Revised Common Lectionary (Semicontinuous)
1 समूचइ रास्ट्रन यहोवा क नाउँ क बड़कई करा।
हे लोगो, यहोवा क गुण गावा।
2 काहेकि उ हम पइ बहोत पिरेम दिखावत ह।
ओकर बिस्सास सदा-सदा बरे रही।
यहोवा क बड़कई करा।
नवा इस्राएल
31 यहोवा इ सबइ कहेस: “उ समइ मइँ इस्राएल क पूरे परिवार समूहन क परमेस्सर होब अउर उ पचे मोर लोग होइहीं।”
2 यहोवा कहत ह, “जउन लोग दुस्मन क तरवार स बच गएन,
उ सबइ लोगन क रेगिस्ताने मँ आराम मिला।
इस्राएल आराम क खोज मँ रहा।”
3 बहोत दूर स यहोवा आपन लोगन क समन्वा परगट भवा।
यहोवा कहत ह, लोगो,
“मइँ तोहसे पिरेम करत हउँ अउर मोर पिरेम सदैव रही।
मइँ सदैव तोहरे बरे सच्चा रहब।
4 मोर दुलहिन, इस्राएल मइँ तोहका फुन बनाउब्या।
तू फुन लोगन स भरा सुन्नर देस बनबिउ।
तू आपन तम्बूरा फुन सँभलबिउ।
तू बिनोद करइवाले दूसर सबहिं लोगन क संग नचबिउ।
5 इस्राएल क किसानो, तू अंगूरे क बगिया फुन लगउब्या।
तू सोमरोन सहर क चारिहुँ कइँती ओन पहाड़ी पइ ओन अंगूरन क बाग लगउब्या
अउर किसान लोग ओन अंगूरन क बागन क फलन क आनन्द लेइहीं।
6 उ समइ आइ जब एप्रैम क पहाड़ी प्रदेस क चौकीदार इ सँदेसा घोसित करी:
‘आवा, हम आपन परमेस्सर यहोवा क उपासना करइ सिय्योन चली।’
एप्रैम क पहाड़ी प्रदेस क चौकीदार भी अहइ सँदेसा क घोसणा करिहीं।”
लूका ईसू क जीवन क बरे मँ लिखस
1 बहोत स मनई हमरे बीच होइजाइ वाली घाटना क ब्यौरा लिखइ क कोसिस करेन ह। 2 उहइ बातन हमका उ सबइ मनइयन क जरिये जान पड़िन जउन उ पचे सुरुआत स घटत देखेन अउर जउन सुसमासार क प्रचार करत रहेन। 3 हे मान्यवर थियुफिलुस! काहेकि मइँ सुरुआत स सब कछू होसियारी स पढ़ेउँ ह। एह बरे मोका इ नीक जान पड़त ह कि तोहरे बरे एक ठु एक क बाद एक एक घटना क लिखेउँ। 4 जेसे तू सब इन बातन क बेफिकिर होइके जान ल्या जउन तोहका सिखाइ ग अहइँ।
Awadhi Bible: Easy-to-Read Version. Copyright © 2005 Bible League International.