◀ All Reading Plans / Revised Common Lectionary (Semicontinuous) / Psalm 106:1-6 19-23 (God’s favor for the people); Exodus 24:12-18 (Moses on the mountain forty days); Mark 2:18-22 (No fasting when the bridegroom is present) (Awadhi Bible: Easy-to-Read Version)

Prev Day

October 10, 2026

Next Day

Use the calendar to view readings from this devotional.

October 2026
Su	Mo	Tu	We	Th	Fr	Sa
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 106:1-6

¹यहोवा क बड़कई करा।
यहोवा क धन्यवाद करा काहेकि उ उत्तिम अहइ।
    परमेस्सर क पिरेम सदा ही रहत ह।
²फुरइ यहोवा केतॅना महान अहइ, एकर बखान कउनो मनई कइ नाहीं सकत।
    परमेस्सर क पूरी बड़कई कउनो नाहीं कइ सकत।
³जउन लोग परमेस्सर क आदेस क पालन करत हीं, उ पचे धन्न अहइ।
    उ पचे हमेसा उत्तिम करम करत हीं।

⁴यहोवा, जब तू आपन भगतन पइ कृपा करा मोका याद करा।
    मोर भी उद्धार करइ बरे याद करा।
⁵यहोवा, मोका भी ओन भली बातन मँ हींसा बटावइ द्या
    जेनका तू आपन लोगन बरे करत अहा।
तू आपन रास्ट्रन क संग मोका भी खुस होइ द्या।
    तोह पइ तोहार लोगन क संग मोका भी गर्व करइ द्या।

⁶हम पचे वइसेन ही पाप किहेन ह जइसे हमार पुरखन किहेन ह।
हम गलत किहेन।
हम बुरा काम किहे अही।

भजन संहिता 106:19-23

¹⁹ओ लोग होरब क पहाड़े पइ एक ठु सोना क बछवा बनाएन।
    उ पचे उ मूरति क पूजा करइ लागेन।
²⁰उ पचे आपन महिमावान परमेस्सर क
    एक घास खाइवाला बछवा क प्रतिमा स बदल डालेन।
²¹हमार पुरखन परमेस्सर क बिसरि गएन जउन ओनका मुक्ति दियाए रहा।
    उ पचे परमेस्सर क बिसरि गएन जउन मिस्र मँ अचरज भरा करम किहे रहा।
²²परमेस्सर हाम क देस मँ अचरज भरा करम किहे रहा।
    परमेस्सर लाल सागर क लगे भय विस्मय भरा काम किहे रहा।

²³परमेस्सर ओन लोगन क नस्ट करइ चाहत रहा।
मुला परमेस्सर क चुना भवा सेवक मूसा,
परमेस्सर क समन्वा ओन लोगन क नास करइ स
बचाइ बरे बीच मँ आइ गएन।

निर्गमन 24:12-18

मूसा परमेस्सर क नेम पावइ जात ह

¹²यहोवा मूसा स कहेस, “मोरे लगे पहाड़े प आवा। मइँ आपन उपदेसन अउ आदेसन क दुइ ठु समथर पाथरे क पाटी प लिखे अही। इ आदेसन मनई बरे अहइँ। मइँ इ पाथर क समथर पाटी क तोहका देइहउँ।”

¹³ऍह बरे मूसा अउ ओकर मददगार यहोसू यहोवा क पहाड़े ताई गएन। ¹⁴मूसा चुने भए नेतन स कहेस, “हम दुइनउँ क हिअँइ जोहा। हम तोहरे लगे लउटब। जब तलक मइँ गैर हाजिर रहब, हारून अउ हूर तोहार सासकन रइहीं। ओनके लगे जा जदि कउनो क समस्या होइ।”

मूसा क यहोवा स मिलन

¹⁵तब मूसा पहाड़े प चढ़ा। अउर बादर पहाड़ क ढाँपि लिहेस। ¹⁶परमेस्सर क महिमा सीनै पहाड़े प उतरी। बादर छ: दिना तलक पहाड़े क मूँदे रहा। सतएँ दिन यहोवा, बादर मँ, स मूसा स बोला। ¹⁷इस्राएल क लोग यहोवा क महिमा क लख सकत रहेन। इ पहाड़े क चोटी प भरभराइ क बरत आगी क नाई रहा।

¹⁸तबहिं मूसा बदरे मँ थोड़ा ऊपर पहाड़े प चढ़ा। मूसा पहाड़े पर चालीस दिन अउ चालीस रात रहा।

मरकुस 2:18-22

ईसू दूसर धार्मिक नेतन स निराला

(मत्ती 9:14-17; लूका 5:33-39)

¹⁸यूहन्ना क चेलन अउर फरीसियन लोग उपास^[a] करत रहेन। कछू मनइयन ईसू क लगे आइके पूछेन, “काहे बरे यूहन्ना क चेलन अउर फरीसियन क चेलन उपास धांस करत हीं, मुला तोहार चेलन काहे उपास नाहीं करतेन?”

¹⁹एह पइ ईसू जवाब दिहस, “जब बियाह मँ बराती जब तलक ओनसे उपवास करइ क उम्मीद नाहीं कीन्ह जात। जब तलक दुल्हा ओनके संग अहइ दुल्हा संग रहत हीं जब तलक उ पचे उपास नाहीं करतेन। ²⁰लेकिन समइ आई जबहिं दुल्हा ओनसे अलगाइ दीन्ह जाई अउर बराती दुखी रहि हीं। तबइ उ सब उपास रखिहीं।

²¹“केउ कउनो पुरान कपरा प बेसिकुरा नवा कपरा क पइबंद नाहीं लगावत। यदि उ अइसा करत ह, उ नवा कपरा क पइबंद पुरान कपरा क लई बइठत ह। अइसे फटा कपरा क खोंच अउर बढ़ जात हीं। ²²मनई कबहुँ पुरान मसकन मँ नई दाखरस भरतेन नाहीं। काहे नई दाखरस पुरान मसकन क फोरि देई। अउर ऐहसे नई दाखरस अउर मसकन बरिवाद होइ जइहीं। एह बरे मनई मई दाखरस क नई मसकन मँ धरत ह।”

Awadhi Bible: Easy-to-Read Version (ERV-AWA)