Revised Common Lectionary (Semicontinuous)

⁴⁶ Tqˈma Mariy:
    Kjawil nnimsiˈn tukˈa tkyaqil wanmiˈn tbˈi wAjawa.
⁴⁷     Ex tzunx ntzalajx wanmiˈn tiˈj Dios, a Klol weˈy.
⁴⁸     Ntiˈxtaq wokliˈn, me atziˈn jaˈlin, ma chin tzaj tkaˈyiˈn Dios.
Oˈkqinxa nimxix wokliˈn kyxoljo jniˈ xjal jaˈlin.
⁴⁹     Quˈn a Dios nimxix toklin, tbˈanilx ma tzaj tqˈoˈn weˈy. Xjanxixjo tbˈi.
⁵⁰     Atx te Dios tqˈaqˈbˈil tkˈuˈj kyiˈjjo nchi kubˈ niminte.
⁵¹     Tukˈa tkyaqil tipin, nchi el tiˈn nimsil kyibˈ toj kytxˈixew, ex n‑ok tyupiˈn kybˈis.
⁵²     N‑el tiˈn kyoklin nmaq kawil,
ex nxi tqˈoˈn kye a ntiˈ kyoklin.
⁵³     Ayetziˈn at waˈyaj kyiˈj, nxi tqˈoˈn kywa.
Ex n‑el tiˈn kyeˈ a noqx nbˈaj kyyajin.
⁵⁴     Mi ẍi el najjo aj Judiy toj tkˈuˈj.
Ma chi tzaj tmojin tukˈa tqˈaqˈbˈil tkˈuˈj.
⁵⁵     Ikytzin tqˈma ojtxe kye qtzan qyajil Abraham ex kye txqantl kchi ul itzˈje.