◀ All Reading Plans / Revised Common Lectionary (Semicontinuous) / Hosea 11:1-11 (Like a mother God loves Israel); Psalm 107:1-9 43 (Give thanks to the Most High); Colossians 3:1-11 (Clothed in Christ); Luke 12:13-21 (Be rich toward God your treasure) (Awadhi Bible: Easy-to-Read Version)

Prev Day

August 3, 2025

Next Day

Use the calendar to view readings from this devotional.

August 2025
Su	Mo	Tu	We	Th	Fr	Sa
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

होसे 11:1-11

इस्राएल यहोवा क बिसरि गवा

11 “जब इस्राएल अबहीं गदेला रहा, मइँ, (यहोवा) ओहसे पिरेम किहे रहेउँ।
    मइँ आपन गदेला क मिस्र स बाहेर बोलाइ लिहे रहेउँ।
²मुला मइँ ओका जेतना जियादा बोलाएउँ
    उ पचे मोहसे ओतना ही जियादा दूर होइ गए रहेन।
उ पचे बाल देवतन क बलियन चढ़ाए रहेन
    अउर मूरतियन क अगवा धूप बारे रहेन।

³“उ मइँ ही अहउँ जउन एप्रैम चलब सिखाएस।
    मइँ इस्राएल क आपन बाँहन मँ लिहे रहेउँ,
मुला उ नाहीं जानत ह कि
    कउन ओका तन्दुरुस्त किहेस ह।
⁴मइँ ओनका पिआर अउ स्नेह क
    ‘लसुरी’ स अगुवाइ किहे रह्या।
मइँ ओकरे गटइ स जुआ क हटाइ दिहेस
    अउर विनम्रता स खिलाएस ह।

⁵“मुला उ पचे मोर कइँती नाहीं मुड़ब्या! नाहीं, उ पचे मिस्र चला गएन या आपन राजा अस्सूर क राजा क लगे गएन। उ पचे मोर कइँती वापिस आवइ स इन्कार करत ह। ⁶ओनकर सहरन क ऊपर लटकत भवा तरवार ओनकर सबइ ताकतवार मनइयन क ओनकर बुरे जोजना क कारण बर्बाद कइ देइहीं।

⁷“मोर लोग मोह स मुड़ि जाब अउर उ एका नाहीं रोक सकब। उ पचे आपन मदद बरे बाल देवता क पुकारेस, का उ ओका बचा सकेस?”

यहोवा इस्राएल क बिनास नाहीं चाहत

⁸“हे एप्रैम, मइँ तोहका तजि देइ नाहीं चाहत हउँ।
    हे इस्राएल, मइँ चाहत हउँ कि मइँ तोहार रच्छा करउँ।
मइँ तोहका अदमा क तरह नाहीं कइ देइ चाहत हउँ।
    मइँ नाहीं चाहत हउँ कि तोहका सबोर्याम जइसा बनाइ देउँ।
मइँ आपन मन बदलत हउँ
    तोहरे बरे पिरेम बहोत गहिर अहइ।
⁹मइँ आपन भयंकर किरोध क जीतइ नाहीं देब।
    मइँ फुन एप्रैम क बर्बाद नाहीं कइ देब।
मइँ तउ परमेस्सर अहउँ,
    मइँ कउनो मनई नाहीं।
मइँ तउ उ पवित्तर हउँ, मइँ तोहरे संग हउँ।
    मइँ आपन किरोध क नाहीं देखाउब।
¹⁰मइँ सेर क दहाड़ स गर्जन करब।
    मइँ गर्जन करब अउर मोरी संतानन निचके अइहीं अउर मोरे पाछे चलिहीं।
मोर संतानन जउन डर स थर-थर काँपति अहइँ,
    पच्छिम स अइहीं।
¹¹उ पचे कँपकँपात चिड़ियन स
    मिस्र स अइहीं।
उ पचे काँपत कबूतरे क नाई अस्सूर क धरती स अइहीं
    अउर मइँ ओनका ओनके घर वापस लइ जाब।”
    यहोवा इ कहे रहा।

भजन संहिता 107:1-9

पाँचवा भाग

(भजन 107–150)

¹यहोवा क धन्यवाद द्या, काहेकि उ उत्तिम अहइ।
    ओकर पिरेम हमेसा रहत ह।
²हर कउनो अइसा मनई जेका यहोवा बचाएस ह, ऍन रास्ट्रन क कहा।
    हर कउनो अइसा मनई जेका यहोवा आपन दुस्मनन स छोड़ाएस ओकर गुण गावा।
³यहोवा आपन लोगन क बहोत स अलग-अलग देसन स बटोरेस ह।
    उ ओनका पूरब अउ पच्छिम स, अउर उत्तर अउ दक्खिन स जुटाएस ह।

⁴कछू लोग अइसे रेगिस्तान मँ खोइ गए रहेन जहाँ कउनो लोग नाहीं।
    उ सबइ लोग अइसेन एक ठु नगर क खोज मँ रहेन।
    मुला ओनका कउनो अइसा नगर नाहीं मिला।
⁵उ सबइ लोग भुखान अउ पियासा रहेन
    अउर उ पचे दुर्बल होत जात रहेन।
⁶उ पचे संकट मँ रहेन, तउ उ पचे मदद पावइ क यहोवा क गोहराएन।
    उ ओन सबइ क आपन संकटन स बचाइ लिहस।
⁷यहोवा ओनका सोझइ उ सहरन मँ लइ गवा जहाँ उ पचे बसि सकिहीं।
⁸यहोवा क ओकरे विस्सस्नीय पिरेम बरे
    अउर ओन अद्भुत करमन बरे धन्यवाद द्या जेनका उ सबइ लोगन बरे करत ह।
⁹पियासी व्यक्ति परमेस्सर क सन्तुट्ठी बरे
    अउर उत्तिम वस्तुअन स भूखी व्यक्ति क पेट भरत ह।

भजन संहिता 107:43

⁴³एक विवेकी मनई ओन बातन क धियान देत ह।
अउर जउन कउनो मनई बुद्धिमान अहइ, यहोवा के सच्चा पिरेम क बारे मँ जान जाइहीं।

कुलुस्सियन 3:1-11

मसीह मँ नवाजीवन

3 काहेकि अगर तोहे मसीह क साथे मरा हुआ मँ स जियाइके उठावा गवा अहइ तउ ओन्हन चीजन क बरे कोसिस करत रहा जउन सरगे मँ हयेन जहाँ परमेस्सर क दहिनी कइँती मसीह विराजत ह। ²सरगे क चीजन क सम्बन्ध मँ सोचत रहा। संसारी चीजन क सम्बन्ध मँ न सोचा। ³काहेकि तू लोगन क पूराना पापी जीव मरि चुका बा अउर तोहर नवा जीवन मसीह क साथे साथे परमेस्सर मँ छिपा बा। ⁴जब मसीह, जउन हमार जीवन अहइ, फिन स परगट होई तउ तूहउ ओनके साथे ओनके महिमा मँ परगट होब्या।

⁵इही बरे तोहमे जउन कछू संसारी बा, ओकर अन्त कइ द्या यौन अनाचार, अपवित्तरता, वासना, बुरी इच्छा अउर लालच जउन मूर्ति पूजा क ही एक्कई रूप अहइ, ⁶एनहीन बातन क कारण परमेस्सर क गुस्सा^[a] परगट होई जात बा। ⁷एक समइ रहा जब तूहउ अइसेन करम करत इही तरह क जीवन जिया करत रह्या।

⁸परन्तु अब तोहे इन सब बातन क साथे साथे गुस्सा झुँझलाहट, सत्रुता, निन्दा भाऊ, अउर अपसब्द बोलइ स छुटकारा पाइ लेइ चाही। ⁹आपस मँ झूठ न बोला काहेकि तू अपने पुरानी पापी-जीव, अउर उ तरह जीवन जउन ओकरे साथ जाता ह ओनके उतार फेंके अहा। ¹⁰अउर नवा जीवन क धारण कइ लिहे अहा। हमेसा नवा होत जात बा जउन अपने रचइता क सरूप मँ स्थित होइके परमेस्सर क सत्य गियान क निमित्त। ¹¹परिणाम सरूप उहाँ यहूदी अउर गैर यहूदी मँ कउनउ अन्तर नाहीं रहि गवा बा, न कीहीउ खतना युक्त अउर खतना रहित मँ, न केउ सुसभ्य अउर बर्बर मँ, न दास अउर एक स्वतन्त्र मनई मँ कउनउ अन्तर बा। मसीह सर्वेसर्वा अहइ अउर सब बिसवासियन मँ उही क निवास बाटई।

लूका 12:13-21

सुआरथ क खिलाफ चिताउनी

¹³फिन भीड़ मँ स ओसे कउनो कहेस, “गुरु, मोरे भइया स मोरे बाप क धन दौलत क हींसा बाँटइ बरे कहि द्या।”

¹⁴ऍह प ईसू ओसे कहेस, “अरे भले मनई, मोका तोहरे बरे निआववाला या पंच कउन बनएस ह” ¹⁵तउ ईसू ओनसे कहेस, “होसियारी क संग आपन क लालच स दूर राखा। काहेकि जरूरत स जिआदा धन-दौलत होइ प जिन्नगी क आधार ओकर संग्रह नाहीं होत।”

¹⁶फिन उ ओनका एक दिस्टान्त कथा सुनाएस: “कउनो धनी मनई क धरती प खूब पैदावार भइ। ¹⁷उ आपन मनवा मँ सोचत भवा कहइ लाग, ‘मइँ का करुँ, मोरे लगे फसिल क रखइ बरे ठउर तउ अहइ नाहीं।’

¹⁸“फिन उ बोला, ‘ठीक अहइ मइँ इ करब कि आपन अनाज क कोठिला गिराइके बड़का कोठा बनवाउब अउर आपन समूचा अनाज क अउर सामान हुवाँ रखब। ¹⁹फिन आपन आतिमा स कहब, अरे मोर आतिमा अब बहोत स उत्तिम बस्तु, बहोत स बरिस बरे तोहरे लगे ऍकट्ठी अहइँ। घबरा जिन, खावा, पिआ अउर मउज उड़ावा!’

²⁰“मुला परमेस्सर ओसे बोला, ‘अरे मूर्ख! इहइ राति मँ तोहार आतिमा तोहसे लइ लीन्ह जाइ। जउन कछू तू तइयार किहे अहा, ओका कउन लेइ?’

²¹“लखा, उ मनई क संग भी कछू अइसा ही भवा ह, उ अपने बरे बटोरत ह मुला परमेस्सर क निगाह मँ उ धनी नाहीं।”

Awadhi Bible: Easy-to-Read Version (ERV-AWA)