◀ All Reading Plans / Revised Common Lectionary (Semicontinuous) / Isaiah 5:1-7 (The vineyard destroyed); Psalm 80:1-2 8-19 (O God tend this vine); Hebrews 11:29—12:2 (The faith of the Hebrew people); Luke 12:49-56 (Jesus brings fire on earth) (Awadhi Bible: Easy-to-Read Version)

Prev Day

August 17, 2025

Next Day

Use the calendar to view readings from this devotional.

August 2025
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

यसायाह 5:1-7

इस्राएल परमेस्सर क खास उपवन

5 अब मइँ आपन मीत बरे एक ठु गीत गाउब। इ गीत मोरे मीत क अंगूर क बागीचा क बारे मँ अहइ।

ओकरे लगे अंगूर क इ बागीचा
    बहोत उपजाऊ पहाड़ी पइ अहइ।
²मोर मीत धरती खोदेस
    अउ काँकड़ पाथर हटाइके ओका साफ किहेस
अउर हुवाँ पइ अंगूरे क उत्तिम बेलन रोपि दिहस।
    फुन खेत क बीच मँ उ अंगूर क रस निकारइ क कुण्ड बनाएस।
मीत क आसा रही कि हुवाँ उत्तिम अंगूर होइहीं।
    किन्तु हुवाँ जउन अंगूर लाग रहेन उ सबइ बुरा रहेन।

³तउ परमेस्सर कहेस: “हे यरूसलेम क लोगो, अउर यहूदा क बसइयो,
    मोर अउ मोरे अंगूर क बाग क बारे मँ निर्णय करा।
⁴मइँ अउर क आपन अंगूर क बाग क बरे कइ सकत रहेउँ?
    मइँ उ सब किहेउँ जउन कछू भी मइँ कइ सकत रहेउँ।
मोका उत्तिम अंगूरन क लगइ क आसा रही,
    किन्तु हुवाँ अंगूर बुरे ही लागेन।
    इ अइसा काहे भवा?

⁵“अब मइँ तोहका बताउब कि आपन अंगूर क बगीचा बरे मइँ का कछू करउँ:
    उ कँटेहरी झाड़ी जउन खेते क रच्छा करत ह
मइँ उखाड़ि देब,
    अउर ओन झाड़ियन क आगी मँ बारि देबउँ।
पाथर क परकोटा तोड़िके भहराइ देब।
    बगिया क रौंदि दीन्ह जाइ।
⁶मइँ अंगूरे क बगीचे क खाली खेते मँ बदली देबउँ।
    कउनो पउधन क काटा-छाँटा नाहीं जाइ
अउर नाहीं कुदाल स मिटी क खोदी जाइ।
    ऍह बरे हुवाँ सिरिफ काँटा
अउर खरपतवार उगीहीं।
    मइँ बादरन क आदेस देब कि उ सबइ हुवाँ न बरिसइँ।”

⁷सर्वसक्तीसाली यहोवा क अंगूरे क बगीचा इस्राएल क रास्ट्र अहइ, अउर अंगूरन क बेलन यहूदा क राजा अहइँ।

यहोवा निआव क आसा किहे रहा,
किन्तु हुवाँ हत्तिरा दबदबा रही।
यहोवा निस्पच्छता क आसा किहस,
किन्तु हुवाँ बस मदद माँगइवालन क रोना रहा जेनके संग जुल्म कीन्ह गवा रहा।

भजन संहिता 80:1-2

करार क कुमुदिनी धुन पइ संगीत निर्देसक बरे आसाफ क एक ठु स्तुति गीत।

¹हे इस्राएल क चरवाहा, तू हमार सुनि ल्या।
    तू जउन यूसुफ क लोगन क अगुवाई करत ह।
तू जउन राजा क तरह करूब सरगदूत पइ विराजत अहा।
    तू आपन आप क परगट करा।
²एप्रैम, बिन्यामीन अउ मनस्से क सामने तू आपन महिमा देखावा,
    अउर आपन सक्ति स हमका बचाइ ल्या।

भजन संहिता 80:8-19

⁸पुराने जमाना मँ, तू हमका एक ठु बहोत महत्वपूर्ण पउधा सा समुझया।
    तू आपन दाखलता मिस्र स बाहेर लिआया।
तू दूसर लोगन क इ धरती तजि देइ क मजबूर किहा
    अउर हिआँ तू आपन खुद क दाखलता रोप दिहा।
⁹तू दाखलता रोपइ क धरती तइयार किहा, ओकरी जड़न क पक्की करइ बरे तू सहारा दिहा
    अउर फिन हाली ही दाखलता धरती पइ हर कइँती फइल गइ।
¹⁰इ आपन छाया स पहाड़न क ढाँपि लिहा
    हिआँ तलक कि ओकर पात बड़का देवदार बृच्छ क भी ढाँकि लिहस।
¹¹ऍकर दाखलता भूमध्य सागर तलक फइलि गइन।
    ऍकर जड़ परात नदी तलक फइला गइ।
¹²हे परमेस्सर, तू उ सबइ देवार काहे गिराइ दिहा, जउन तोहरी दाखलता क रच्छा करत रही।
    अब उ हर कउनो जउन हुवाँ स गुजरत ह, हुवाँ स अंगूर क तोड़ लेत हीं।
¹³बनैला सुअरन आवत हीं, अउर तोहार दाखलता क रौंदन भए गुजर जात हीं।
    जंगली जनावर आवत हीं, अउर ओकर पातिन चर जात हीं।
¹⁴हे सर्वसक्तीमान परमेस्सर, वापिस आवा।
    फुन स आपन दाखलता पइ सरगे स खाले लखा, अउर एकर रच्छा करा।
¹⁵हे परमेस्सर, आपन उ जड़ क लखा, जेका तू खूद आपन हाथे स रोपे रह्या।
    इ नान्ह पौधन क लखा जेका तू बढ़ाया ह।
¹⁶तोहार दाखलता गोबर क उपलन जइसा आगी मँ जरावा गवा।
    तोहरे डाँट फटकारन क कारण एकर लता नास होइ गवा।

¹⁷हे परमेस्सर, तू आपन हाथ उ मनई पइ धरा जउन तोहरे दाहिन कइँती अहइ।
    उ मनई^[a] पइ आपन हथवा धरा जेका तू खुद पाल्या।
¹⁸तउ मइँ तोहका नाहीं तजब।
    तू हम पचन क नवा जिन्नगी द्या ताकि हम लोग तोहार आराधना करइ सकब।
¹⁹सर्वसक्तिमान यहोवा परमेस्सर, तू आपन बरे पुनःस्थापित कइ ल्या।
    तू हम लोगन पइ कृपा करा ताकि हम पचे जी सकी।

इब्रनियन 11:29-12:2

²⁹बिसवास क कारण ही, लोग लाल-सागर स अइसेन पार होइ गएन जइसेन उ कउनो सूखी जमीन होइ। मुला जब मिस्र क लोगन अइसेन करइ चाहेन तउ उ पचे डूबि गएन।

³⁰बिसवास क कारण ही, यहीहो क नगर-परकोट लोगन क सात दिन तलक ओकरे चारिहुँ कइँती परिक्रमा कइ लेइके बाद ढह गवा।

³¹बिसवास क कारण ही, राहाब नाउँ क बेस्या आज्ञा क उल्लंघन करइवालन क साथे नाहीं मारी गइ रही काहेकि उ गुप्तचरन क स्वागत सत्कार किहे रही।

³²अब मइँ अउर जियादा का कही। गिदोन, बाराक, सिमसोन, यिफतह, दाऊद, समूएल अउर ओन्हन नबियन क चर्चा करइ क मोरे लगे समइ नाहीं बाटइ। ³³जे बिसवास स, राज्यन क जीत लिहेस, निआवपूर्ण काम किहेस अउर परमेस्सर जउन देइ क बचन दिहे रहा, ओका पाएस। जे सिंहन क मुँह बन्द कइ दिहेस, ³⁴लपलपात लपटन क क्रोध क सान्त किहेस अउर तलवार क धार स बच निकलेन, जेकरे कमजोरी इ सकित मँ बदल गइ, अउर युद्ध मँ जउन सक्तिसाली बनेन अउर जे बिदेसी सेनन क छिन्न-भिन्न कइ डाएन।

³⁵स्त्रियन तउ अपने मरन हुवन क फिन स जिन्दा पाएन। बहुतन क सतावा गवा, मुला उ छुटकारा पावइ स मना कइ दिहेन ताकि ओनका एक अउर अच्छा जीवन मँ पुनरूत्थान मिलि सकइ। ³⁶कछू क उपहासन अउर कोड़न क सामना करइ पड़ा जबकि कछू क जंजीरन स जकड़िके बन्दी घरे मँ डालि दीन्ह गवा। ³⁷कछू पइ पथराऊ कीन्ह गवा। ओनका आरा स चीरके दुइ फाँक कइ दीन्ह गवा, ओनका तलवार स मउत क घाट उतारि दीन्ह गवा। उ पचे गरीब रहेन, ओनका जातना दीन्ही गइ अउर ओनके साथे बुरा व्यवहार कीन्ह गवा! उ पचे भेड़ बकरियन क खाल ओढ़े रहेन अउर एहर ओहर भटकत रहेन। ³⁸इ संसार ओनके योग्य नाहीं रहा। उ पचे रेगिस्तानन अउर पहाड़न मँ घूमत रहेन अउर सबइ गुफा अउर धरती मँ बने भए बिलन मँ छुपत-छुपावत फिरेन।

³⁹अपने बिसवासे क कारण ही इ लोग सब स सराहा गएन। फिन भी परमेस्सर क जेकर महान बचन ओनका दीन्ह गवा रहा, ओका एनमाँ स कउनो नाहीं पाइ सका। ⁴⁰परमेस्सर क लगे आपन योजना क अनुसार हमरे बरे कूछ अउर जियादा अच्छा रहा जइसेन ओनहूँ बस हमरे साथे ही पूरा सिद्ध कीन्ह जाइ।

परमेस्सर अपने बेटवन क सिधावत ह

12 काहेकि हम साच्छियन क अइसेन एतॅनी बड़ी भीड़ स घिरी भइ अहइ, जउन हमका बिसवास क मतलब का अहइ एकर साच्छी देत ह इही बरे आवा बाधा पहुँचावइवाली हर एक चीज क अउर ओह पाप क जउन सहज इ मँ हमका उलझाइ लेत ह झटकिके फेंका अउर उ दउड़ जउन हमका दउड़इ क बा, आवअ धीरज क साथे ओका दउड़ी। ²हमार बिसवास क अगुआ अउर ओका पूरा सिद्ध करइवाला। इसू पे आवा हमका दिस्टी हटवाइ न चाही। जे अपने सामने उपस्थित आनन्द क बरे क्रूस क जातना झेलेन, ओकरी लज्जा क कउनउ चिंता नाहीं किहेस अउर परमेस्सर क सिंहासन क दहिने हाथ विराजमान होइ गवा।

लूका 12:49-56

मनइयन क मत ईसू स मेल नाहीं खात

(मत्ती 10:34-36)

⁴⁹“मइँ धरती प एक आगी बारइ आवा हउँ मोर केतॅनी इच्छा अहइ कि उ साइद अबहुँ ताई बरि जात। ⁵⁰मोरे लगे एक बपतिस्मा अहइ जउन मोका लेब बा जब ताईं उ पूरा नाहीं होइ जात, मइँ केतॅना बियाकुल हउँ। ⁵¹तू का सोचत बाट्या कि मइँ इ धरती प सान्ति लइ आवइ क बरे आवा हउँ? नाहीं, मइँ तोहका बतावत हउँ, मइँ अलगावइ आवा हउँ। ⁵²काहेकि अब स आगे एक घरे क पाँच आदमी एक दूसर क खिलाफ बँटि जइहीं। तीन दुइ क बिरोध मँ अउर दुइ तीन क बिरोध मँ होइ जइहीं।

⁵³बाप बेटवा क बिरोध मँ,
    अउर बेटवा बाप क बिरोध मँ,
महतारी बिटिया क बिरोध मँ,
    अउर बिटिया महतारी क बिरोध मँ,
सास दुलहिन क बिरोध मँ
    अउर दुलहिन सास क बिरोध मँ होइ जइहीं।”

समइ क पहिचान

(मत्ती 16:2-3)

⁵⁴फिन उ भीड़ स बोला, “जब तू पच्छूँ कइँती कउनो बदरे क उठत भइ लखत ह तउ कहि देत ह, ‘बरखा आवति अहइ।’ अउर फिन अइसा ही होत ह। ⁵⁵अउर फिन जब दखिनी हवा चलत ह, तू कहत ह, ‘गरमी पड़ी’ अउर अइसा ही होत ह। ⁵⁶अरे कपटी मनइयो! तू धरती अउर अकासे क रूपे क समझाउब तउ जानत बाट्या, फिन अइसा काहेकि इ जुग क बारे मँ समझउत्या नाहीं?”

Awadhi Bible: Easy-to-Read Version (ERV-AWA)