Revised Common Lectionary (Semicontinuous)

¹ परमेस्सर क पूत लोगो, यहोवा क स्तुति करा।
    ओकर महिमा अउ सक्ती क प्रसंसा गीत गावा।
² यहोवा क प्रसंसा करा अउ ओकरे नाउँ क आदर करा।
    पवित्तर ओढ़ना पहिरिके यहोवा क आराधना करा।
³ समुद्र क ऊपर यहोवा क वाणी खुद क गरजत ह।
    परमेस्सर क वाणी महासागर क ऊपर मेघ क गरजन क तरह गरजत ह।
⁴ यहोवा क वाणी ओकर सक्ती क देखाँवत ह।
    ओकर ध्वनि ओकर महिमा क परगट करत ह।
⁵ यहोवा क वाणी देवदार बृच्छन क तोड़के चकनाचूर कइ देत ह।
    यहोवा लबानोन क विसाल देवदार बृच्छन क तोड़ देत ह।
⁶ यहोवा लबानोन क पहाड़न क कपाँइ देत ह।
    उ नाचत भए बछवा क तरह देखाँइ लागत ह।
    हेर्मोन क पहाड़ काँप उठत ह अउर उछरत जवान बकरी क तरह देखाँत ह।
⁷ यहोवा क वाणी बिजली क कौंध स टकरात ह।
⁸ यहोवा क वाणी मरुस्थल क कँपाइ देत ह।
    यहोवा क स्वर स कादेस क मरुस्थल काँप उठत ह।
⁹ यहोवा क वाणी स हिरन डेराइ जात हीं।
    यहोवा दुर्गम जंगलन क नस्ट कइ देत ह।
मुला ओकरे मन्दिर मँ लोग ओकर प्रसंसा क गीत गावत हीं।

² “अय्यूब तू सर्वसक्तीमान परमेस्सर स तर्क किहा।
    तू मोर निन्दा किहस।
    अब तोहका जवाब दइ चाही।”

⁴ “मइँ तउ कछू कहइ बरे बहोत ही तुच्छ हुउँ।
    मइँ तोहसे का कहि सकत हउँ?
मइँ आपन हाथ
    आपन मुँहे पइ रख लेब।
⁵ मइँ एक दाई कहेउँ मुला अब मइँ जवाब नाहीं देबउँ।
    फुन मइँ दुबारा कहेउँ मुला अब अउर कछू नाहीं बोलब।”