Revised Common Lectionary (Semicontinuous)

⁹ तउ अब मइँ तोहका मदद पावइ क पुकारब।
    मोरे दुस्मनन क तू हराइ द्या।
मइँ इ जानत हउँ कि तू इ कइ सकत अहा।
    काहेकि तू परमेस्सर अहा।
¹⁰ मइँ परमेस्सर क गुण ओकरे वचन बरे गावत हउँ।
    मइँ परमेस्सर क गुणन क ओकरे उ बचन बरे गावत हउँ जउन उ मोका दिहेस ह।
¹¹ मोका परमेस्सर पइ भरोसा अहइ एह बरे मइँ नाहीं डेरात हउँ।
    लोग मोर बुरा नाही कइ सकतेन।

¹² हे परमेस्सर, मइँ जउन तोहार मन्नतन मानेउँ ह, मइँ ओनका पूरा करब।
    मइँ तोहका धन्यवादे क भेंट चढ़ाउब।
¹³ काहेकि तू मोका मउत स बचाया ह।
    तू मोका हार स बचाया ह
एह बरे मोका परमेस्सर क सेवा
    हिआँ रहइवाला लोगन क समन्वा करइ चाही।

“ओन राज्जन क राजा लोगन अइहीं।
    उ पचे यरूसलेम क दुआर क समन्वा आपन सिंहासन जमइहीं।
उ पचे यरूसलेम क सबहिं नगर देवारन पइ आक्रमन करिहीं।
    उ पचे यहूदा क एलाके क सबहिं नगरन पइ आक्रमन करिहीं।
¹⁶ अउर मइँ यहूदा क लोगन क जरिये कीन्ह गवा बुरे करम क बिरुद्ध आपन निर्णय क घोसना करब।
    मोर लोग मोका छोड़एन।
उ पचे दूसर देवतन क बलि चढ़ाएन जेका
    उ पचे आपन हाथन स बनाएस।

¹⁷ “यिर्मयाह, जहाँ तलक तोहार बात अहइ,
    उठा, तइयार होइ जा
अउर लोगन स उ सब कछू कहा,
    जेका मइँ तोहका हुकुम देत हउँ।
लोगन स जिन डेराअ।
    वरना तउ मइँ ओन लोगन क समन्व तोहका तबाह कइ देब।
¹⁸ जहाँ तलक मोर बात अहइ,
    मइँ आजु ही तोहका एक दृढ़ नगर,
एक लौह खम्भा, एक ठु काँसा क देवार बनावइ जात हउँ।
    तू देस मँ हर एक क खिलाफ खड़ा होइ क जोग्ग होब्या,
यहूदा देस क राजा लोगन क खिलाफ,
    यहूदा क याजकन क खिलाफ अउर यहूदा देस क लोगन क खिलाफ भी।
¹⁹ उ सबइ लोग तोहरे खिलाफ लड़िहीं,
    मुला उ पचे तोहका हरावइ क नाहीं करिहीं।
काहेकि मइँ तोहरे संग हउँ,
    अउर मइँ तोहार रच्छा करब।”
इ सँदेसा यहोवा क अहइ।