Revised Common Lectionary (Semicontinuous)
Dee Psalme V
Dee 107 Psalm
1 Jäft däm Herr Gott Dank, dan Hee es Goot, dan sien Erboarme es duarhauft fa emma.
2 Lot däm Herr Gott siene Jerade soo saje; dän Hee jerat haft fonn däm Fient siene Henj;
3 un dän toop jesaumelt haft fonn dee Lenda, fomm Ooste un fomm Waste; fom Nuade un fomm Siede.
4 See waundade enne Wiltnis, enn en Wiltnis Wajch, see funge kjeena Städ wua see wone kunne;
5 hungrich un darschtich, äare Seel deed enn an feschmachte;
6 un see schrieeje no däm Herr Gott enn äa Älend; Hee rad an fonn äare Loag.
7 Un hee leid an enn dän rajchte Wajch; no ne Grootstaut wua see läwe kunne.
8 Lot dän däm Herr Gott danke fa sien Erboarme; un siene Wundasch to dee Menschen Säns.
9 Dan Hee deit dee darschtja Seel tofräd stale un felt dee hungrije Seel met Goots.
43 Wäaemma Weis es, lot am dise Dinje beoobachte, see selle däm Herr Gott sien Erboarme festone.
33 O woo Deep en Rikj es Gott siene Weisheit en Erkjantnes; woo onnerforschlich sent siene Jerechte, en siene Waeaj nich uttofinje!
34 Dan waea haft daem Herr sien Senn erkjant? oda waea es sien Rotjaewa jewast?
35 oda waea haft am eascht waut jejaeft, daut am daut kunn trig jejaeft woare?
36 Dan fonn am, en derch am, en fa am sent aule Dinje; am jeheat aule Harlichkjeit bott enn aule Eewichkjeit. Amen!
Copyright © 2001 by Elmer Reimer