ద్వితీయోపదేశకాండము 33

Telugu Holy Bible: Easy-to-Read Version

“యెహోవా సీనాయినుండి వచ్చెను.
    యెహోవా శేయీరులో ప్రభాత వెలుగులా ఉన్నాడు.
    ఆయన పారాను కొండ నుండి ప్రకాశించే వెలుగులా ఉన్నాడు.
యెహోవా 10,000 మంది పరిశుద్ధులతో వచ్చాడు.
    ఆయన కుడిచేతి వైపున దేవుని గొప్ప గొప్ప మహా సైనికులు ఉన్నారు.
³ అవును, యెహోవా తన ప్రజలను ప్రేమిస్తాడు.
    ఆయన పరిశుద్ధ ప్రజలంతా ఆయన చేతిలో ఉన్నారు.
వారు ఆయన అడుగుజాడల్లో నడుస్తారు.
    ప్రతి ఒక్కరూ ఆయన ప్రబోధాలు అంగీకరిస్తారు.
⁴ మోషే మనకు ధర్మశాస్త్రం యిచ్చాడు.
    అది యాకోబు ప్రజలందరికీ చెందుతుంది.
⁵ ప్రజలు, వారి నాయకులు
    సమావేశమైనప్పుడు యెషూరూనుకు^[a] రాజు ఉన్నాడు.
    యెహోవాయే వారి రాజు.

⁶ “రూబేను మరణించక, జీవించునుగాక!
    ఆతని వంశంలో అనేకమంది ప్రజలు ఉందురు గాక!”

“యెహోవా, యూదా నాయకుడు సహాయం కోసం మొరపెట్టినప్పుడు ఆలకించు.
    అతణ్ణి తన ప్రజల దగ్గరకు చేర్చు.
అతణ్ణి బలంవతుణ్ణి చేయి. అతడు తన శత్రువులను ఓడించటానికి సహాయం చేయి!”

“నీ నిజమైన అనుచరుడు లేవీ ఊరీము, తుమ్మీమునకు^[b] కాపలా ఉండేవాడు.
    నీ పత్యేక మనిషి వాటిని కాపాడుతాడు.
మస్సా దగ్గర నీవు లేవీ ప్రజలను పరీక్షించావు.
వాళ్లు నీ వాళ్లని (నిన్ను ప్రేమించుటకు) మెరీబా^[c] నీళ్ల దగ్గర నీవు రుజువు చేసావు.
⁹ లేవీ తన తండ్రి, తల్లిని గూర్చి చెప్పాడు.
‘వారి విషయం నేను లెక్క చేయను’
అతడు తన సొంత సోదరులను స్వీకరించలేదు.
తన సొంత పిల్లల్ని తెలుసుకోలేదు.
లేవీయులు నీ మాటకు విధేయులయ్యారు
    నీ ఒడంబడికను నిలబెట్టారు.
¹⁰ యాకోబుకు^[d] నీ నియమాలను ఇశ్రాయేలుకు నీ ధర్మశాస్త్రాన్ని వారు బోధిస్తారు.
వాళ్లు నీ యెదుట ధూపం వేస్తారు.
    నీ బలిపీఠం మీద పరిపూర్ణ దహన బలులు అర్పిస్తారు.

“యెహోవా బెన్యామీనును ప్రేమిస్తున్నాడు.
    బెన్యామీను ఆయన చెంత క్షేమంగా జీవిస్తాడు.
అతనిని యెహోవా ఎల్లప్పుడూ కాపాడతాడు.
    మరియు యెహోవా అతని దేశంలో నివసిస్తాడు.”^[e]

“యెహోవా అతని దేశాన్ని ఆశీర్వదించును గాక.
    ఆకాశం నుండి శ్రేష్ఠమైన వాటితో
    భూమి క్రింద దాగి ఉన్న లోతైన ధన సంపదతో
¹⁴ సూర్యుని శ్రేష్ఠఫలాలతో
    నెల నెలా శ్రేష్ఠపంటలతో
¹⁵ ప్రాచీన పర్వతాల నుండి శ్రేష్ఠఫలాలతో
    కొండల్లో శాశ్వతంగా ఉంచబడే శ్రేష్ఠ పదార్థాలతో
¹⁶ భూమి నుండి శ్రేష్ఠమైన బహుమానాలు, దాని పూర్ణ ఆశీర్వాదాలతో,
మండుతూ ఉండే పొదలో నివాసం చేసే యెహోవా కటాక్షంతో,
    తన సోదరులనుంచి వేరుగావించబడ్డ యోసేపు తలమీద యోసేపు నడినెత్తి మీద ఆశీర్వాదం వచ్చునుగాక.
¹⁷ యోసేపు దొడ్డిలో మొట్టమొదట పుట్టిన ఎద్దుకు ఎంతో శోభ,
    ఈ ఎద్దు కొమ్ములు అడవి దున్నపోతు కొమ్ములంత పెద్దవిగా ఉంటాయి.
యోసేపు మందలు మనుష్యుల్ని తోసివేస్తాయి. అందర్నీ,
    భూదిగాంతాల వరకు తోసివేస్తాయి.
అవును, మనష్షేకు వేలాదిమంది ప్రజలు ఉన్నారు,
    అవును, ఎఫ్రాయిముకు పది వేలమంది ప్రజలు ఉన్నారు.”

“జెబూలూనూ, నీవు బయటకు వెళ్లినప్పుడు,
ఇశ్శాఖారూ, నీ యింటివద్ద నీ గుడారాలలో సంతోషంగా ఉండు.
¹⁹ వారు తమ ప్రజలను కొండకు (కర్మెలు) పిలుస్తారు.
    అక్కడ వారు సరైన బలులు అర్పిస్తారు.
ఎందుకంటే, సముద్రాల్లోని సమృద్ధిని వారు తీసుకొంటారు.
    ఇసుకలో దాగి ఉన్న ఐశ్వర్యాలను మీరు తీసుకుంటారు గనుక.”

“గాదును విశాలపర్చే దేవునికి స్తోత్రాలు!
గాదు సింహంలా పడుకుంటాడు,
    చేతిని, నడినెత్తిని చీల్చేస్తాడు.
²¹ శ్రేష్ఠభాగం అతడు తనకోసం ఎంచుకుంటాడు
    అక్కడ రాజభాగం అతనికి ఉంచబడుతుంది.
ప్రజానాయకులు అతని దగ్గరకు వస్తారు ఇశ్రాయేలీయుల యెడల అతడు దయ చూపుతాడు.
    యెహోవా దృష్టికి మంచివాటిని అతడు చేస్తాడు
    యెహోవా అతని పక్షంగా తీర్పుతీరుస్తాడు.”

“దాను బాషాను నుండి దూకే సింహపు పిల్ల.”

“నఫ్తాలీ, నీవు దయపొంది తృప్తిగా ఉన్నావు,
    యెహోవా ఆశీర్వాదాలతో నిండిపోయావు,
(గలలీ) పశ్చిమ, దక్షిణాల భూమిని నీవు తీసుకో.”

“కుమారులలో ఆషేరు అత్యధికంగా ఆశీర్వదించబడినవాడు;
    అతణ్ణి తన సోదరులకు ప్రియమైన వాడ్నిగా ఉండనియ్యండి.
    అతణ్ణి తన పాదాలు తైలముతో కడుగుకోనివ్వండి.
²⁵ నీ తాళాలు యినుపవి, యిత్తడిని,
    నీ బలం జీవితం అంతా ఉంటుంది.”

²⁶ “ఓ యెషూరూనూ, దేవునివంటి వాడు ఎవ్వరూ లేరు.
దేవుడు తన మహిమతో నీకు సహాయం చేసేందుకు.
    మేఘాల మీద ఆకాశంలో విహరిస్తాడు.
²⁷ నిత్యుడైన దేవుడు
    నీకు భద్రతా స్థలం.
శాశ్వతంగా ఆదుకునే హస్తాలు
    నీక్రింద ఉన్నాయి.
దేవుడు శత్రువును నీదగ్గర నుండి వెళ్లగొట్టేస్తాడు.
‘శత్రువును నాశనం చేయి’ అంటాడు.
²⁸ కనుక ఇశ్రాయేలు క్షేమంగా జీవిస్తాడు,
    ధాన్యం, ద్రాక్షారసం ఉండే దేశంలో
యాకోబు ఊట క్షేమంగా ఉంటుంది.
    అవును, అతని ఆకాశం మంచును కురిపిస్తుంది.
²⁹ ఇశ్రాయేలూ, నీవు సంతోషంగా ఉన్నావు.
    యెహోవా చేత రక్షించబడిన దేశంగా నీవలె ఏ దేశమూ లేదు.
యెహోవాయే నీకు సహాయం చేసేవాడు.
    నీ విజయానికి యెహోవాయే ఖడ్గం.
    నీ శత్రువులు నీకు విధేయులై వస్తారు.
వారి అబద్ధపు దేవతల పూజా స్థలాల
    మీద మీరు నడుస్తారు.”