¹⁴ Ngunit nakasara ang kanilang mga pag-iisip, sapagkat hanggang sa araw na ito, kapag kanilang binabasa ang lumang tipan, ang dating talukbong ay naroroon pa rin, sapagkat sa pamamagitan lamang ni Cristo ito maaalis. ¹⁵ At hanggang ngayon, tuwing binabasa ang Kautusan ni Moises,^[a] may talukbong na nakatakip sa kanilang puso. ¹⁶ Gayunman, ^(A) kapag ang isang tao ay lumalapit sa Panginoon, naaalis ang talukbong na iyon.