Revised Common Lectionary (Semicontinuous)

¹ हे परमेस्सर, तू हमका बिसराइ दिहा।
    तू हमका तितर-बितर कइ दिहा, तू हम पइ कोहाइ गवा।
    तू कृपा कइके वापस आवा।
² तू धरती कँपाया अउर ओका फारि दिहा।
    हमार जगत बिखरत अहइ
    कृपा कइके ओका जोर द्या।
³ तू आपन लोगन क बहोतइ यातना दिहा ह।
    हम दाखरस पिए लोग जइसे लड़खड़ात रहेन अउर भहरात अही।
⁴ मुला तू आपन बिस्सासी मानइवालन क चेताइ बरे
    कि उ पचन क अब आपन दुस्मन क धनुस चलाइवालन दुआरा तितर-बितर होइ क पाछे कहाँ जमा होइ चाही।

“हमरे तमाम पापन माफ़ करा, मोर पराथना क सुना।
    बलिदान क जगह पइ हम पचे आपन मुँहे स
    तोहार स्तुति कइके तोहका भेंट करत हउँ।
³ अस्सूर हमका बचाइ नाहीं सकब,
    हम पचे जुद्ध क घोड़न पइ सवार नाहीं होब्या।
हम पचे तोहसे प्रतिग्या करत हउँ कि तोहका ‘उ मूरतियन’ क जइसा नाहीं समुझब
    जेका हम आपन ही हाथन स बनाएस ह।
काहेकि तू उहइ पमेस्सर अहइ जउन अनाथ बच्चन पइ दाया देखॉवइवाला ह
    तू हम पचन पइ भी दाया देखाउब।”

⁴ यहोवा कहत ह,
“उ पचे मोका तजि दिहन।
मइँ ओनका एकरे बरे छिमा कइ देब।
    मइँ ओनसे मुक्त भाव स पिरेम करबउँ।
    मइँ अब ओन पइ कोहान नाहीं अहउँ।
⁵ मइँ इस्राएल बरे ओस क नाईं होइ जाब।
    चमेली क नाईं खिलब।
    उ लबानोन क देवदार बृच्छन नाइ बढ़ब्या।
⁶ उ नवा डारन निकारइ सुरू करब्या।
    उ जइतून क बृच्छ क नाईं सुन्नर होब्या।
अउ ओकर सुगंध
    देवदार बृच्छन क नाईं होब्या।
⁷ इस्राएल फुन स उ लोगन क सहारा देइ जेका मदद क जरूरत अहइ।
    उ पचे अन्न क नाईं या
अंगूरे क बेल क नाईं जउन कि बृच्छ क छाया मँ बढ़त ह।
    इस्राएल लबानोन क दाखरस क तरह प्रसिद्ध होइहीं।

⁸ “हे एप्रैम, मोका मूरतियन क बराबर जिन समुझा।
    उ मइँ ही अहउँ जउन सरग मँ स तोहका बचाएस।
मइँ एक सदाबहार सनोवार क बृच्छ क नाईं हउँ।
    तोहार फल मोहसे ही आवत हीं।”

⁹ बुद्धिमान कउन अहइ? ओन व्यक्ति क एन बातन समुझइ द्या!
    कउनो समुझ रहत ह उ व्यक्ति क सच्चाइ क समुझइ द्या।
काहेकि यहोवा क राहन नीक अहइँ।
    अच्छे लोग ओन पइ चलिहीं,
    लेकिन बिद्रोही लोग ओह पइ ठोकर खाइहीं।