◀ All Reading Plans / Revised Common Lectionary (Semicontinuous) / Psalm 89:1-4 19-26 (I sing of your love); 2 Samuel 6:1-11 (The advent of the ark of the Lord); Hebrews 1:1-4 (In the last days God speaks by a son) (Awadhi Bible: Easy-to-Read Version)

Prev Day

December 17, 2026

Next Day

Use the calendar to view readings from this devotional.

December 2026
Su	Mo	Tu	We	Th	Fr	Sa
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 89:1-4

एज्रा-वंसी एथान क एक ठु मस्किल।

¹मइँ हमेसा यहोवा क पिरेम क गीतन क गाउब।
मइँ ओकरी हमेसा ओकरी बिस्सासी क गीत गावत रहब।
²हे यहोवा, मोका सचमुच बिस्सास अहइ, तोहार पिरेम अमर अहइ।
तोहार बिस्सास लम्बी अकास क नाईं अहइ।

³यहोवा परमेस्सर कहत ह, “मइँ आपन चुने भए राजा क संग एक ठु करार किहेउँ ह।
आपन सेवक दाऊद क मइँ वचन दिहेउँ ह:
⁴‘दाऊद तोहरे बंस क मइँ हमेसा बरे अमर बनाउब।
तोहरे राज्ज सदा सदा बरे बनाइ रखबेउँ।’”

भजन संहिता 89:19-26

¹⁹एक बार दर्सन मँ तू आपन सच्चे मनइयन स कहे रहा,
“मइँ ओनका मदद दिहे हउँ जउन मज़बूत अहइ,
    मइँ लोगन क बीच मँ स नउ जवान मनई क प्रतिस्ठित किहेउँ।
²⁰मइँ आपन सेवक दाऊद क पाइ लिहेउँ,
    अउर मइँ ओकर ताजपोसी किहेउँ ह अउ ओकरे अभिसेक आपन तेल स किहेउँ ह।
²¹मइँ आपन दाहिने हाथे स दाऊद क सहारा दिहेउँ,
    अउर मइँ ओका आपन सक्ति स बलवान बनाएउँ।
²²कउनो दुस्मन चुने भए राजा क धोखा नाहीं देइ सकतेन।
    दुट्ठ जन ओहे पइ अत्याचार नाहीं कइ सकतेन।
²³मइँ ओकरे दुस्मनन क समाप्त कइ दिहेउँ।
    जउन लोग चुने भए राजा स बैर राखत रहेन, मइँ ओनका हराइ दिहेउँ।
²⁴मइँ हमेसा आपन चुने भए राजा स पिरेम राखब अउर ओका समर्थन देब।
    उ मोहे पइ निर्भर रहिके मोर सक्ती स भरि जाइ।
²⁵मइँ आपन चुने भए राजा क महासागर क नियंत्रक तइनात करब।
    उ नदियन पइ हुकुमत करी।
²⁶उ मोहसे कही, ‘तू मोर पिता अहा।
    तू मोर परमेस्सर, मोर चट्टान अउ मोर उद्धारकर्ता अहा।’

2 समूएल 6:1-11

परमेस्सर क पवित्तर सन्दूख यरूसलेम लिआवा गवा

6 दाऊद फुन इस्राएल क सबहिं चुने गए तीस हजार लोगन क बटोरेस। ²तब दाऊद अउ ओकर सबहिं लोग यहूदा क बाले^[a] मँ स परमेस्सर क पवित्तर सन्दूख क यरूसलेम मँ लइ बरे गएन। पवित्तर सन्दूक सर्वसक्तीमान यहोवा क नाउँ स जाना जात हीं। पवित्तर सन्दूख यहोवा क सिंहासन क तरह अहइ। पवित्तर सन्दूख क ऊपर करूब क मूरतियन अहइँ, अउर यहोवा एन सरगदूतन पइ राजा क तरह बइठत ह। ³उ पचे परमेस्सर क सन्दूख क एक ठु नवी गाड़ी मँ रखेन। उ पचे गिबियाह मँ एक पहाड़ी पइ स्थित अबीनादाब क घरे स पवित्तर सन्दूख क लइ जात रहेन, उज्जा अउ अहह्यो अबीनादाब क पूतन नवी गाड़ी चलावत रहेन।

⁴जब उ पचे गिबियाह मँ अबीनादाब क घर जउन पहाड़ी प रहा स पवित्तर सन्दूख क लइ जात रहेन। अहह्यो सन्दूखवाली गाड़ी क आगे-आगे चलत रहेन। ⁵दाऊद अउ सबहिं इस्राएली यहोवा क समन्वा पूरे उत्साह क संग नाचत अउ गावत रहेन अउर सबइ प्रकार क संगीत यंत्र जइसे: वीणा, सितार, ढोल, झाँझ अउ मँजीरा बजावत रहेन। इ सबइ सनौवर क लकड़ी क बना रहेन। ⁶जब दाऊद क लोग नकोन खरिहाने मँ आएन तउ बर्धा लड़खड़ाइ पड़ेन। परमेस्सर क पवित्तर सन्दूख बन्द गाड़ी स गिरइ लाग। उज्जा पवित्तर सन्दूखे क धइ लिहस। ⁷यहोवा उज्जा पइ कोहाइ गवा अउर ओका मार डाएस। उज्जा पवित्तर सन्दूख छुइके परमेस्सर बरे अस्रद्धा देखाँएस। उज्जा हुवाँ परमेस्सर क पवित्तर सन्दूख क बगल मँ मरा। ⁸दाऊद बहोत कोहाइ गवा काहेकि यहोवा उज्जा क आपन क्रोध मँ मार डाए रहा। दाऊद उ जगह क “पेरेसुज्जा” कहेस। उ जगह आजु तलक पेरेसुज्जा कहा जात ह।

⁹दाऊद उ दिन यहोवा स डर गवा। दाऊद कहेस, “अब मइँ यहोवा क पवित्तर सन्दूख हिआँ कइसे लाइ सकत हउँ?” ¹⁰एह बरे दाऊद यहोवा क पवित्तर सन्दूख क दाऊद नगर मँ नाहीं लेइ चाहत रहा। उ पवित्तर सन्दूख क गत स आए भए एक मनई ओबेदोदोम क घरे मँ रखेस। दाऊद एका सड़क स गत क ओबेदोदोम क घर लइ गवा। ¹¹यहोवा क सन्दूख ओबेदोदोम क घरे मँ तीन महीने तलक रहा। यहोवा ओबेदोदोम अउ ओकरे सारे परिवार क आसीर्वाद दिहस।

इब्रनियन 1:1-4

परमेस्सर अपने पूत क माध्यम स बोलत ह

1 परमेस्सर त अतीत मँ नबियन क जरिये कइयउ अवसरन प कउनउ तरह स हमरे पूर्वजन स बातचीत किहेस। ²मुला इन आखिरी दिने मँ उ हमसे अपने पूत क जरिये बातचीत किहेस, जेका ओ सब कछू क उत्तराधिकारी नियुक्त किहेस अउर जेकरे द्वारा उ समूचे ब्रह्माण्ड क रचना किहेस। ³उ पूत परमेस्सर क महिमा क प्रभा-मण्डल अहइ अउर ओकरे प्रकृति क प्रतिलिपि अहइ। उ अपने समर्थ बचन क द्वारा सब चीजन क स्थिति बनाए रखत ह। सबके पापन क धोअइ क उ सरगे मँ ओह महामहिम क दहिने हाथे बइठि गवा। ⁴एह तरह उ सरगदूतन स एतना ही महान बनि गवा जेतॅना कि ओनके उ किहेन। उ सबइ नाउँ स उत्तिम नाउँ बाटइ जउन उ उत्तराधिकार मँ पाए अहइ।

Awadhi Bible: Easy-to-Read Version (ERV-AWA)