Revised Common Lectionary (Semicontinuous)

⁴ “હે માણસો, હું તમને પોકાર કરીને કહું છું;
    હું પ્રત્યેક માણસને સાદ પાડું છું.

²² “યહોવાએ સૃષ્ટિક્રમનાં આરંભમાં,
    લાંબા સમય અગાઉ મારું સર્જન કર્યુ.
²³ લાંબા સમય અગાઉ, પૃથ્વીનું સર્જન થયા પહેલાઁ
    મારું સ્થાપન કરવામાં આવ્યું હતું.
²⁴ જ્યારે કોઇ સાગરો નહોતા, જ્યારે પાણીથી ભરેલા ઝરણાઓ નહોતા
    ત્યારે મારો જન્મ થયો હતો.
²⁵ પર્વતોના પાયા નંખાયા તે પહેલાં,
    ડુંગરો થયા તેના પણ પહેલાં મારો જન્મ થયો હતો.
²⁶ હજી યહોવાએ પૃથ્વી સર્જી નહોતી કે ખેતરો પણ સર્જ્યા નહોતાં.
    અરે! ધૂળની કણી પણ સર્જી નહોતી ત્યારે મારું અસ્તિત્વ હતું.
²⁷ જ્યારે તેણે આકાશને એને સ્થાને સ્થાપ્યું,
    અને સાગર ઉપર ક્ષિતિજને ગોઠવી હતી ત્યારે મારું અસ્તિત્વ હતું.
²⁸ જ્યારે તેણે અંતરિક્ષને સ્થિર કર્યુ;
    અને ઝરણાંને સમુદ્ર નીચે વહાવ્યાં.
²⁹ જ્યારે તેણે સાગરની હદ નક્કી કરી
    અને તેનું ઉલ્લંધન કરવાની તેણે મના ફરમાવી.
અને જ્યારે તેણે પૃથ્વીના પાયા નાખ્યા.
³⁰ ત્યારે કુશળ કારીગર તરીકે હું તેની સાથે હતી;
    અને હું દિનપ્રતિદિન તેને આનંદ આપતી હતી;
    અને આખો વખત હું તેની સામે નૃત્ય કરતી હતી.
³¹ તેની વસતિવાળી પૃથ્વી પર મને મજા આવતી હતી.
    અને માણસોની સંગતમાં મને આનંદ આવતો હતો.

² નવજાતો અને બાળકોના મુખમાંથી તમારી સ્તુતિની ગાથાઓ પ્રગટી છે.
    તમારા શત્રુઓને ચૂપ કરી દેવા માટે તમે તેમને આ શકિતશાળી ગીતો આપ્યા છે.
³ હે યહોવા, જ્યારે રાત્રે હું આકાશદર્શન કરું છું.
    અને ચંદ્ર તથા તારાઓથી ભર્યું નભ નિહાળું છું,
    ત્યારે તમારા હાથનાં અદ્ભૂત કૃત્યો વિષે હું વિચારું છું.
⁴ પછી મને આશ્ચર્ય થાય છે,
    કે માનવજાત શું છે,
જેનું તમે સ્મરણ કરો છો?
    માણસો તે કોણ છે કે તેઓની તમે મુલાકાત લો છો?

⁵ કારણ, તમે એને દેવ કરતાં થોડોજ ઊતરતો સૃજ્યો છે,
    અને તેના માથા પર મહિમા ને માનનો મુગટ મૂકયો છે.
⁶ તમે જ તેને, તમે ઉત્પન્ન કરેલી સૃષ્ટિનો અધિકાર આપ્યો છે
    અને તે સઘળી સૃષ્ટિનો તમે તેને કારભારી બનાવ્યો છે.
⁷ એટલે સર્વ ઘેટાં તથા બળદો, અને જંગલી પ્રાણીઓનો પણ.
⁸ વળી આકાશનાં પક્ષીઓ,
    સમુદ્રમાં રહેતા માછલાં તથા જીવોનો પણ.
⁹ હે યહોવા, અમારા પ્રભુ, સમગ્ર વિશ્વમાં તમારું નામ સૌથી મહાન છે.