Revised Common Lectionary (Semicontinuous)

65 सियोनातील देवा, मी तुझी स्तुती करतो.
    मी कबूल केल्याप्रमाणे तुला अर्पण करीत आहे.
² तू केलेल्या गोष्टींबद्दल आम्ही लोकांना सांगतो.
    आणि तू आमची प्रार्थना ऐकतोस.
    तू तुझ्याकडे येणाऱ्या प्रत्येकाची प्रार्थना ऐकतोस.
³ जेव्हा आमची पापे आम्हांला खूप जड होतात
    तेव्हा तू माफ करतोस आणि त्यांची भरपाई करतोस.
⁴ देवा, तू तुझ्या लोकांची निवड केलीस.
    आम्ही तुझ्या मंदिरात येऊन तुझी प्रार्थना करावी यासाठी तू आमची निवड केलीस आणि आम्ही खूप आनंदी आहोत.
तुझ्या मंदिरातल्या आणि तुझ्या पवित्र राजवाड्यातल्या
    सगळ्या सुंदर विस्मयकारक गोष्टी आमच्या जवळ आहेत.
⁵ देवा, आम्हाला वाचव.
    चांगले लोक तुझी प्रार्थना करतात आणि तू त्यांच्या प्रार्थनेला उत्तर देतोस.
तू त्यांच्यासाठी आश्चर्यकारक गोष्टी करतोस.
    सर्व जगभरचे लोक तुझ्यावर विश्वास ठेवतात.
⁶ देवाने त्याच्या शक्तीने पर्वत निर्माण केले.
    आपण त्याची शक्ती आपल्या भोवती सर्वत्र पाहतो.
⁷ देवाने उन्मत्त झालेल्या खवळलेल्या समुद्राला शांत केले.
    देवाने पृथ्वीवर लोकांचे “महासागर” निर्माण केले.
⁸ सर्व जगातील लोक तू केलेल्या विस्मयजनक गोष्टींनी आश्चर्यचकित झाले आहेत.
    सूर्योदय आणि सुर्यास्त आम्हाला खूप आनंदी बनवतात.
⁹ तू जमिनीची काळजी घेतोस तू तिच्यावर सिंचन करतोस
    आणि तिला धान्य उगवायला सांगतोस.
देवा तू झरे पाण्याने भरतोस
    आणि पिकांना वाढू देतोस.
¹⁰ तू नांगरलेल्या जमिनीवर पाऊस पाडतोस.
    तू शेतजमीन पाण्याने भिजवतोस.
तू जमीन पावसाने भुसभुशीत करतोस.
    आणि तू त्यावर छोट्या रोपट्यांना उगवू देतोस.
¹¹ तू नवीन वर्षाची सुरुवात चांगल्या हंगामाने करतोस
    तू भरपूर पिकांनी गाड्या भरतोस.
¹² वाळवंट आणि डोंगर गवताने भरले आहेत.
¹³ आणि कुरणे मेंढ्यांनी झाकली गेली आहेत.
    दऱ्या धान्यांनी भरल्या आहेत.
प्रत्येक जण आनंदाने गात आहे आणि ओरडत आहे.

¹² परमेश्वराचा संदेश पुढीलप्रमाणे आहे:
    “मनापासून माझ्याकडे परत या.
तुम्ही दुष्कृत्ये केलीत.
    रडा, शोक करा आणि उपवास करा.
¹³ तुमचे कपडे फाडू नका,
    तर ह्रदये फाडा” ^[a]
परमेश्वराकडे, तुमच्या परमेश्वराकडे परत या.
    तो कृपाळू व दयाळू आहे.
तो शीघ्रकोपी नाही.
    तो खूप प्रेमळ आहे.
त्याने योजलेली कडक शिक्षा
    कदाचित् तो बदलेलही.
¹⁴ कदाचित परमेश्वराचे मनः परिवर्तन होईलही, कोणी सांगावे!
    आणि कदीचित तो त्याच्या मागे तुमच्यासाठी आशीर्वादही ठेवून जाईल.
मग तुम्ही परमेश्वराला.
    तुमच्या परमेश्वराला, अन्नार्पणे व पेयार्पणे देऊ शकाल.

¹⁵ सियोन वरून रणशिंग फुंका.
    खास सभा बोलवा.
    उपवासाची विशिष्ट वेळ ठरवा.
¹⁶ लोकाना एकत्र जमवा,
    खास सभा बोलवा,
वृध्दांना एकत्र आणा
    मुलांना एकत्र जमवा, तान्ह्या मुलांना एकाठिकाणी जमवा.
शय्यागृहातून नवरा नवरीलाही येऊ द्या.
¹⁷ याजकांना, परमेश्वराच्या सेवकांना
    द्वारमंडप व वेदी यांच्यामध्ये रडू द्या.
ह्या सर्व लोकांनी म्हणावे, “परमेश्वरा, तुझ्या माणसांवर दया कर.
    तुझ्या माणसांची अप्रतिष्ठा होऊ देऊ नकोस.
तुझी माणसे दुसऱ्या लोकांनी आम्हाला हसू नये वक्ष
    ‘कोठे आहे तुमचा परमेश्वर?’ असे विचारू नये.”

¹⁸ मग, देशासाठी, परमेश्वराच्या भावना उत्तेजित झाल्या.
    त्याला, त्याच्या लोकांबद्दल वाईट वाटले.
¹⁹ परमेश्वर त्याच्या लोकांशी बोलला.
तो म्हणाला, “मी तुमच्याकडे पुन्हा धान्य, द्राक्षरस आणि तेल पाठवीन.
    तुम्ही तृप्त व्हाल.
    ह्यापुढे, इतर राष्ट्रांत तुमची अप्रतिष्ठा मी होऊ देणार नाही.
²⁰ मी उत्तरे ^[b] कडून आलेल्या लोकांना तुमचा देश सोडायला भाग पाडीन.
    मी त्यांना रूक्ष आणि ओसाड देशात जायला लावीन.
त्यातील काही पूर्व समुद्राकडे जातील.
    तर काही पश्चिम समुद्राकडे जातील.
त्या लोकांनी फारच भयंकर कृत्ये केली आहेत.
    ते मृतांप्रमाणे व सडलेल्या गोष्टींसारखे होतील.
तेथे भयंकर दुर्गधी पसरेल.”

²¹ हे भूमी, घाबरू नकोस.
    सुखी आणि हर्षाल्लासित हो!
    कारण परमेश्वर महान गोष्टी घडवून आणणार आहे.
²² रानातल्या प्राण्यानो, घाबरू नका.
    कारण वाळवंटातील कुरणांत हिरवळ उगवेल,
झाडांना फळे लागतील.
    अंजिराची झाडे व द्राक्षवेली फळांनी लगडतील.