◀ All Reading Plans / Revised Common Lectionary (Semicontinuous) / Psalm 124 (We have escaped like a bird); Proverbs 8:4-21 (Wisdom’s riches); Ephesians 5:15-20 (Living as wise ones in the Trinity) (Awadhi Bible: Easy-to-Read Version)

Prev Day

June 17, 2025

Next Day

Use the calendar to view readings from this devotional.

June 2025
Su	Mo	Tu	We	Th	Fr	Sa
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 124

दाऊद क एक मन्दिर क आरोहण गीत।

¹अगर यहोवा हमरे संग नाहीं होतेन
    तउ इस्राएल क कहइ द्या,
²अगर यहोवा हमरे संग नाहीं होत,
    जब हमार बिरोधी हम लोगन पइ हमला किहे रहेन?
³तब हमार दुस्मन हमका जिअत ही निगल गए होतेन
    जब उ पचे गुस्सा भए रहेन।
⁴तब हमार सत्रुअन क फउजन
    बाढ़ क तरह हमका बहावत भइ
    उ नदी क जइसी होइ जातिन जउन हमका बोरत रही होइँ।
⁵तब उ सबइ घमण्डी लोग उ पानी जइसे होइ जातेन
    जउन हमका बोरत भवा हमरे मुँहना तलक बाढ़त आवति होइ।

⁶यहोवा क गुण गावा।
उ हमरे दुस्मनन क हमका धरइ नाहीं दिहस अउर न ही मारइ दिहस।

⁷हम पचे जालि मँ फँसा भवा उ पंछी जइसा रहेन जउन फुनि बचि निकरा होइ।
जालि फाटि फुट गवा अउर हम बचिके निकरे।
⁸यहोवा जउन सरग अउ धरती क बनाएस ह।
हमार मदद किहेस।

नीतिवचन 8:4-21

⁴“हे लोगो, मइँ तोहका गोहरावत हउँ,
    मइ समूची मानवजाति बरे अवाज उठावत हउँ।
⁵अरे नादा ने लोगो! बुद्धिमानी स रहइ क सिखा
    तू जउन मूरख बना अहा समुझबूझ सिखा।
⁶सुना। काहेकि मोरे लगे कहइ क उत्तिम बातन अहइँ,
    आपन मुँहन खोलति हउँ, जउन कहइ क उचित बा
⁷मेरे मुखे स तउ उहइ निकरत ह जउन फुरइ अहइ,
    काहेकि मोरे ओंठन क दुट्ठता स घिन अहइ।
⁸मोरे मुँहे स निकलइ वाले सबइ सब्द निआव स पूर्ण अहइ।
    ओन मँ स कउनो भी धोका देइ वाला नाहीं अहइ।
⁹विचारवान मनई बरे उ सबइ साफ साफ अहइँ
    अउर गियानी जन बरे उ सबइ सब दोख रहित अहइँ।
¹⁰चाँदी नाहीं बल्कि तू मोर हिदायत ग्रहण करा
    उत्तिम सोना नाहीं बल्कि तू मोर गियान ल्या।
¹¹सुबुद्धि रत्नन मणि माणिकन स जियादा कीमती अहइँ।
    तोहार अइसी मनचाही कउनो वस्तु स ओकर तुलना नाहीं होइ।”

सुबुद्धि का करत ह

¹²“मइँ बुद्धि अउर गियान क संग रहत हउँ।
    नीक अउर विवेक मोर मीत अहइ।।
¹³यहोवा स डरब, बुराई स घिना करब अहइ।
    स्वार्थीपन अउर घमण्ड, बुराइ क मारग झुटी मुँह स मइँ घिना करत हउँ।
¹⁴मोर लगे परामर्स अउ गियान अहइ।
    मोरे लगे बुद्धि सक्ती अहइ।
¹⁵मोरे ही सहारे राजा राज्ज करत हीं,
    अउर सासक नेम रचत हीं, जउन निआउ स पूर्ण अहइ।
¹⁶केवल मोरी ही मदद स
    धरती क सबइ नीक सासक राज्ज चलावत हीं।
¹⁷जउन मोहसे पिरेम करत हीं, मइँ भी ओनसे पिरेम करत हउँ,
    मोका जउन हेरत हीं, मोका पाइ लेत हीं।
¹⁸सम्पत्तियन अउ आदर मोर संग अहइँ।
    मइँ खरी सम्पत्ति अउ जस देत हउँ।
¹⁹मोर फल सोना स उत्तिम अहइँ।
    मइँ जउन उपजावत हउँ, उ सुद्ध-चाँदी स जियादा नीक अहइ।
²⁰मइँ निआउ क मारग क संग संग
    सत्य क मारग पइ चलत आवत हउँ।
²¹मोहसे जउन पिरेम करतेन ओनका मइँ धन देत हउँ,
    अउर ओनकर भंडार भरि देत हउँ।

इफिसियन 5:15-20

¹⁵इही बरे सावधानी क साथे देखत रहा कि तू कइसा जीवन जिअत अहा। विवेकहीन क स आचरण न करा, बल्कि बद्धिमान क स आचरण करा। ¹⁶जे हर समइ क अच्छा करम करइ क बरे दीन्ह भए वर्तमान मँ ओकर पूरा उपयोग करत ह, काहेकि इ दिन बुरा बा। ¹⁷मूर्खता स न रहत रहा बल्कि इ जान ल्या कि पर्भू क इच्छा का अहइ। ¹⁸मदिरापान कइके मतवाला जिन बना रहा काहेकि इही स कामुकता पइदा होत ह। एकरे विपरीत आतिमा स परिपूर्ण होइ जा। ¹⁹आपस मँ भजन, स्तुतिगयान अउर आध्यात्मिक गीतन क, परस्पर आदान-प्रदान करत रहा। आपन मने मँ पर्भू क बरे गीत गावत ओकर स्तुति करत रहा। ²⁰हर कीहीउँ बात क बरे हमार पर्भू ईसू मसीह क नाउँ पइ हमरे परम पिता परमेस्सर क हमेसा धन्यबाद करा।

Awadhi Bible: Easy-to-Read Version (ERV-AWA)