Revised Common Lectionary (Semicontinuous)

“मोर प्रान पर्भू (परमेस्सर) क स्तुति करत ह।
⁴⁷     मोर आतिमा मोरे उद्धारकर्ता परमेस्सर मँ खुस भइ।
⁴⁸ उ आपन दीन दास की बिटिया क
    सुधि लिहेस
अउर अब हाँ आजु क बाद
    सबहिं मोका धन्य कइहीं।
⁴⁹ काहेकि उ सक्तीवाला मोरे बरे बड़कवा कारज किहेस ह।
    ओकर नाउँ पवित्तर अहइ।
⁵⁰ जउन ओसे डेरात हीं
    उ ओन पइ पीढ़ी दर पीढ़ी दाया करत ह।
⁵¹ उ आपन बाँहन क सक्ती देखाइस।
    उ घमंडी मनइयन क ओनके डींग हाँकइवालन क बिचारन क छितराइ दिहेस।
⁵² उ राजन क सिंहासने स तरखाले उतार दिहस।
    दीनन क ऊँचा उठाएस।
⁵³ उ भुखान मनइयन क नीक चीजे स भरपूर कइ देई
    अउर धनी लोगन क निकारि देई।
⁵⁴ उ आपन सेवकन इस्राएलियन क दाया कइर आवा
    अउर हमरे पूर्वजन क बचन क मुताबिक।
⁵⁵ ओका इब्राहीम अउर ओकर संताने प
    सदा दाया देखॉवइ क याद रही।”

60 “हे यरूसलेम, हे मोर प्रकास, तू उठि जागा।
    तोहार प्रकास (परमेस्सर) आवत रहा बाटइ।
    यहोवा क मिहिमा तोहरे ऊपर चमकी।
² आजु अँधियारा सारा जहान अउर ओकरे लोगन क ढक रखे अहइ।
    मुला यहोवा क तेज परगट होइ
अउर तोहरे ऊपर चमकी।
    ओकर तेज तोहरे ऊपर देखाई देइ।
³ उ समय सबहिं देस तोहरे प्रकास क लगे अइहीं।
    राजा तोहरे भव्य तेज क लगे अइहीं।
⁴ आपन चारिहुँ कइँती लखा।
    लखा, तोहरे चारिहुँ कइँती लोग एकट्ठा होत अहइँ अउर तोहरी सरण मँ आवत अहइँ।
इ सबइ सबहिं लोग तोहार पूत अहइँ जउन दूर बहोत दूर स आवत अहइँ
    अउर ओनके संग तोहार बिटियन आवत अहइँ।

⁶⁸ “इस्राएल क पर्भू परमेस्सर क आसीस होइ
    काहेकि उ आपन मनइयन क मदद बरे आवा
    अउर ओनका आजाद कराएस।
⁶⁹ उ हमरे बरे आपन सेवक दाऊद क परिवार स
    एक उद्धारकर्ता दिहस।
⁷⁰ जइसा कि उ बहोत पहिले
    आपन पवित्त नबी स वचन देवॉएस।
⁷¹ उ हमका हमार दुस्मनन स अउर ओन सब क हथवन स,
    जउन हम स घिना करत रहेन, हमका छोड़ावइ क वचन दिहस।
⁷² हमरे पूर्वजन प दाया देखावइ क
    अउर आपन पवित्तर बचन क याद रखइ क।
⁷³ ओकर बचन रहा एक उ सपथ जउन हमरे पूर्वजन इब्राहीम क संग लीन्ह गइ रहिन,
⁷⁴     कि हमार दुस्मनन क हथवन स हमार छुटकारा
अउर बेडर क पर्भू क सेवा करइ क हुकुम दीन।
⁷⁵     अउर आपन जिन्नगी भर हर रोज ओकरे समन्वा हम पचे पवित्तर अउर धर्मी रहि सकी।