◀ All Reading Plans / Revised Common Lectionary (Semicontinuous) / Psalm 133 (How good it is to live in unity); 2 Samuel 1:4-27 (David mourns Jonathan’s death); Acts 11:27-30 (Love embodied in care for others) (Awadhi Bible: Easy-to-Read Version)

Prev Day

May 20, 2025

Next Day

Use the calendar to view readings from this devotional.

May 2025
Su	Mo	Tu	We	Th	Fr	Sa
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 133

दाऊद क आरोहण गीत।

¹इ फुरइ नीक अउ सुखदायी अहइ
    जब भाइयन आपुस मँ मिलिजुलिके रहइँ।
²इ वइसे महकउआ तेल जइसा होत ह जेका हारून क मूँड़ी पइ उड़ेरा गवा रहा।
    इ, उ तेल जइसा होत ह जउन हारून क दाढ़ी क पइ बहत होइ।
    इ, उ तेल जइसा होत ह जउन हारून क खास ओढ़नन पइ बहत रहा।
³इ उ कोमल बर्खा क बूँदन क समान अहइ जउन हेर्मोन क पहाड़ी स आवति हीं अउ सिय्योन क पहाड़ पइ गिरत हीं,
    काहेकि हुवँइ यहोवा आपन अनन्तकालीन जिन्नगी क आसीस दिहे रहा।

2 समूएल 1:4-27

⁴दाऊद ओहसे कहेस, “कृपा कइके मोका इ बतावा कि जुद्ध कउन जीतेस?”

उ मनई जवाब दिहस, “हमार लोग जुद्ध स पराइ गएन। बहोत सारा लोग जुद्ध मँ मार डावा गएन। साऊल अउ ओकर पूत योनातन दुइनउँ मर गएन ह।”

⁵दाऊद नउजुवक स पूछेस, “तू कइसे जानत अहा कि साऊल अउ ओकर पूत योनातन दुइनउँ मर गएन ह?”

⁶नउजुवक दाऊद स कहेस, “मइँ गिलबो पर्वते पइ रहेउँ। हुवाँ मइँ साऊल क अपने भाले पइ निहुरन लखेउँ। पलिस्ती रथ अउ घुड़सवार साऊल क नज़दीक स नज़दीक आवत रहेन। ⁷साऊल पाछे मुड़ा अउर उ मोका लखेस। उ मोहका गोहराएस। मइँ जवाब दिहेउँ, मइँ हिआँ अहउँ। ⁸तब साऊल मोहसे पूछेस, ‘तू कउन अहा?’ मइँ जवाब दिहेउँ, ‘मइँ अमालेकी हउँ।’ ⁹साऊल कहेस, ‘कृपा कइके मोका मार डावा। मइँ बुरी तरह घायल हउँ अउर मइँ वइसे भी लगभग मरि गवा हउँ।’ ¹⁰एह बरे मइँ रुकेउँ अउर ओका मार डाएउँ। उ एतना बुरी तरह घायल रहा कि मइँ समुझ गएउँ कि उ जिअत नाहीं रहि सकत। तब मइँ ओकरे मूँड़े स मुकुट अउ भुजा स बाजूबन्द उतारेउँ अउर मोर सुआमी, मइँ मुकुट अउ बाजूबन्द हिआँ आप क खातिर लिआए अहउँ।”

¹¹तब दाऊद अपने ओढ़नन क इ परगट करइ बरे फार डाएस कि उ बहोत सोक मँ बूड़ा अहइ। दाऊद क संग सबहि लोग अइसा ही किहेन। ¹²दाऊद अउर ओकर मनइयन बहोत दुःखी रहेन अउर रोए रहेन। उ पचे साँझ तलक कछू खाएन नाहीं। उ पचे दाऊद क लोगन बरे रोएन जउन मारा ग रहेन। उ पचे एह बरे रोएन कि साऊल, ओकर पूत योनातन अउर बहोत स इस्राएली जुद्ध मँ मारा ग रहेन।

दाऊद अमालेकी क मार डावइ क हुकुम देत ह

¹³दाऊद उ जुवक स बातचीत किहस जउन साऊल क मउत क सूचना दिहस। दाऊद पूछेस, “तू कहाँ क निवासी अहा?”

जुवक जवाब दिहस, “मइँ एक बिदेसी क पूत हउँ। मइँ अमालेकी हउँ।”

¹⁴दाऊद जुवक स पूछेस, “तू यहोवा क चुने राजा क मारइ स ससान काहे नाहीं भया?”

^15-16तब दाऊद अमालेकी जुवक स कहेस, “तू खुद आपन मउत क बरे जिम्मेदार अहा। तू कहया कि तू यहोवा क चुने राजा क मार डाया। एह बरे तोहार खुद क सब्दन तोहका अपराधी सिद्ध किहन ह।” तब दाऊद आपन सेवक जुवकन मँ स एक ठु जुवक क बोलाएस अउर अमालेकी क मार डावइ क कहेस। इस्राएली जुवक अमालेकी क मार डाएस।

साऊल अउ योनातान क बारे मँ दाऊद क सोकगीत

¹⁷दाऊद साऊल अउ ओकर पूत योनातान क बारे मँ एक ठु सोकगीत गाएस। ¹⁸दाऊद अपने मनइयन स इ गीत क यहूदा क लोगन क सिखावइ क कहेस, इ सोकगीत क धनुस कहा गवा ह। इ गीत यासार क किताबे मँ लिखा बाटइ।

¹⁹“ओह इस्राएल, तोहार महिमा तोहरे पहाड़न मँ मटियामेट भवा।
    ओह, कइसे उ सूरवीर जुद्ध मँ हार गएन।
²⁰एका गत मँ न कहा,
    एका अस्कलोन क गलियन मँ एलान न करा।
उ पचे पलिस्तियन क सहर एहसे खुस होइहीं।
    उ पचे विदेसियन खुस होइहीं।

²¹“मोर इच्छा अहइ कि गिलबो क पर्वत पइ
    ओस अउर बर्खा न होइ,
मोर इच्छा अहइ कि ओन खेतन स
    आवइवाली बलि-भेंटन न होइँ।
सक्तीसाली मनसेधुअन क ढाल अइसा फैंकि जाइ जइसे इ बेकार रही।
    साऊल क ढाल जियादा दिना तलक तेल स पालिस कीन्ह भइ नाहीं रही।
²²योनातान क धनुस अपने भाग क दुस्मनन क मारेस,
    अउर साऊल क तरवार अपने हींसे क दुस्मनन क मारेस।
उ पचे ओन मनइयन क खून स धब्बा लगाएन जउन अब मरि चुका अहइँ,
    उ पचे उ सक्तीसाली मनइयन क चर्बी क काटि दिहेस।

²³“साऊल अउ योनातन, एक दूसर स पिरेम करत रहेन।
    उ पचे एक दूसर स सुखी रहेन जब तलक उ पचे जिअत रहेन,
    साऊल अउर योनातान मउत तलक मँ भी साथ रहेन।
उ पचे उकाब स भी तेज जात रहेन,
    उ पचे सेर स जियादा बरिआर रहेन।
²⁴इस्राएल क बिटियो, साऊल खातिर रोवा।
    साऊल तोहका लाल पहिरावा दिहस,
    साऊल तोहरे ओढ़नन पइ सोने क जेवर सजाएस ह।

²⁵“सक्तीसाली मनसेधू जुद्ध मँ काम आएन।
    योनातान गिलबो पहाड़े पइ मरा।
²⁶मोर भाई योनातान, मइँ तोहरे खातिर रोवत हउँ।
    मोका तोहार दोस्ती स बहोत आन्नद मिलेस ह।
    तोर पिरेम मोरे बरे एक ठु मेहरारू क पिरेम जियाद रहा।
²⁷सक्तीसाली मनसेधू जुद्ध मँ काम आएन,
    जुद्ध क सस्त्र चले गएन ह।”

प्रेरितन क काम 11:27-30

²⁷इहइ समइ यरुसलेम स कछू नबी अन्ताकिया आएऩ। ²⁸ओनमाँ स अगबुस नाउँ क एक नबी खड़ा होइके पवित्तर आतिमा क जरिये इ भविस्सबाणी किहेस कि सारी दुनिया मँ एक खउफनाक अकाल पड़ी (क्लौदियुस क समइ इ अकाल पड़ा रहा।) ²⁹तब हर चेलन आपन ताकत देखिके यहूदिया क बसइयन बंधु क मदद बरे कछू पठवइ क ठान लिहेन। ³⁰तउ उ पचे अइसा ही किहेन अउर उ पचे बरनावास अउर साऊल क हाथ स यहूदिया मँ आपन बुजुर्गन क लगे उपहार पठएन।

Awadhi Bible: Easy-to-Read Version (ERV-AWA)