⁴ “Narito, ako'y hamak at walang kabuluhan,
    wala akong maisasagot, bibig ay tatakpan.

⁵ Sa panig ko'y nasabi na ang lahat ng sasabihin,
    ako'y di na kikibo, nasabi'y di na uulitin.”

² “Alam kong ang lahat ng bagay ay kaya ninyong gawin,
    at walang makakapigil sa lahat ng inyong balakin.
³ Itinatanong^(A) ninyo,
‘Sino akong nangahas na kayo'y pag-alinlanganan
    gayong ako nama'y walang nalalaman?’
Nagsalita ako ng mga bagay na di ko nauunawaan,
    ng mga hiwagang di abot ng aking isipan.
⁴ Sinabi^(B) ninyong papakinggan ko ang iyong sasabihin,
    at ang iyong mga tanong ay aking sasagutin.
⁵ Noo'y nakilala ko kayo dahil sa sinabi ng iba,
    subalit ngayo'y nakita ko kayo ng sarili kong mga mata.
⁶ Kaya ako ngayon ay nagsisisi,
    ikinahihiya lahat ng sinabi, sa alabok at abo, ako ay nakaupo.”