◀ All Reading Plans / Revised Common Lectionary (Semicontinuous) / Psalm 58 (Like water that runs away); Jeremiah 3:1-14 (Israel called to repentance); Titus 1:1-9 (Humble and hospitable leaders) (Awadhi Bible: Easy-to-Read Version)

Prev Day

September 2, 2025

Next Day

Use the calendar to view readings from this devotional.

September 2025
Su	Mo	Tu	We	Th	Fr	Sa
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 58

“नास जिन करा” धुन पइ संगीत निदेर्सक बरे दाऊद क एक ठु कलात्मक।

¹निआवधीसो, तू पचे पच्छपात रहित नाहीं रह्या।
    तू लोगन क निआउ निज निर्णयन मँ निस्पच्छ नाहीं करत अहा।
²नाहीं, तू पचे तउ सिरिफ बुरी बातन ही सोचत अहा।
    इ देस मँ तू पचे हिंसा स भरा अपराध करत अहा।
³उ सबइ दुट्ठ लोग जइसे ही पइदा होत हीं, बुरे कामन क करइ लग जात हीं।
    उ पचे पइदा होत ही झूठ बोलइ लग जात हीं।
⁴उ पचे उ भयानक साँप अउ नाग जइसे होत हीं, जउन सुन नाहीं सकत।
    उ सबइ दुट्ठ जन भी आपन कान सच्चाई स मूँद लेत हीं।
⁵बुरे लोग वइसे ही होत हीं जइसे सँपेरन क गीतन क
    या ओनकर संगीतन क करिया नाग सुन नाहीं सकत।

⁶हे यहोवा! उ सबइ लोग अइसेन होत हीं जइसे सिंह।
    एह बरे हे यहोवा, ओनकर दाँत तोड़ा।
⁷जइसे बहत जल लुप्त होइ जात ह, वइसेन ही उ सबइ लोग लुप्त होइ जइहीं।
    अउर जइसे राह क उगी भइ दूब कुचर दीन्ह जात ह, वइसेन उ सबइ भी कुचरि दीन्ह जइहीं।
⁸उ सबइ घोंघा क नाई होइँ जउन चलइ मँ गल जात हीं।
    उ सबइ उ गदेला क नाई होइँ जउन मरा ही पइदा भवा, जउन दिन क प्रकास कबहुँ नाहीं लखेस।
⁹उ सबइ उ बाड़े क काँटन क तरह हाली ही बरबाद होइँ,
    जउन आगी पइ चढ़ी भइ हाँड़ी गरमावइ बरे हाली जरि जात हीं।

¹⁰जब सज्जन ओन लोगन क सजा पावत लखत ह
    जउन ओकरे संग बुरा किहेन ह,
उ खुस होत ह।
    उ आपन गोड़ ओन दुट्ठन क खून मँ धोइ।
¹¹जब अइसा होत ह, तउ लोग कहइ लागत हीं, “सज्जनन क ओनकर फल निहचय मिलत ह।
    फुरइ परमेस्सर जगत क निआउ कर्ता अहइ।”

यिर्मयाह 3:1-14

3 “अगर कउनो मनई आपन पत्नी क तलाक देत ह, अउर उ पत्नी ओका तजि देत ह अउर दूसर मनई बियाह कइ लेत ह
    तउ का उ मनई आपन पत्नी क लगे फुन आइ सकत ह नाहीं।
    जदि उ मनई उ मेहरारू क लगे लउटी तउ देस पूरी तरह गन्दा होइ जाइ।
यहूदा, तू रण्डी क तरह अनेक पिरेमियन (लबार देवतन) क संग काम किहा
    अउर अब तू मोरे लगे लउटइ चाहत अहा।”
    इ सँदेसा यहोवा क रहा।
²“खाली पहाड़ी क चोटी क लखा।
    क कउनो अइसी जगह अहइ जहाँ तोहार आपन पिरेमियन क संग सारीरिक सम्बन्ध नाहीं चला?
तू सड़किया क किनारे पिरेमियन क प्रतीच्छा करती बइठी अहा।
    तू हुआँ रेगिस्तान मँ प्रतीच्छा करत अरब क तरह बइठा।
ऍह बरे तू मोहसे बेवफाइ कइ क
    अउर बहोत सारी ‘बुरा’ करम कइ क
    धरती क अपवित्तर बना दिहेस ह।
³तू पाप किहा एह बरे बर्खा नाहीं आई।
    बसन्त समइ क कउनो बर्खा नाहीं भइ।
मुला अबहिं भी तू लज्जित होइ स इनकार करति अहा।
    तोहरे मुँहना पइ रण्डी क भाव अहइ जब उ लज्जित होइ स इनकार करति अहा।
    तू आपन कीन्ह करमन पइ लज्जित होइ स इनकार करति अहा।
⁴मुला अब तू मोका बोलावत अहा।
    ‘मोर पिता, तू मोर बचपन स मोर प्रिय मीत रहा ह।’
⁵तू इ भी कह्या, ‘परमेस्सर सदैव मोह पइ कोहान नाहीं रही।
    परमेस्सर क किरोध सदैव बना नाहीं रही।’

“तू इ सब कछू कहत अहा,
मुला तू ओतने ही बुराई करति अहा जेतना तू कइ सकत अहा।”

दुइ बुरी बहिनी: इस्राएल अउ यहूदा

⁶ओन दिनन जब योसिय्याह यहूदा रास्ट्र पइ हुकूमत करत रहा। यहोवा मोहसे बातन किहस। यहोवा कहेस, “यिर्मयाह, तू ओन बुरे करमन क लखा जउन इस्राएल किहस? तू लख्या कि कइसे मोरे संग बिस्ससघात किहस। उ हर एक पहाड़ी क ऊपर अउर हर एक हरियर बृच्छ क खाले झूठी मूरतियन क पूजिके बिभिचार करइ क पाप किहस। ⁷मइँ अपने स कहेउँ, ‘इस्राएल मोरे लगे तब लउटी जब उ आपन बुरे करमन क कइ चुकी।’ किन्तु उ मोरे लगे नाहीं लउटेस अउर ओका अबिस्सासी बहिन यहूदा लखेस कि इस्राएल का किहेस ह? ⁸यहूदा लखेस कि मइँ अबिस्सासी इस्राएल क दूर पठाइ दिहेस ह काहेकि उ बिभिचार किहे रही। मइँ ओका तलाक पत्र लिखिके तलाक देइ दिहा। किन्तु ओकरे अबिस्सासी बहिन यहूदा ओन बातन स नाहीं डेराएस। यहूदा भी निकर गइ अउर उ रण्डी क तरह रहइ लगेस। ⁹यहूदा इ धियान भी नाहीं दिहस कि उ रण्डी क तरह काम करति बाटइ। एह बरे उ आपन देस क गन्दा किहस। उ काठे अउर पाथर क बनी मूरतियन क पूजा कइके बिभिचार क पाप किहस। ¹⁰इस्राएल क अबिस्सासी बहिन (यहूदा) आपन पूरे हिरदइ स मोरे लगे लउटी नाहीं। उ सिरिफ बहाना बनाएस कि उ मोरे लगे लउटी अहइ।” इ सँदेसा यहोवा क रहा।

¹¹यहोवा मोसे कहेस, “इस्राएल मोर मनवइया नाहीं रही। मुला ओकरे लगे कपटी यहूदा क अपेच्छा नीक बहाना रहा। ¹²उत्तर कइँती लखा अउर इ सँदेसा बोला:

“‘अबिस्सासी इस्राएल क लोगो तू पचे लउटा।’
    यहोवा कहत ह।
मइँ तू पचन स आपन मुँह नाहीं फेरब।
    मइँ दयासागर हउँ,
    ‘मइँ सदैव तू पचन पइ कोहान नाहीं रहब।’
    यहोवा कहत ह।
¹³‘तोहका सिरिफ एतना करब होइ कि तू आपन पापन क स्वीकारा।
    तू यहोवा अपने परमेस्सर क खिलाफ अपराध किहस,
    इ तोहार पाप अहइ कि तू दूसर रास्ट्रन क लोगन क देव मूरतियन क आपन पिरेम दिहा।
तू आपन देव मूरतियन क पूजा
    हर एक हरियर बृच्छ क खाले किहा।
तू मोर आग्या क पालन नाहीं किहा।’”
    यहोवा कहत ह।

¹⁴“अभकत लोगो, मोरे लगे लउटि आवा।” इ सँदेसा यहोवा क रहा। “मइँ तोहार सुआमी अहउँ। मइँ हर एक नगर स एक मनई लेब अउर हर एक परिवार स दुइ मनई अउर तू पचन्क सिय्योन पइ लिआउब।

तीतुस 1:1-9

1 पौलुस कइँती स जेका परमेस्सर क चुना भआ प्रेरित लोगन क ओनका बिसवास मँ सहायता देइ क बरे अउर हमरे धरम क सच्चाई क पूरा गियान क रहनुमाई क बरे भेजा गवा बा, इ सब, लोगन क परमेस्सर की सेवा क मार्ग बताइ। ²उ मइँ अइसेन एह बरे करत हुँ कि परमेस्सर क चुने हुअन क अनन्त जीवन क आस बाँधइ। परमेस्सर, जउन कभउँ झूठ नाहीं बोलत, अनादि काल स अनन्त जीवन क बचन दिहे अहइ। ³उचिते समइ पइ परमेस्सर अपने सुसमाचार क संसार क जानकारी बरे परगट किहेस। उहइ संदेस हमार उद्धारकर्ता परमेस्सर क आज्ञा स मोका सउँपा गवा बा।

⁴हमार समान बिसवास मँ मोर सच्चा बेटवा तीतुस कः हमरे परमपिता परमेस्सर,

अउर उद्धारकर्ता मसीह ईसू कइँती स अनुग्रह अउर सान्ति मिलइ।

क्रीत मँ तीतुस क काम

⁵मइँ तोहे सबन क क्रीत मँ एह बरे छोड़ रेहउँ कि उहाँ कछू अधूरा रही गवा बा, तू ओका ठीकठाक कइ द्या अउर मोरे आदेस क अनुसार हर नगर मँ बुजुर्गन क नियुक्त करा ⁶बुजुर्ग क नियुक्त तबहिं कीन्ह जाइ जब उ निर्दोस होइ। एक पत्नी ब्रती होइ। ओकर बचवन बिसवासी होइँ अउर अनुसासनहीनता क दोस ओनपर न लगावा जाइ सकइ। अउर उ पचे निरकुंस भी न होइँ। ⁷निरीच्छक निर्दोस अउर कउनउ खराबी स अछूता होइ चाही। काहेकि जेका परमेस्सर क काम सऊँपा गवा बा, ओका अड़ियल, चिड़चिड़ा, बहुत जियादा मदिरा पियइवाला, झगड़ालू, नीच कमाई क लोलुप न होइ चाही। ⁸बल्कि ओका तउ अतिथियन क आवभगत करइवाला, नेकी क चाहइवाला, विवेक स भरा धर्मी, भगत, अउर अपने प नियन्त्रण रखइवाला होइ चाही। ⁹ओका ओह बिसवास करइ जोग्ग संदेसा क मजबूती स धारण किहे रहइ चाही जेकर ओका सिच्छा दीन्ह गइ अहइ, ताकि उ लोगन क सदसिच्छा दइके ओन्हे प्रबोधित कइ सकइ। अउर जउन एनकर विरोधी होइँ, ओनकर खण्डन कइ सकइ।

Awadhi Bible: Easy-to-Read Version (ERV-AWA)