(L)pawang nangasulat sa pagpapaalaala sa atin, na mga dinatnan ng katapusan ng mga panahon.

¹² Kaya't ^(M)ang may akalang siya'y nakatayo, magingat na baka mabuwal.

¹³ Hindi dumating sa inyo ang anomang tukso kundi yaong matitiis ng tao: datapuwa't ^(N)tapat ang Dios, ^(O)na hindi niya itutulot na kayo'y tuksuhin ng higit sa inyong makakaya; kundi kalakip din ng tukso ay gagawin naman ang paraan ng pagilag, upang ito'y inyong matiis.

¹⁴ Kaya, mga minamahal ko, ^(P)magsitakas kayo sa pagsamba sa diosdiosan.

¹⁵ Ako'y nagsasalitang tulad ^(Q)sa marurunong; hatulan ninyo ang sinasabi ko.

¹⁶ Ang saro ng pagpapala ^(R)na ating pinagpapala, hindi baga siyang pakikipagkaisa ng dugo ni Cristo? Ang tinapay na ating pinagpuputolputol, hindi baga siyang pakikipagkaisa ng katawan ni Cristo?

¹⁷ Bagaman tayo'y marami, ay iisa lamang tinapay, ^(S)iisang katawan: sapagka't tayong lahat ay nakikibahagi sa isa lamang tinapay.

¹⁸ Tingnan ninyo ^(T)ang Israel na ayon sa laman: ^(U)ang mga nagsisikain baga ng mga hain ay wala kayang pakikipagkaisa sa dambana?

¹⁹ Ano ang aking sinasabi? na ang hain baga sa mga diosdiosan ay may kabuluhan? ^(V)o ang diosdiosan ay may kabuluhan?

²⁰ Subali't sinasabi ko, na ang mga bagay na inihahain ^(W)ng mga Gentil, ay kanilang inihahain sa mga demonio, at hindi sa Dios: at di ko ibig na kayo'y mangagkaroon ng pakikipagkaisa sa mga demonio.

²¹ Hindi ninyo maiinuman ^(X)ang saro ng Panginoon, at ang saro ng mga demonio: kayo'y hindi maaaring makisalo sa dulang ng Panginoon, at sa dulang ng mga demonio.

²² O ^(Y)minumungkahi baga natin sa paninibugho ang Panginoon? tayo baga'y lalong malakas kay sa kaniya?

²³ Lahat ng mga bagay ay matuwid; ^(Z)nguni't hindi ang lahat ng mga bagay ay nararapat. Lahat ng mga bagay ay matuwid; nguni't hindi ang lahat ng mga bagay ay makapagpapatibay.

²⁴ Huwag ^(AA)hanapin ninoman ang sa kaniyang sarili, kundi ang ikabubuti ng kapuwa.

²⁵ Lahat ng ipinagbibili sa pamilihan ay kanin ninyo, at huwag kayong magsipagtanong ng anoman ^(AB)dahilan sa budhi;

²⁶ Sapagka't ang lupa ay ^(AC)sa Panginoon, at ang kabuuan ng naririto.

²⁷ Kung kayo'y aanyayahan ng isang hindi sumasampalataya, at ibig ninyong pumaroon; ang anomang ihain sa inyo ay kanin ninyo, at huwag kayong magsipagtanong ng anoman dahilan sa budhi.

²⁸ Datapuwa't kung sa inyo'y may magsabi, Ito'y inihandog na hain, ay huwag ninyong kanin, ^(AD)dahilan doon sa nagpahayag at dahilan sa budhi;

²⁹ Budhi, sinasabi ko, hindi ang inyong sarili, kundi ang sa iba; sapagka't bakit ^(AE)hahatulan ang kalayaan ng budhi ng iba?

³⁰ Kung nakikisalo ako na may pagpapasalamat,^(AF)bakit ako'y aalipustain ng dahil sa aking ipinagpapasalamat?

³¹ Kaya kung kayo'y nagsisikain man, o nagsisiinom man o anoman ang inyong ginagawa, ^(AG)gawin ninyo ang lahat sa ikaluluwalhati ng Dios.

³² Huwag kayong magbigay ng dahilang ikatitisod, ^(AH)sa mga Judio man, sa mga Griego man, o sa ^(AI)iglesia man ng Dios:

³³ Na gaya ko ^(AJ)din naman, na sa lahat ng mga bagay ay nagbibigay lugod ako sa lahat ng mga tao, na hindi ko hinahanap ang aking sariling kapakinabangan, kundi ang sa marami, upang sila'y ^(AK)mangaligtas.

Mga Babala mula sa Kasaysayan ng Israel

10 Mga^(A) kapatid, hindi ko nais na hindi ninyo malaman na ang ating mga ninuno ay dumaan sa ilalim ng ulap, at silang lahat ay tumawid sa dagat,

² at lahat ay nabautismuhan kay Moises sa ulap at sa dagat;

³ at^(B) lahat ay kumain ng isang pagkaing espirituwal;

⁴ at^(C) lahat ay uminom ng isang inuming espirituwal. Sapagkat sila'y umiinom sa batong espirituwal na sumunod sa kanila, at ang Batong iyon ay si Cristo.

⁵ Subalit^(D) hindi nalugod ang Diyos sa karamihan sa kanila, sapagkat sila'y ibinuwal sa ilang.

⁶ Ang^(E) mga bagay na ito'y naganap bilang halimbawa para sa atin, upang huwag tayong magnasa ng mga bagay na masama na gaya nila.

⁷ Huwag^(F) kayong sumamba sa mga diyus-diyosan, gaya ng ilan sa kanila, gaya ng nasusulat, “Naupo ang bayan upang kumain at uminom, at tumindig upang sumayaw.”

⁸ Huwag^(G) tayong makiapid, gaya ng ilan sa kanila na nakiapid, at ang namatay^[a] sa isang araw ay dalawampu't tatlong libo.

⁹ Huwag^(H) nating tuksuhin si Cristo na gaya ng pagtukso ng ilan sa kanila, at sila'y pinuksa ng mga ahas.

¹⁰ Huwag^(I) din kayong magbulung-bulungan, gaya ng ilan na nagbulung-bulungan, at sila'y pinuksa ng taga-puksa.

¹¹ Ang mga bagay na ito ay nangyari sa kanila bilang halimbawa, at nasulat bilang pangaral sa atin na dinatnan ng katapusan ng mga panahon.

¹² Kaya't ang nag-aakalang siya'y nakatayo ay mag-ingat na baka siya'y mabuwal.

¹³ Walang tuksong dumating sa inyo na hindi karaniwan sa tao, subalit tapat ang Diyos, na hindi niya ipahihintulot na kayo'y tuksuhin nang higit sa inyong makakaya; kundi kalakip din ng tukso ay naglalaan ng pag-iwas upang ito'y inyong makayang tiisin.

¹⁴ Kaya, mga minamahal ko, lumayo kayo sa pagsamba sa diyus-diyosan.

¹⁵ Ako'y nagsasalita sa mga tulad sa marurunong; timbangin ninyo para sa inyong sarili ang sinasabi ko.

¹⁶ Ang^(J) kopa ng pagpapala na ating pinagpapala, hindi ba ito'y pakikisalo sa dugo ni Cristo? Ang tinapay na ating pinagpuputul-putol, hindi ba ito'y pakikisalo sa katawan ni Cristo?

¹⁷ Sapagkat may isang tinapay, tayong marami ay iisang katawan, sapagkat tayong lahat ay nakikibahagi sa isa lamang tinapay.

¹⁸ Tingnan^(K) ninyo ang bayang Israel;^[b] hindi ba't ang mga kumakain ng mga handog ay kabahagi sa dambana?

¹⁹ Ano kung gayon ang aking sinasabi? Na ang handog sa mga diyus-diyosan ay may kabuluhan? O ang diyus-diyosan ay may kabuluhan?

²⁰ Hindi,^(L) sinasabi ko na ang mga bagay na inihahandog ng mga pagano ay kanilang inihahandog sa mga demonyo at hindi sa Diyos, at di ko ibig na kayo'y maging kasama ng mga demonyo.

²¹ Hindi ninyo maiinuman ang kopa ng Panginoon at ang kopa ng mga demonyo. Kayo'y hindi maaaring makisalo sa mesa ng Panginoon at sa mesa ng mga demonyo.

²² O^(M) atin bang papanibughuin ang Panginoon? Tayo ba'y higit na malakas kaysa kanya?

Gawin ang Lahat sa Ikaluluwalhati ng Diyos

²³ “Lahat^(N) ng mga bagay ay matuwid,” ngunit hindi lahat ng bagay ay makakabuti. “Lahat ng mga bagay ay matuwid,” ngunit hindi ang lahat ng mga bagay ay makakapagpatibay.

²⁴ Huwag hanapin ng sinuman ang kanyang sariling kapakanan kundi ang kapakanan ng iba.

²⁵ Lahat ng ipinagbibili sa pamilihan ay kainin ninyo na walang pagtatanong dahil sa budhi,

²⁶ sapagkat^(O) “ang lupa ay sa Panginoon at ang lahat ng naririto.”

²⁷ Kung kayo'y anyayahan ng isang hindi sumasampalataya at ibig ninyong pumunta, ang anumang ihain sa inyo ay kainin ninyo na walang pagtatanong dahil sa budhi.

²⁸ Subalit kung sa inyo'y may magsabi, “Ito'y inialay bilang handog,” ay huwag ninyong kainin, alang-alang sa taong nagsabi, at dahilan sa budhi.

²⁹ Ang ibig kong sabihin ay ang budhi niya, hindi ang sa iyo. Sapagkat bakit ang aking kalayaan ay paiilalim sa pasiya ng budhi ng iba?

³⁰ Kung ako'y nakikisalo na may pagpapasalamat, bakit ako'y tutuligsain ng dahil sa bagay na aking ipinagpapasalamat?

³¹ Kaya kung kayo man ay kumakain, umiinom, o anuman ang inyong ginagawa, gawin ninyo ang lahat sa ikaluluwalhati ng Diyos.

³² Huwag kayong maging katitisuran para sa mga Judio, o sa mga Griyego, o sa iglesya ng Diyos,

³³ kung paanong sinisikap kong makapagbigay-lugod sa lahat ng mga tao sa lahat ng mga bagay, na hindi ko hinahanap ang aking sariling kapakanan, kundi ang sa marami, upang sila'y maligtas.