Genesis 49:5
Magandang Balita Biblia
5 “Simeon at Levi na magkapatid,
ang sandata ninyo'y ipinanlulupig;
Genesis 49:7
Magandang Balita Biblia
7 Kayo'y susumpain, sa bangis at galit,
sa ugali ninyo na mapagmalabis;
kayo'y magkawatak-watak sa buong lupain,
sa buong Israel ay pangangalatin.
Mga Awit 83:3-13
Magandang Balita Biblia
3 Sila'y nagbabalak laban sa hinirang,
laban sa lahat ng iyong iningatan.
4 Ganito ang sabi, “Ating papawiin, ang kanilang bansa'y ating lilipulin;
upang ang Israel, malimutan na rin!”
5 Nagkakaisang lahat, sila ay nagplano,
kanilang pasya ay lumaban sa iyo.
6 Ang lahi ni Edom at ang Ismaelita,
Moab at Agarenos lahat nagkaisa.
7 Ang Gebal at Ammon gayon din ang pasya,
Amalek at Tiro at ang Filistia.
8 Pati ang Asiria'y nakipagsabwatan,
sa lahi ni Lot, nakipagtulungan. (Selah)[a]
9 Mga(A) bansang ito'y iyong parusahan, tulad ng parusang ginawa sa Midian,
kay Jabi't Siserang nalupig sa laban nang sa Ilog Kison, buhay winakasan.
10 Pinatay lahat at ang hukbo'y nawasak,
sa Endor, ang bangkay nila ay nagkalat.
11 Yaong(B) mga bantog nilang punong-kawal, kay Oreb at Zeeb iparis ang buhay.
Lupigin mong lahat ang pinuno nila tulad ng sinapit ni Zeba't Zalmuna,
12 sila ang nagsabing, “Ang pastulan ng Diyos
ay ating kamkami't maging ating lubos.”
13 Ikalat mo silang parang alikabok,
tulad ng dayami na tangay ng unos.
Footnotes
- Mga Awit 83:8 SELAH: Tingnan ang Awit 3:2.
Magandang Balita Biblia, Copyright © Philippine Bible Society 2012.
