Revised Common Lectionary (Semicontinuous)

115 परमेश्वरा, आम्हाला कुठलाही सन्मान मिळायला नको.
    सन्मान तुझा आहे, तुझ्या प्रेमामुळे आणि
    आमच्या तुझ्यावर असलेल्या विश्वासामुळे सन्मान तुझा आहे.
² आमचा देव कुठे आहे,
    याचा राष्ट्रांना का विचार पडावा?
³ देव स्वर्गात आहे
    आणि त्याला हवे ते तो करतो.
⁴ त्या देशांचे “देव” सोन्या चांदीचे नुसते पुतळे आहेत.
    कुणीतरी केलेले ते नुसते पुतळे आहेत.
⁵ त्या पुतळ्यांना तोंड आहे पण बोलता येत नाही.
    त्यांना डोळे आहेत पण बघता येत नाही.
⁶ त्यांना कान आहेत पण ऐकू येत नाही,
    त्यांना नाक आहे पण वास घेता येत नाही.
⁷ त्यांना हात आहेत पण हाताने स्पर्श करत नाही.
    त्यांना पाय आहेत पण चालता येत नाही
    आणि त्यांच्या घशातून कुठलाही आवाज येत नाही.
⁸ ज्या लोकांनी असे पुतळे केले आणि त्यावर जे विश्वास ठेवतात
    ते त्या पुतळ्यांसारखेच होतात.

⁹ इस्राएलच्या लोकांनो, परमेश्वरावर विश्वास ठेवा.
    परमेश्वरच त्यांची शक्ती आणि ढाल आहे.
¹⁰ अहरोनच्या कुटुंबा, परमेश्वरावर विश्वास ठेव.
    परमेश्वरच त्यांची शक्ती आणि ढाल आहे.
¹¹ परमेश्वराच्या भक्तांनो, परमेश्वरावर विश्वास ठेवा.
    परमेश्वराच त्यांची शक्ती आणि ढाल आहे.

¹² परमेश्वर आमची आठवण ठेवतो.
    परमेश्वर आम्हाला आशीर्वाद देईल.
परमेश्वर इस्राएलला आशीर्वाद देईल.
    परमेश्वर अहरोनच्या कुटुंबाला आशीर्वाद देईल.
¹³ परमेश्वर त्याच्या लहान आणि
    मोठ्या भक्तांना आशीर्वाद देईल.

¹⁴ परमेश्वर तुला आणि तुझ्या मुलांना अधिकाधिक आशीर्वाद देईल.
    अशी मी आशा करतो.
¹⁵ परमेश्वरानेच स्वर्ग व पृथ्वी निर्माण केली
    आणि परमेश्वर तुमचे स्वागत करतो.
¹⁶ स्वर्ग परमेश्वराचा आहे.
    पण त्यांने लोकांना पृथ्वी दिली.
¹⁷ मृत लोक परमेश्वराची स्तुती करीत नाहीत.
    जे लोक खाली थडग्यात आहेत ते परमेश्वराची स्तुती करीत नाहीत.
¹⁸ पण आता आम्ही परमेश्वराला धन्यवाद देतो
    आणि आम्ही त्याला सदैव धन्य मानू.

परमेश्वराची स्तुती करा.

² “इस्राएलचे लोक युध्दाला तयार झाले ^[a]
    ते स्वेच्छेने युध्दासाठी सज्ज झाले.
परमेश्वराचा धन्यवाद करा.

³ “राजांनो ऐका,
    लक्ष द्या अधिपतींनो,
मी परमेश्वराचे,
    इस्राएल लोकांच्या परमेश्वराचे
गीत स्वतः गाईन.
    त्याचे स्तुति स्तोत्र म्हणीन.

⁴ “परमेश्वरा, पूर्वी जेव्हा तू सेईरमधून आलास,
    अदोम भूमीतून तू कूच केलेस.
तेव्हा पृथ्वी थरारली.
    आकाशाने वर्षाव केला
    ढगातून वृष्टी झाली.
⁵ पर्वतांचाही थरकाप झाला परमेश्वरापुढे.
    सीनाय पर्वताच्या देवापुढे.
    इस्राएलांचा देव परमेश्वरापुढे.

⁶ “अनाथचा मुलगा शमगार याच्या
    आणि याएलच्या कारकिर्दीत राजमार्ग
    ओस पडले वाटसरुंचे तांडे आडवाटेने जाऊ लागले.

⁷ “दबोरा तू येईपर्यंत इस्राएलची माता म्हणून तू उभी राहीपर्यंत ^[b]
    इस्राएलमध्ये सैनिक नव्हते.
    नावालाही सैनिक नव्हते.

⁸ “नगराच्या वेशीपाशी युध्द करायला
    परमेश्वराने नवे नेते निवडले. ^[c]
तेव्हा चाळीस हजार इस्राएल लोकांत
    कोणाकडेही भाला किंवा ढाल नव्हती.

⁹ “ज्यांनी स्वेच्छेने युध्दावर जाण्याचे पत्करले
    त्या इस्राएल लोकांच्या सेनाधिपती बरोबर माझे हृदय आहे.
परमेश्वराचा धन्यवाद करा.

¹⁰ “पांढऱ्या गाढवांवर बसणाऱ्यांनो,
    खोगिराच्या बिछायतीवर बसणाऱ्यांनो
    आणि वाटेने चालणाऱ्यांनो इकडे लक्ष द्या.
¹¹ गुरांच्या पाणवठ्यावर आम्हाला झांजांचा
    नाद ऐकू येतो.
जेंव्हा नगराच्या वेशीपाशी परमेश्वराच्या
    लोकांनी लढाई केली
आणि ते जिंकले तेव्हा लोक परमेश्वराच्या पराक्रमाची गाथा गातात,
    आणि इस्राएलच्या सैनिकांचे स्तुतिस्तोत्र म्हणतात.