Revised Common Lectionary (Semicontinuous)
1 जब याकूब क घराना
बिदेसियन क रास्ट्र मिस्र क तजेस।
2 उ समइ यहूदा परमेस्सर क खास मनई बना,
इस्राएल ओकर राज्ज बन गवा।
3 लाल सागर ऍका लखेस, उ पराइ गवा।
यरदन नदी उलटिके बह चली।
4 पर्वत मेमनन क नाई नाच गएन।
पहाड़ी भ़ेड़न क नाई नाचि गइन।
5 हे लाल सागर, तू काहे पराइ गया?
हे यरदन नदी, तू काहे उलटी बहिउ?
6 हे पहाड़ो, काहे तू पचे भ़ेडन क नाई नाच्या?
हे पहाड़ियो, तू पचे काहे मेमनन जइसी नाचिउ?
7 हे धरती, यहोवा याकूब क परमेस्सर,
सुआमी क समन्वा काँप।
8 परमेस्सर ही चट्टानन क चीरिके जल क बाहेर बहाएस।
परमेस्सर पक्की चट्टान स जल क झरना बहाए रहा।
19 हाँ इ फुरे अइसा भवा। फिरौन क घोड़ा, सवार अउ रथ समुद्दर मँ चला गएन। यहोवा ओनके ऊपर समुद्दर क पानी लइ आइ दिहस। मुला इस्राएल क मनइयन झुरान धरती प चलिके समुद्दर पार कइ लिहन।
20 तब्बइ हारून क बहिन नबिया मिरियम एक ठु ढपली लिहस। मिरियम अउ दूसर मेहररूअन नाचइ गावइ लागीं। मिरियम क गवनिया क बोल रहा:
21 “यहोवा बरे गावा।
काहेकी उ बड़वार काम किहेस ह।
उठाइके बहाइ दिहस घोड़ा अउ सवारे क
सगरे क बीच मँ”
7 “जब तू पराथना करत रहा, तउ विधर्मी क नाईं फिजूल बातन क यों ही बार बार जिन दोहरावा। उ सबइ इ सोचत हीं कि ओनके बहोत बोले स ओनकइ सुनि लीन्ह जाइ। 8 यह बरे ओनके जइसा जिन होइ जा काहेकि तोहरे परमपिता तोहारे माँगइ स पहिले जानत ह कि तोहार का जरूरत अहइ। 9 यह बेर इ प्रकार पारथना करा:
‘सरग मँ रहइ वाले हमार परमपिता,
पवित्तर अहइ तोहार नाउँ
10 जग मँ तोहार राज्य आवइ जउन चाहा तू वइसे पूर होइ
इ धरती प जइसे पूर होत रहत तोहार इच्छा सदा सरग मँ।
11 आज तू हमका दिन भर क खइया द्या
12 हमार पापन क छमा करा
जइसे हम छमा कीन्ह आपन अपराधिनक।
13 जिन ल्या कठिन परिच्छा भारी
हमका ओसे बचावा जउ उन दुस्ट (सइतान) स अहइ।’[a]
14 यह बरे जदि तू लोगन्क अपराधे क छमा करब्या तउ तोहार सरगे क परमपिता भी तोहरे पाप छमा करी। 15 मुला अगर तू लोगन्क छमा न करब्या तउ तोहार सरगे क परमपिता भी तोहरे पापन्क छमा न करी।
Awadhi Bible: Easy-to-Read Version. Copyright © 2005 Bible League International.