Revised Common Lectionary (Semicontinuous)

Dee 58 Psalm

To dän Haupt Musikaunt. Doo nijch fenijchte. En jeheemet Schats, fonn Doft.

¹ Woa jie werkjlijch Jerajchtijchkjeit räde em Stelle? Doo jie rajcht rejchte, O Menschesäns?

² Jo, em Hoat doo jie june Henj äare Jewault eewe em Launt.

³ Dee Beese sent framd jemoakt fonn daut Muttalief; dee sent febiestat wan see jebuare sent, un räde Läajes.

⁴ Äa Jeft es soo aus daut Jeft fonn ne Schlanj; soo aus dee doowe Schlanj dee siene Uare toostoppt.

⁵ Dee sien Meista siene Stem nijch heat, wan dee uk seeha goot späle kaun.

⁶ O Gott, bräakj äare Täne enn äa Mul; bräakj dee june Leiw äare groote Täne, O Herr Gott.

⁷ Lot dän wajch schmelte soo aus dee Wotasch dee wajch rane; hee bijcht siene Fiele, oba lot daut soo senne aus wan dee aufjeschnäde sent,

⁸ Soo aus ne Schnigj dee wajch schmelt wan dee delengd jeit, so aus ne Fru äa Misjeburt, dee seene nijch dee Sonn.

⁹ Fer däm daut dee Grope daut Fia fonn dee Dorne feele kaun, auf jreen oda jleajent, woat hee dee wajch fäaje.

¹⁰ Dee Jerajchte woat sikj freihe wan hee Rach sit; hee woat siene Feet wausche enn dee Gottloose äa Bloot.

¹¹ Soo daut en Maun saje woat: "Sejchalijch doa es Loon fa dee Jerajchte; sejchalijch doa es en Gott dee opp dise Ead rejchte deit."

¹⁵ Eena fonn dee, dee met am saut, aus hee daut head saed: "Jesaeajent es dee, dee enn Gott sien Rikj Broot aete woat."

¹⁶ Hee saed to am: "En jewessa Maun muak en grootet Owenkost, en lod fael enn.

¹⁷ Auset Owenkost Tiet wea, schekjt hee sien Sklow no daen dee enjelode weare: 'Komt, daut es nu aules reed.'

¹⁸ Oba aule, met een Senn, entschuljde sikj. Dee easchta saed:' Ekj ha en Foarm jekofft, en ekj mott gone daen bekjikje, bitte, entschuldj mie.'

¹⁹ En aundra saed: 'Ekj ha fief Poa Osse jekofft, en ekj sie oppem Wajch dee uttoproowe, bitte, entschuldj mie.'

²⁰ Noch eena saed: 'Ekj ha mie ne Fru jefriet, doaromm kaun ekj nich kome.'

²¹ Dee Sklow kjeem trig en wees sien Herr aul dise Dinj. Donn wea de Husweat seeha bossich en saed to sien Sklow: 'Go schwind enne Staut Gausse en Waeaj enenn, en brinj dee Oame, en dee Blinje, en Jelaemde hia enenn.'

²² Dee Sklow saed: 'Herr, waut du befoole hast es aul jedone, oba doa es noch meeha Rum.'

²³ Donn saed dee Herr to sien Sklow: 'Go noch rut oppe Huachwaeaj en Hakje en bedwinj an enenn to kome dat mien Hus kaun oppjefelt woare.

²⁴ Dan ekj saj die daut nich eena fonn dee, dee enjelode weare, woare mien Owenkosst schmakje.'"