◀ All Reading Plans / Revised Common Lectionary (Semicontinuous) / Psalm 60 (With God we shall do valiantly); Hosea 13:1-16 (Relentless judgment on Israel); Colossians 4:2-6 (Wise conduct toward outsiders) (Awadhi Bible: Easy-to-Read Version)

Prev Day

August 5, 2025

Next Day

Use the calendar to view readings from this devotional.

August 2025
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 60

संगीत निर्देसक बरे “वाचा क कुमुदिनी” धुन पइ उ समइ क दाऊद क एक कलात्मक जब दाऊद अरमहरैन अउ अरमसोबा स जुद्ध किहेस अउर जब योआब लउटा अउर उ नोन क घाटी मँ बारह हजार एदोमी फउजियन क मार डाएस।

¹हे परमेस्सर, तू हमका बिसराइ दिहा।
    तू हमका तितर-बितर कइ दिहा, तू हम पइ कोहाइ गवा।
    तू कृपा कइके वापस आवा।
²तू धरती कँपाया अउर ओका फारि दिहा।
    हमार जगत बिखरत अहइ
    कृपा कइके ओका जोर द्या।
³तू आपन लोगन क बहोतइ यातना दिहा ह।
    हम दाखरस पिए लोग जइसे लड़खड़ात रहेन अउर भहरात अही।
⁴मुला तू आपन बिस्सासी मानइवालन क चेताइ बरे
    कि उ पचन क अब आपन दुस्मन क धनुस चलाइवालन दुआरा तितर-बितर होइ क पाछे कहाँ जमा होइ चाही।

⁵तू आपन महासक्ति क प्रयोग कइके हमका बचाइ लिहा।
मोर पराथना क जवाब द्या अउर उ मनई क बचाइ ल्या जउन तोहका पियारा अहइ।

⁶परमेस्सर आपन मन्दिर मँ कहेस:
    “मोर विजय होइ अउर मइँ विजय पइ खुस होब।
मइँ इ धरती क आपन लोगन क बीच बाँटब।
    मइँ सकेम अउ सुक्कोत घाटी क बँटवारा करब।
⁷गिलाद अउ मनस्से मोर बनिहीं।
    एप्रैम मोरे मूँड़े क टोप (हेलमेट) बनी।
    यहूदा मोर राजदण्ड बनी।
⁸मइँ मोआब क अइसा बनाउब, जइसा कउनो मोर गोड़ धोवइ क पात्र।
    एदोम एक दास जइसा जउन मोर पनहियन उठावत ह।
    मइँ पलिस्ती लोगन क हराउब अउर विजय क उद्घोस करब।”

⁹कउन मोका ओकरे खिलाफ जुद्ध करइ क सुरच्छित मजबूत सहर मँ लइ जाइ?
    मोका कउन एदोम तलक लइ जाइ?
¹⁰हे परमेस्सर, बस तू ही इ करइ मँ मोर मदद कइ सकत ह।
    मुला तू तउ मोका बिसराइ दिहा।
    परमेस्सर हमरे साथे नाहीं जाइ अउर उ हमरी सेना क संग नाहीं जाइ।
¹¹हे परमेस्सर, तू ही हमका इ संकट क भुइँया स उबार सकत ह।
    मनई हमार रच्छा नाहीं कइ सकतेन।
¹²मुला हमका परमेस्सर ही मजबूत बनाइ सकत ह।
    परमेस्सर हमार दुस्मनन क पराजित कइ सकत ह।

होसे 13

इस्राएल आपन नास खुद किहस

13 “एप्रैम बंसज इस्राएल क तमाम जातियन क बीच मँ बहोत जियादा सक्तीसाली बनि गवा। एप्रैम जब बोला करत रहा, तउ लोग काँपात रहेन। मुला एप्रैम मरि गवा, कहेकि उ बाल देवता क पूजइ क कारण पाप किहे रहा। ²अउर अब उ पचे अपने बरे मूरतियन बनाइके लगातार पाप किहेन। ओकर कुसल कारीगर आपन सबसे अच्छा कुसला स ओकर चित्रन क तरासइ लागेन। तउ उ पचे ओन चित्रन स बातन करइ लागेन अउर उ सबइ लोग ओन बछवा क चित्रन चूमइ लागेन। ³इहइ कारण उ पचे भिंसारे क उ कोहरा अउ भिंसारे क ओस क नाईं नज़र स ओझल होइ जाइहीं। जउन गायब होइ जात ह। उ पचन्क उ भूसा क तरह उड़ा लेजाइ चाही जेका खरिहाने स उड़ावा जात ह। उ पचे उ धुआँ क समान होइहीं जउन कउनो चिमनी स उठत ह अउर लुप्त होइ जात ह।

⁴“तू लोग जब मिस्र मँ भवा करत रह्या, मइँ तबहिं स तोहार परमेस्सर यहोवा अहउँ। मोका तजिके तू पचे कउनो परमेस्सर क नाहीं जानत रह्या। मोर इलावा तोहका कउनो नाहीं बचाइ सकत ह। ⁵बयाबान मँ, हाँ, सूखा रेगिस्ताने मँ जहाँ पानी नाहीं होइ, मइँ तू सबन्क धियान दिहे रह्या। ⁶मइँ इस्राएलियन क खाइ क दिहेउँ। उ पचे उ भोजन खाएन। आपन पेट भरिके उ पचे तृप्त होइ गएन। ओनका घमंड होइ गवा अउर उ पचे मोका बिसरि गएन।

⁷“मइँ इहइ बरे सरे क तरह होइ जाबउँ। मइँ राहे पइ घात लगाए भए चीता जइसा होइ जाब। ⁸मइँ ओन पइ उ रीछनीं क तरह झपट पड़ब, जेहसे ओकर गदेलन छोर लीन्ह गवा होइँ। मइँ ओन पइ हमला करब। मइँ ओनकर छातियन क चीर फाड़ देबउँ। मइँ उ सेर या कउनो दूसर अइसे हिसंक पसु क तरह होइ जाबँउ जउन आपन सिकार क फारिके खात रहत होत ह।

परमेस्सर क किरोध स इस्राएल क कउनो बचाइ नाहीं सकत

⁹“हे इस्राएल, मइँ तोहार रच्छा किहे रहेउँ, मुला तू मोसे मुँह मोड़ लिहा। तउ अब मइँ तोहार नास करब ¹⁰तोहार राजा कहाँ बाटइ जउन तोहरे सबहिं नगरन मँ तोहका बचाइ? कहाँ बाटइ तोहार सासक जेहसे तू आपन जरूरत क मागत ही कि ‘मोका एक राजा अउर राजकुमार द्या।’ ¹¹मइँ कोहाइ गएउँ अउर मइँ तू पचन्क एक राजा दइ दिहेउँ। मइँ अउर जियादा कोहाइ गएउँ अउर मइँ तू पचन्स ओका छोरि लिहेउँ।

¹²“एप्रैम आपन अपराध छुपावइ क जतन किहस,
    उ सोचे रहा कि ओकर पाप गुप्त अहइँ।
    मुला ओन बातन बरे ओका सजा दीन्ह जाइ।
¹³ओकर सज़ा अइसी होइ जइसे कउनो मेहरारू एक बच्चा क जमन देइ क जतन करत अहइ,
    मुला उ बच्चा बुद्धिमान नाहीं होइ।
हिआँ तलक कि जब समइ आइ,
    उ गरभ स बाहेर नाहीं निकरी।

¹⁴“का मइँ ओनका गढ़ा स बचाइ लेब? नाहीं, मइँ नाहीं बचाब!
    का मइँ ओनका मउत क पकड़ स बचाइ लेब? नाहीं! मइँ नाहीं बचाब!
हे मउत, आपन महामारियन ओन पइ लावा!
    हे कब्र, आपन तबाही ओन पइ लावा!
    मइँ ओह पइ कउनो दया नाहीं देखाउब।
¹⁵सायद उ कछू समइ क लिए सरकण्डा क पउधा क नाईं बढ़इ जारी रखिहीं।
    मुला गरम पुर्बी हवा आउब्या, अउर यहोवा क कइँती स, रेगिस्तान स आउब्या।
परिणाम ओकर झरना सूख जाई;
    अउर पानी क स्रोत सूख जाई।
    उ हवा ओकर सबइ खज़ाना उड़ा लेजाइहीं जेका उ आपन गोदाम मँ जमा किहे रह्या ह।
¹⁶सोमरोन क सजा दीन्ह जाइ
    काहेकि उ आपन परमेस्सर स मुँह फेरे रहा।
इस्राएलियन तरवारे स मार दीन्ह जइहीं।
    ओनकर संतानन क चिथरा उड़ाइ दीन्ह जाइ।
    ओनकर गाभिन मेहररुअन चीरिके खोल दीन्ह जइहीं।”

कुलुस्सियन 4:2-6

पौलुस क मसीहियन क बरे सलाह

²पराथना मँ हमेसा लगा रहा। अउर जब तू पराथना करा त हमेसा परमेस्सर क धन्यबाद करत रहा। ³साथ ही साथे हमरे बरे आपन संदेस क प्रचार क अउर मसीह स सम्बन्धित सत्य क प्रबचन क अवसर प्रदान करइ काहेकि एकरे कारण ही मइँ बंदीघरे मँ हउँ। ⁴पराथना करा कि मइँ सच्चाई क लगन मँ स्पस्ट कइ देइ जइसेन मोका बतावइ चाही।

⁵बाहर क लोगन क साथे विवेकपून व्यवहार करा। सब अवसरन क पूरा-पूरा अपयोग करा। ⁶तोहर बोली हमेसा मीठी रहइ द्या अउर ओसे बुद्धि क छटा बिखरइ ताकि तोहका एक दूसरे क उत्तर कइसे देइ चाही इ जानइ चाही।

Awadhi Bible: Easy-to-Read Version (ERV-AWA)