Mga Awit 80
Magandang Balita Biblia
Panalangin Upang Muling Ibalik ang Israel
Awit na katha ni Asaf upang awitin ng Punong Mang-aawit: ayon sa tono ng “Liryo ng Kasunduan”.
80 Pastol(A) ng Israel,
ikaw na nanguna't umakay kay Jose, na tulad sa kawan,
ikiling sa amin ang iyong pandinig, kami ay pakinggan;
mula sa trono mong may mga kerubin, kami ay tulungan.
2 Ang iyong pag-ibig iyong ipadama sa angkan ni Efraim, Manases at Benjamin,
sa taglay mong lakas, kami ay iligtas, sa hirap ay tubusin!
3 Ibalik mo kami, O Diyos,
at ipadama mo ang iyong pagmamahal, iligtas mo kami, at sa iyong sinag kami ay tanglawan.
4 Yahweh, Makapangyarihang Diyos, hanggang kailan ba patatagalin mo ang galit sa amin?
Hanggang kailan pa diringgin mo kami sa aming dalangin?
5 Masdan mo nga kami sa tuwi-tuwina'y tinapay ng luha yaong kinakain,
luha ng hinagpis, ang inihanda mo na aming inumin.
6 Ang mga bansa sa paligid, hinayaan mong kami ay kutyain,
iyong pinayagang pagtawanan kami ng kaaway namin.
7 Ibalik mo kami, O Yahweh, Diyos na Makapangyarihan sa lahat;
tanglawan mo kami't sa kahabagan mo, kami ay iligtas!
8 Mula sa Egipto ikaw ay naglabas ng puno ng ubas, saka itinanim
sa lupang dayuhan, matapos ang tao roo'y palayasin.
9 Ngunit nilinis mo muna't pinagyaman ang piniling lugar na pagtataniman,
doon ay nag-ugat, ang buong lupain ay nalaganapan.
10 Nagsanga ang puno, lumagong mabuti at ang kabunduka'y kanyang naliliman,
mga punong sedar, naliliman pati ng sangang malabay.
11 Hanggang sa ibayo, sa ibayong dagat, ang sangang malabay nito'y nakaabot,
pati mga ugat humabang mabuti't umabot sa Ilog.
12 Bakit mo sinira? Sinira ang pader, kung kaya napasok nitong dumaraan,
pinipitas tuloy yaong bunga nitong tanim na naturan.
13 Mga baboy damong nagmula sa gubat, niluluray itong walang pakundangan,
kinakain ito ng lahat ng hayop na nasa sa parang.
14 Ika'y manumbalik, O Diyos na Dakila!
Pagmasdan mo kami mula sa itaas,
at ang punong ito'y muling pagyamanin, at iyong iligtas.
15 Lumapit ka sana, ang puno ng ubas na itinanim mo ay iyong iligtas,
yaong punong iyon na pinalago mo't iyong pinalakas!
16 Ito ay sinunog, sinunog pa nila ang nasabing puno matapos maputol,
sa galit mo't poot ay iyong harapin nang sila'y malipol.
17 Ang mga lingkod mo ay iyong ingatan, yamang hinirang mo ay ipagsanggalang,
iyong palakasin bilang isang bansang makapangyarihan!
18 At kung magkagayon, magbabalik kami't di na magtataksil sa iyo kailanman,
kami'y pasiglahi't aming pupurihin ang iyong pangalan.
19 Ibalik mo kami, O Yahweh, Diyos na Makapangyarihan sa lahat;
tanglawan mo kami't sa kahabagan mo, kami ay iligtas!
Psalm 80
New Century Version
A Prayer to Bring Israel Back
For the director of music. To the tune of “Lilies of the Agreement.” A psalm of Asaph.
80 Shepherd of Israel, listen to us.
You lead the people of Joseph like a flock.
You sit on your throne between the gold creatures with wings.
Show your greatness 2 to the people of Ephraim, Benjamin, and Manasseh.
Use your strength,
and come to save us.
3 God, take us back.
Show us your kindness so we can be saved.
4 Lord God All-Powerful,
how long will you be angry
at the prayers of your people?
5 You have fed your people with tears;
you have made them drink many tears.
6 You made those around us fight over us,
and our enemies make fun of us.
7 God All-Powerful, take us back.
Show us your kindness so we can be saved.
8 You brought us out of Egypt as if we were a vine.
You forced out other nations and planted us in the land.
9 You cleared the ground for us.
Like a vine, we took root and filled the land.
10 We covered the mountains with our shade.
We had limbs like the mighty cedar tree.
11 Our branches reached the Mediterranean Sea,
and our shoots went to the Euphrates River.
12 So why did you pull down our walls?
Now everyone who passes by steals from us.
13 Like wild pigs they walk over us;
like wild animals they feed on us.
14 God All-Powerful, come back.
Look down from heaven and see.
Take care of us, your vine.
15 You planted this shoot with your own hands
and strengthened this child.
16 Now it is cut down and burned with fire;
you destroyed us by your angry looks.
17 With your hand,
strengthen the one you have chosen for yourself.
18 Then we will not turn away from you.
Give us life again, and we will call to you for help.
19 Lord God All-Powerful, take us back.
Show us your kindness so we can be saved.
Magandang Balita Biblia, Copyright © Philippine Bible Society 2012.
The Holy Bible, New Century Version®. Copyright © 2005 by Thomas Nelson, Inc.
