◀ All Reading Plans / Revised Common Lectionary (Semicontinuous) / Jeremiah 4:11-12 22-28 (Judgment against Jerusalem); Psalm 14 (Who seeks after God?); 1 Timothy 1:12-17 (Christ Jesus came for sinners); Luke 15:1-10 (Lost sheep and lost coin) (Awadhi Bible: Easy-to-Read Version)

Prev Day

September 14, 2025

Next Day

Use the calendar to view readings from this devotional.

September 2025
Su	Mo	Tu	We	Th	Fr	Sa
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

यिर्मयाह 4:11-12

¹¹उ समइ एक सँदेसा यहूदा
    अउ यरूसलेम क लोगन क दीन्ह जाइ:
“नंगी पहाड़ियन क चोटी स गरम आँधी चलाति अहइ।
    इ रेगिस्ताने स मोर लोगन कइँती आवति अहइ।
इ उ मन्द हवा नाहीं जेकर उपयोग
    किसान भूसा स अनाज निकारइ बरे करत हीं।
¹²इ ओहसे जियादा तेज हवा अहइ
    अउर मोहसे आवति अहइ।
अब मइँ यहूदा क लोगन क खिलाफ
    आपन निआउ क घोसणा करब।”

यिर्मयाह 4:22-28

²²परमेस्सर कहेस, “मोर लोग मूरख अहइँ।
    उ पचे मोका नाहीं जानतेन।
बेवकूफ बच्चन अहइँ।
    उ पचे समुझतेन नाहीं।
उ पचे पाप करइ मँ दच्छ अहइँ,
    किन्तु उ पचे नीक करइ नाहीं जानतेन।”

बिनास आवत अहइ

²³मइँ धरती क लखेउँ।
    धरती खाली रही, एह पइ कछू नाहीं रहा।
मइँ गगन क लखेउँ,
    अउर एकर प्रकास चला गवा रहा।
²⁴मइँ पर्वतन पइ नजर डाएउँ,
    अउर उ पचे काँपत रहेन।
    सबहिं पहाड़ियन लड़खड़ात रहिन।
²⁵मइँ धियान स लखेउँ किन्तु कउनो मनई नाहीं रहा,
    अकासे क सबहिं पंछी उड़ गवा रहेन।
²⁶मइँ लखेउँ कि सुहावना प्रदेस रेगिस्तान बन गवा रहा।
    उ देस क सबहिं नगर नस्ट कइ दीन्ह ग रहेन।
    यहोवा इ कराएस।
    यहोवा अउर ओकर प्रचण्ड किरोध इ कराएस।

²⁷यहोवा इ सबइ बातन कहत ह।
“पूरा देस बरबाद होइ जाइ।
    मुला मइँ देस क पूरी तरह नस्ट नाहीं करब।
²⁸एह बरे इ देस क लोग मरे लोगन बरे रोइहीं।
    अकास अँधियारा स भरा होइ।
मइँ कहि दिहेउँ ह, अउर बदलब नाहीं।
    मइँ एक निर्णय किहेउँ ह, अउर मइँ आपन बिचार नाहीं बदलब।”

भजन संहिता 14

संगीत निर्देसक बरे दाऊद क पद।

¹मूरख आपन मने मँ कहत बाटइँ, “परमेस्सर नाहीं अहइ।”
मूरख लोग तउ अइसे कारज करत हीं जउन भ्रस्ट अउ घिन स भरा होत हीं।
ओनमाँ स कउनो भी भला काम नाहीं करत ह।

²यहोवा अकासे स मनइयन क लखत ह,
    कि कउनो बुद्धिमान मनई ओका मिलि जाइ।
    बुद्धिमान मनई परमेस्सर कइँती मदद पावइ बरे मुड़ि जात ह।
³मुला परमेस्सर स मुड़िके सबहिं दूर होइ ग अहइँ।
    आपुस मँ मिलिके सबहिं लोग पापी होइ ग अहइँ।
कउनो भी मनई नीक काम
    नाहीं करत अहइ।

⁴मोरे मनइयन क दुष्ट लोग नस्ट कइ दिहन।
उ सबइ दुर्जन परमेस्सर क नाहीं जनतेन।
    दुस्टन क लगे खाइ बरे भरपूर भोजन बाटइ।
    इ सबइ लोग यहोवा क उपासना तलक भी नाहीं करतेन।
^5-6इ सबइ दुस्ट मनई निर्धन क राय सुनइ नाहीं चाहतेन।
    अइसा काहे अहइ? काहेकि दीन लोग तउ परमेस्सर पइ निर्भर अहइँ।
मुला दुट्ठ लोगन पइ भय छाइ गवा अहइ।
    काहेकि परमेस्सर खरे लोगन क संग अहइ।

⁷सिय्योन पइ कउन जउन इस्राएल क बचावत ह? उ तउ यहोवा अहइ,
    जउन इस्राएल क रच्छा करत ह!
यहोवा क मनइयन क दूर लइ गवा जवा अउर ओनका दबाव डाइके बन्दी बनावा गवा।
    मुला यहोवा आपन मनइयन क वापिस छुड़ाइ लिआइ।
    तब याकूब बहोतइ खुस होइ।

1 तीमुथियुस 1:12-17

परमेस्सर क अनुग्रह क धन्यबाद

¹²मइँ, हमार पर्भू ईसू मसीह क धन्यबाद करत हउँ। मोका उहइ सक्ती दिहेस ह। उ मोका बिसवासी समझिके अपने सेवा मँ तैनात किहे बाटइ। ¹³जद्यपि पहिले मइँ ओकर अपमान करइवाला, सतावइवाला अउर एक बिनयरहित मनई रहेउँ। मुला मोहे पइ दया कीन्ह गइ काहेकि एक अबिसवासी क रूपे मँ इ नाहीं जानत भए कि मइँ का कछू करत हउँ मइँ सब कछू किहेउँ। ¹⁴अउर पर्भू इ अनुग्रह मोका बहुतायत स मिला ह अउर साथे ही उ बिसवास अउर पिरेम उ जउन मसीह ईसू मँ बा।

¹⁵इ कथन सही बा अउर सब केउ क स्वीकार करइ जोग्ग बा कि मसीह ईसू एह संसारे मँ पापियन क उद्धार करइ बरे आई-बाटइ। सच मइँ तउ सबसे बड़ा पापी हउँ। ¹⁶अउर इही बरे तउ मोहे पइ दया कीन्ह गइ। कि मसीह ईसू एक बड़इका पापी क रूपे मँ मोर उपयोग करत आगे चलिके जउन लोग ओहमाँ बिसवास ग्रहण करिहीं, ओनके बरे अनन्त जीवन मिलइ बरे एक उदाहरण क रूप मँ मोका स्थापित कइके आपन असीम सहनसीलता देखॉइ सकइ। ¹⁷अब उ अनन्त सम्राट अविनासी, अदृस्य एक मात्र परमेस्सर क युग युगान्तर तक सम्मान अउर महिमा होत रहइ। आमीन।

लूका 15:1-10

सरगे मँ खुसी

(मत्ती 18:12-14)

15 अब चुंगी (टैक्स) क उगहिया अउर पापी सबहिं ओका सुनइ बरे ओकरे लगे आवइ लाग रहेन। ²तउ फरीसियन अउर धरम सास्तिरियन बड़बड़ करत भए कहइ लागेन, “इ मनई तउ पापी मनइयन क अगवानी करत ह अउर ओनके संग जेवंत ह।”

³ऍह पइ ईसू ओनका इ दिस्टान्त कथा सुनाएस: ⁴“मान ल्या तोहमाँ स कउनो क लगे 100 भेड़ अहइँ अउर ओहमाँ स कउनो एक हेराइ जाइ तउ उ का 99 क खुली जगह मँ तजिके हेरान भेड़ क पाछे न धाई जब ताई उ ओका पाइ न जाइ। ⁵फिन जब ओका भेड़ मिलि जात ह तउ उ ओका खुसी क साथ आपन काँधे प उठावत ह। ⁶अउर जब घर लौटत ह तउ आपन मीतन अउर पड़ोसियन क नगिचे बोलॉइके कहत ह, ‘मोर संग खुसी मनावा काहेकि मोका हेरान भेड़ मिलि गइ अहइ।’ ⁷मइँ तोहसे कहत हउँ, इहइ तरह कउनो एक क मनफिरावइवाला पापी बरे, ओन निनावे धर्मी मनइयन स, जेनका मनफिराव करइ क जरूरत नाहीं, सरगे मँ कहूँ जिआदा खुसी मनाइ जइ।

⁸“या सोचि ल्या कउनो स्त्री अहइ जेकरे लगे दस चाँदी क सिक्का बाटेन अउर ओकर एक ठु सिक्का हेराइ जात ह तउ का उ दिया बारिके घरे क तब ताई न बहारी अउर होसियारी स नाहीं ढूँढ़त रही जब तलक उ ओका न मिलि जाइ? ⁹अउर जब उ जब ओका पाइ जात ह तउ आपन मीतन अउर पड़ोसियन क लगे बोलॉइके कहत ह, ‘मोरे संग खुसी मनावा काहेकि मोर सिक्का जउन हेराइ ग रहा, मिलि गवा।’ ¹⁰मइँ तोहसे कहत हउँ इ तरह एक पापी बरे जउन मनफिराव ह, परमेस्सर क दूतन क हाजरी मँ हुआँ खुसी मनाइ जाइ।”

Awadhi Bible: Easy-to-Read Version (ERV-AWA)