Mga Lingkod ng Bagong Tipan

3 Magsisimula ba kaming muli na purihin ang aming sarili? O kailangan ba namin, gaya ng iba, ng mga sulat ng papuri sa inyo, o mula sa inyo?

² Kayo mismo ang aming sulat na nasusulat sa aming mga puso, nakikilala at nababasa ng lahat ng mga tao:

³ ipinapakita^(A) ninyo na kayo'y sulat ni Cristo na iniingatan namin, isinulat hindi ng tinta, kundi ng Espiritu ng Diyos na buháy, hindi sa mga tapyas ng bato kundi sa mga tapyas ng puso ng tao.

⁴ Gayon ang pagtitiwalang taglay namin sa pamamagitan ni Cristo tungo sa Diyos.

⁵ Hindi sa kami ay may kakayahan mula sa aming sarili upang angkinin ang anuman na nagmula sa amin, kundi ang aming kakayahan ay mula sa Diyos;

⁶ na^(B) ginawa kaming may kakayahan na maging mga lingkod ng bagong tipan, hindi ng titik, kundi ng Espiritu, sapagkat ang titik ay pumapatay, subalit ang Espiritu ay nagbibigay buhay.

⁷ Ngunit^(C) kung ang pangangasiwa^[a] ng kamatayan na nasusulat at nakaukit sa mga bato ay may kaluwalhatian, anupa't ang mga anak ni Israel ay hindi makatitig sa mukha ni Moises dahil sa kaluwalhatian ng kanyang mukha, na ang kaluwalhatiang iyon ay lumilipas,

⁸ paanong ang pangangasiwa^[b] ng Espiritu ay hindi lalong magkakaroon ng kaluwalhatian?

⁹ Sapagkat kung ang pangangasiwa^[c] ng kahatulan ay may kaluwalhatian, ang pangangasiwa ng katuwiran ay lalong may higit na kaluwalhatian.

¹⁰ Tunay na sa ganitong kalagayan, ang dating may kaluwalhatian ay nawalan ng kanyang kaluwalhatian, dahil sa kaluwalhatiang nakahihigit dito.

¹¹ Sapagkat kung ang bagay na lumilipas ay may kaluwalhatian, ang nananatili ay may higit pang kaluwalhatian.

¹² Yamang kami ay mayroong gayong pag-asa, kami ay kumikilos na may malaking katapangan,

¹³ hindi^(D) gaya ni Moises, na naglagay ng talukbong sa kanyang mukha upang hindi makita ng mga anak ni Israel ang katapusan ng bagay na lumilipas.

¹⁴ Subalit ang kanilang mga pag-iisip ay tumigas, sapagkat hanggang sa araw na ito, kapag kanilang binabasa ang lumang tipan, ang dating talukbong ay nananatiling hindi itinataas, sapagkat tanging sa pamamagitan ni Cristo ito inaalis.

¹⁵ Subalit hanggang sa araw na ito, tuwing binabasa ang kautusan ni Moises,^[d] may isang talukbong na nakatakip sa kanilang puso.

¹⁶ Ngunit^(E) kapag ang isang tao ay bumabaling sa Panginoon, ang talukbong ay naaalis.

¹⁷ Ngayon, ang Panginoon ay siyang Espiritu, at kung saan naroroon ang Espiritu ng Panginoon, mayroong kalayaan.

¹⁸ At tayong lahat, na walang talukbong ang mukha, na nakikita ang kaluwalhatian ng Panginoon gaya ng sa isang salamin, ay nababago sa gayunding larawan, mula sa kaluwalhatian tungo sa kaluwalhatian, sapagkat ito ay mula sa Panginoon na siyang Espiritu.

3 Pinasisimulan baga naming ^(A)muli na ipagkapuri ang aming sarili? o kami baga ay nangangailangan gaya ^(B)ng iba, ng mga ^(C)sulat na papuri sa inyo, o mula sa inyo?

² Kayo ay ang aming sulat, ^(D)na nasusulat sa aming mga puso, nakikilala at nababasa ng lahat ng mga tao;

³ Yamang nahahayag na kayo'y sulat ni Cristo, na pinangasiwaan namin, hindi isinulat ng tinta, kundi ng Espiritu, ng Dios na buháy, hindi ^(E)sa mga tapyas ng bato, kundi ^(F)sa mga tapyas ng pusong laman.

⁴ At ang gayong ^(G)pagkakatiwala sa Dios ay taglay namin sa pamamagitan ni Cristo:

⁵ Hindi sa kami ay ^(H)sapat na sa aming sarili, upang isiping ang anoman ay mula sa ganang aming sarili; kundi ang ^(I)aming kasapatan ay mula sa Dios;

⁶ Na sa amin naman ay nagpapaging sapat na mga ^(J)ministro ^(K)ng bagong ^(L)tipan; hindi ^(M)ng titik, kundi ng espiritu: sapagka't ^(N)ang titik ay pumapatay, ^(O)datapuwa't ang espiritu ay nagbibigay ng buhay.

⁷ Nguni't kung ^(P)ang pangangasiwa ng kamatayan, ^(Q)na nasusulat, at nauukit sa mga bato, ay nangyaring may kaluwalhatian, ^(R)ano pa't ang mga anak ni Israel ay hindi ^(S)makatitig sa mukha ni Moises, dahil sa kaluwalhatian ng kaniyang mukha; na ang kaluwalhatiang ito'y lumilipas:

⁸ Paanong hindi lalong magkakaroon ng kaluwalhatian ang pangangasiwa ng espiritu?

⁹ Sapagka't kung ^(T)ang pangangasiwa ng kahatulan ay may kaluwalhatian, ay bagkus pa ngang higit na sagana sa kaluwalhatian ^(U)ang pangasiwang ukol sa katuwiran.

¹⁰ Sapagka't katotohanang ang pinaluwalhati ay ^(V)hindi pinaluwalhati sa bagay na ito, ng dahil sa kaluwalhatiang sumasagana.

¹¹ Sapagka't kung ang lumilipas ay may kaluwalhatian, ay lalo pang nananatili ay nasa kaluwalhatian.

¹² Yaman ngang mayroong gayong pagasa ay ginagamit namin ang buong katapangan ng pananalita,

¹³ At hindi gaya ni Moises, ^(W) na nagtalukbong ng kaniyang mukha upang ang mga anak ni Israel ay huwag magsititig sa ^(X)katapusan niyaong lumilipas:

¹⁴ Datapuwa't ^(Y)ang kanilang mga pagiisip ay nagsitigas: sapagka't hanggang sa araw na ito, ^(Z)pagka binabasa ang ^(AA)matandang tipan, ang talukbong ding iyon ay nananatili na hindi itinataas, na ito'y naalis sa pamamagitan ni Cristo.

¹⁵ Datapuwa't hanggang sa araw na ito, kailan ma't binabasa ang mga aklat ni Moises, ay may isang talukbong na nakatakip sa kanilang puso.

¹⁶ Nguni't kailan ma't magbalik sa Panginoon, ay maaalis ang talukbong.

¹⁷ Ngayon ang Panginoon ay siyang ^(AB)Espiritu: at kung saan naroroon ang Espiritu ng Panginoon, doon ^(AC)ay may kalayaan.

¹⁸ Datapuwa't tayong lahat, na walang talukbong ang mukha na tumitinging ^(AD)gaya ng sa isang salamin sa kaluwalhatian ng Panginoon, ^(AE)ay nababago tayo sa gayon ding larawan mula sa kaluwalhatian hanggang sa kaluwalhatian, na gaya ng mula sa Panginoon na Espiritu.