Revised Common Lectionary (Semicontinuous)

Dee 52 Psalm

To dän Haupt Musikaunt: en Nodenkje: en Psalm fonn Doft- aus Doeg dee Eedomieta kjeem en fetald Saul, en säd to am: "Doft es no däm Ahimilech sien Hus jekome."

¹ Wuaromm deist du die enn Beeset puche, O majchtja Maun? Gott sien Erboarme es eewijch!

² Diene Tunj deit Fenijchte utjrebble soo aus en schoapet Putsmassa, un deit Lest wirkje.

³ Du hast Beeset meeha leef aus Goodet; Leaje meeha aus Jerajchtijchkjeit to räde. Selah.

⁴ Du hast aule Wead leef dee oppschlucke, O lestje Tunj!

⁵ Gott woat die jrod soo fenijchte fa emma; Hee woat die wajch näme, soogoa wajch plekje fonn dien Tselt; un erut riete fonn daut Launt wua dee Läwendje sent. Selah.

⁶ Un dee Jerajchte sele seene un ferjchte, un äwa am lache, en saje:

⁷ Hia es dee Maun dee Gott nijch siene Tooflucht muak, hee fetrued sikj enn sien Rikjdom; hee wea stoakj enn sien Fenijchte.

⁸ Oba ekj sie soo aus en jreena Oliewaboom enn Gott sien Hus; ekj doo enn Gott sien Erboarme fetruehe fa emma un emma.

⁹ Ekj wel die fa emma danke, wiels du daut jedone hast, un ekj doo enn dien Nome hope, wiels daut es Goot enn dee Heilje äa Doasenne.

¹⁴ Dit es wuaromm ekj miene Kjneehe beaj fer daem Foda,

¹⁵ fonn daem aule Fodaschofft enne Himels en oppe Ead jeneemt es,

¹⁶ daut hee junt mucht no daut Rikjdom fonn siene Harlichkjeit, met Krauft derch daem Jeist jaewe ennalich jestoakjt to woare;

¹⁷ daut Christus derch daen Gloowe enn june Hoate wone mucht, jewartelt en jejrint enne Leew,

¹⁸ en daut jie Krauft muchte ha met aul dee Heilje toop bejriepe to kjenne waut daut Breedet, Langet, Huaget, en Deepet es,

¹⁹ en Christus siene Leew to erkjane dee fael jrate es aus wie festone kjenne, so daut jie kjenne jefelt senne met Gott, dee foll en gauns es.

²⁰ Nu daem, dee wiet aewa aules doone kaun, fael meeha aus wie froage oda denke kjenne no dee Krauft dee enn onns wirkjt,

²¹ to daem saul enne Jemeent, en enn Christus Jesus Harlichkjet senne opp aule Menschejeschlachta enn aule Eewichkjeit; Amen.