◀ All Reading Plans / Revised Common Lectionary (Semicontinuous) / Psalm 58 (Like water that runs away); Jeremiah 3:15-25 (Shepherds chosen by God); Luke 14:15-24 (God’s hospitality to the humble) (Awadhi Bible: Easy-to-Read Version)

Prev Day

September 3, 2025

Next Day

Use the calendar to view readings from this devotional.

September 2025
Su	Mo	Tu	We	Th	Fr	Sa
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 58

“नास जिन करा” धुन पइ संगीत निदेर्सक बरे दाऊद क एक ठु कलात्मक।

¹निआवधीसो, तू पचे पच्छपात रहित नाहीं रह्या।
    तू लोगन क निआउ निज निर्णयन मँ निस्पच्छ नाहीं करत अहा।
²नाहीं, तू पचे तउ सिरिफ बुरी बातन ही सोचत अहा।
    इ देस मँ तू पचे हिंसा स भरा अपराध करत अहा।
³उ सबइ दुट्ठ लोग जइसे ही पइदा होत हीं, बुरे कामन क करइ लग जात हीं।
    उ पचे पइदा होत ही झूठ बोलइ लग जात हीं।
⁴उ पचे उ भयानक साँप अउ नाग जइसे होत हीं, जउन सुन नाहीं सकत।
    उ सबइ दुट्ठ जन भी आपन कान सच्चाई स मूँद लेत हीं।
⁵बुरे लोग वइसे ही होत हीं जइसे सँपेरन क गीतन क
    या ओनकर संगीतन क करिया नाग सुन नाहीं सकत।

⁶हे यहोवा! उ सबइ लोग अइसेन होत हीं जइसे सिंह।
    एह बरे हे यहोवा, ओनकर दाँत तोड़ा।
⁷जइसे बहत जल लुप्त होइ जात ह, वइसेन ही उ सबइ लोग लुप्त होइ जइहीं।
    अउर जइसे राह क उगी भइ दूब कुचर दीन्ह जात ह, वइसेन उ सबइ भी कुचरि दीन्ह जइहीं।
⁸उ सबइ घोंघा क नाई होइँ जउन चलइ मँ गल जात हीं।
    उ सबइ उ गदेला क नाई होइँ जउन मरा ही पइदा भवा, जउन दिन क प्रकास कबहुँ नाहीं लखेस।
⁹उ सबइ उ बाड़े क काँटन क तरह हाली ही बरबाद होइँ,
    जउन आगी पइ चढ़ी भइ हाँड़ी गरमावइ बरे हाली जरि जात हीं।

¹⁰जब सज्जन ओन लोगन क सजा पावत लखत ह
    जउन ओकरे संग बुरा किहेन ह,
उ खुस होत ह।
    उ आपन गोड़ ओन दुट्ठन क खून मँ धोइ।
¹¹जब अइसा होत ह, तउ लोग कहइ लागत हीं, “सज्जनन क ओनकर फल निहचय मिलत ह।
    फुरइ परमेस्सर जगत क निआउ कर्ता अहइ।”

यिर्मयाह 3:15-25

¹⁵तब मइँ तू पचन्क नवा सासक देब। उ पचे सासक मोर मनवइयन होइहीं। उ पचे तोहार पचन्क मार्ग दर्सन गियान अउर समुझ स करिहीं। ¹⁶ओन दिना तू लोग बड़ी गनती मँ देस मँ होब्या।” इ सँदेसा यहोवा क अहइ।

“उ समइ लोग फुन इ कबहुँ नाहीं कइहीं, ‘मइँ ओन दिनन क सुमिरत हउँ जब हम लोगन क लगे यहोवा क करार क सन्दूख रहा।’ उ पचे पवित्तर सन्दूख क बारे मँ फुन कबहुँ सोचिहीं भी नाहीं। उ पचे न तउ एका याद करिहीं अउर न ही ओकरे बरे अफसोस करिहीं। उ पचे दूसर पवित्तर सन्दूख कबहुँ नाहीं बनइहीं। ¹⁷उ समइ, यरूसलेम नगर ‘यहोवा क सिंहासन’ कहा जाइ। सबहिं रास्ट्र एक संग यरूसलेम नगर मँ यहोवा क नाउँ क सम्मान देइ अइहीं। उ पचे आपन हठी अउर बुरे हिरदय क अनुसार अब कबहुँ नाहीं चलिहीं। ¹⁸ओन दिनन यहूदा क परिवार इस्राएल क परिवार क संग मिलि जाइ। उ पचे उत्तर मँ एक देस स एक साथे अइहीं। उ पचे उ देस मँ अइहीं जेका मइँ ओनकर पुरखन क दिहे रहे रहेउँ।”

¹⁹मइँ यानी यहोवा अपने स कहेउँ,

“मइँ तू पचन स आपन बचवन क नाई बेउहार करइ चाहत हउँ,
    मइँ तू पचन्क एक सुहावना देस देइ चाहत हउँ।
    उ देस जउन कउनो भी रास्ट्र स जियादा सुन्नर होइ।
मइँ सोचे रहेउँ कि तू पचे मोका ‘बाप’ कहब्या।
    मइँ सोचे रहेउँ कि तू पचे मोर सदैव अनुसरण करब्या।
²⁰मुला तू पचे उ मेहरारू क नाई भया जउन पतिव्रता नाहीं रही।
    इस्राएल क परिवार, तू पचे मोरे बरे बिस्सासघाती रह्या।”
    इ सँदेसा यहोवा क रहा।
²¹“तू पचे नंगी पहाड़ियन पइ रोउब सुन सकत ह।
    इस्राएल क लोग कृपा बरे रोवत रहेन अउर पराथना करत अहइँ।
उ पचे बहोत बुरा होइ ग रहेन।
    उ पचे आपन परमेस्सर यहोवा क बिसरी ग रहेन।

²²“इस्राएल क अबिस्सासी लोगो, तू पचे मोरे लगे लउटि आवा,
अउर मइँ तोहरे पचन्क अबिस्सासी होइ क अपराध क छिमा करब।

“लोगन क कहइ चाहीं, ‘हाँ, हम लोग तोहरे लगे आउब
    तू हमार परमेस्सर यहोवा अहा।
²³निहचय ही पहाड़ियन पइ देवमूरतियन क पूजा
    अउर पहाड़न पइ जमा होइ सिरिफ झूठी आसा देत ह।
निहचय ही, इस्राएल क मुक्ति,
    यहोवा आपन परमेस्सर स आवत ह।
²⁴उ मुरतियन हमरे पुरखन क हर एक चीज
    बलि क रूप मँ हम लोगन क बचपन क अमइ स ही खाएस।
उ मूरितयन हमरे पुरखन क पसु,
    भेड़ी, पूत, बिटिया लिहस।
²⁵हम पचन्क आपन लाज मँ,
    माथा टेकइ चाही,
लज्जा हम लोगन क कम्बल क नाई ढाँप लाइ।
    हम अउर हमार पुरखन आपन परमेस्सर यहोवा क खिलाफ पाप किहे अही।
हम आपन परमेस्सर यहोवा क आग्या
    आपन बचपन स ही नाहीं माने अही।’”

लूका 14:15-24

बड़वार भोज क दिस्टान्त कथा

(मत्ती 22:1-10)

¹⁵फिन ओकरे संग खइया क खात रहेन मनइयन मँ स एक इ सुनिके ईसू स कहेस, “हर उ मनई धन्य अहइ, जउन परमेस्सर क राज्य मँ जेंवत ह!”

¹⁶तब ईसू ओसे कहेस, “एक मनई कउनो बड़के भोज क तइयारी करत रहा, उ बहोत स मनइयन क न्यौत दिहस। ¹⁷फिन दावत क समइ जेनका न्यौत दिहस, नउकरे क पठइके इ कहवाएस, ‘आवा! काहेकि भोजन तइयार अहइ।’ ¹⁸उ सबइ एक तरह आनाकानी करइ लागेन। पहिला ओसे कहेस, ‘मइँ एक खेत बेसहे अहउँ, मोका जाइके ओका देखब अहइ, कृपा कइके मोका छमा करइँ।’ ¹⁹फिन दूसर कहेस, ‘मइँ पाँच जोड़ी बर्धा मोल लिहे अहउँ, मइँ तउ सिरिफ ओनका परखइ जात हउँ, कृपा कइके मोका छमा करइँ।’ ²⁰एक अउर भी बोला, ‘मइँ अबहिं बियाह किए हउँ। इ कारण स नाहीं आइ सकत हउँ।’

²¹“तउ जब उ नउकर लौटिके आवा तउ उ आपन स्वामी क इ बातन बताइ दिहस, ऍह पइ उ घरे क स्वामी बहोत कोहाइ गवा अउर आपन नउकरे स कहेस, ‘हाली ही! सहर क गली कूचा मँ जा अउर गरीब गुरबा, अपाहिज, आँधर अउर लँगड़न क हिआँ लइ आवा।’

²²“उ नउकर स कहेस, ‘स्वामी तोहार हुकुम पूरी कइ दीन्ह गइ अहइ मुला अबहिं भी ठउर बाकी अहइ।’ ²³फिन स्वामी नउकरे स कहेस, ‘सड़कन प अउर खेतन क मेड़े ताई जा अउर हुवाँ स मनइयन स चिरौरी कइके हिआँ बुलाइ लिआवा जेसे मोर घर भरि जाइ। ²⁴अउर मइँ तोहसे कहत हउँ जउन पहिले बोलाइ गवा रहेन ओहमाँ स एक भी भोज न चिखइ सकेन!’”

Awadhi Bible: Easy-to-Read Version (ERV-AWA)