◀ All Reading Plans / Revised Common Lectionary (Semicontinuous) / Psalm 119:89-96 (The law of God gives life); Jeremiah 36:27-32 (Jeremiah dictates a second scroll); Luke 4:38-44 (Jesus heals and preaches in synagogues) (Awadhi Bible: Easy-to-Read Version)

Prev Day

January 29, 2025

Next Day

Use the calendar to view readings from this devotional.

January 2025
Su	Mo	Tu	We	Th	Fr	Sa
			1	2	3	4
5	6	7	8	9	10	11
12	13	14	15	16	17	18
19	20	21	22	23	24	25
26	27	28	29	30	31

Return to today's reading

Revised Common Lectionary (Semicontinuous)

Daily Bible readings that follow the church liturgical year, with sequential stories told across multiple weeks.

Duration: 1245 days

भजन संहिता 119:89-96

लामेध

⁸⁹हे यहोवा, तोहरे वचन सरग मँ, उ सबइ सदा रहत हीं।
⁹⁰तू हमेसा हमेसा बरे बिस्सासी अहा।
    तू ही धरती ओकरे जगह पइ रच्या अउर इ हमेसा स हिआँ रहत रह्या।
⁹¹तोहरे फइसलन क कारण ही अब तलक सबहिं वस्तु मौजूद अहइँ।
    काहेकि सबहिं चिजियन तोहार सेवक अहइँ।
⁹²अगर तोहार सीखन मीत जइसी नाहीं होतिन,
    तउ मोर संकट मोका बर्बाद कइ डउतेन।
⁹³हे यहोवा, तोहरे आदेसन क मइँ कबहुँ नाहीं बिसरब।
    काहेकि उ सबइ ही मोका जिअत राखत हीं।
⁹⁴हे यहोवा, मइँ तउ तोहार अहउँ, मोर रच्छा करा।
    काहेकि तोहरे उपदेसन पइ चलइ क मइँ कठिन जतन करत हउँ।
⁹⁵दुट्ठ जन मोका विनास करइ क इन्तज़ार करत हीं,
    मुला मइँ तोहार करार क समुझइ बरे ओहे पइ विचार करत हउँ।
⁹⁶सब कछू क सीमा अहइ,
    किन्तु तोहरी आग्यन आपन छेत्र मँ असीमित अहइँ।

यिर्मयाह 36:27-32

²⁷यहोवा क सँदेसा यिर्मयाह क मिला। इ तब भवा जब यहोयाकीम यहोवा क ओन सबहिं सँदेसनवाले पत्रक क जराइ दिहे रहा, जेनका यिर्मयाह बारूक स कहे रहा अउर बारूक सँदेसन क पत्रक पइ लिखे रहा। यहोवा क जउन सँदेसा यिर्मयाह क मिला, उ इ रहा:

²⁸“यिर्मयाह, दूसर पत्रक तइयार करा। एह पइ ओन सबहिं सँदेसन क लिखा जउन पहिले पत्रक पइ रहेन। यानि उहइ पत्रक जेका यहूदा क राजा यहोयाकीम जराइ दिहे रहा। ²⁹यिर्मयाह, यहूदा क राजा यहोयाकीम स इ भी कहा, यहोवा जउन कहत ह, उ इ अहइ: ‘यहोयाकीम तू उ पत्रक क जराइ दिहा। तू कहया, “यिर्मयाह काहे लिख्या कि बाबुल क राजा निहचइ ही आइ अउर इ देस क बर्बाद करी? उ काहे कहत ह कि बाबुल क राजा इ देस क लोगन अउर जनावरन दुइनउँ क बर्बाद करी?” ³⁰एह बरे यहूदा क राजा यहोयाकीम क बारे मँ जउन यहोवा कहत ह, उ इ अहइ: यहोयाकीम क संतान दाऊद क राज सिंहासन पइ नाहीं बइठहीं। जब यहोयाकीम मरी ओका राजा जइसे अन्त्येस्टि नाहीं दीन्ह जाइ, बल्कि ओकर अर्थी भुइँया पइ पेंक दीन्ह जाइ। ओकर अर्थी दिन क गर्मी मँ अउर रात क ठंडे पाले मँ छोड़ दीन्ह जाइ। ³¹मइँ, यहोयाकीम, ओकर सन्तान अउ ओकरे अधिकारियन क ओनकइ दुट्ठ करम बरे सजा देब। मइँ यरूसलेम क लोगन पइ अउर यहूदा क लोगन पइ भयंकर विपत्ति ढावइ क प्रतिग्या किहेउँ ह। मइँ आपन प्रतिग्या क अनुसार ओन पइ सबहिं बुरी विपत्तियन ढाउब काहेकि उ पचे मोर चिताउनी नाहीं सुनेन।’”

³²तब यिर्मयाह दूसर पत्रक लिहस अउर ओका नेरिय्याह क पूत सास्त्री बारूक क दिहस। जइसे यिर्मयाह बोलत जात रहा वइसे ही बारूक ओनही सँदेसन क पत्रक पइ लिखत जात रहा जउन उ पत्रक पइ रहेन जेका राजा यहोयाकीम आगी मँ जराइ दिहे रहा अउर ओनहीं सँदेसन क तरह बहोत सी दूसर बातन दूसर पत्रक मँ जोरी गइन।

लूका 4:38-44

रोगी स्त्री क चंगा कीन्ह जाब

(मत्ती 8:14-17; मरकुस 1:29-34)

³⁸तब ईसू आराधनालय क तजिके समौन क घर चला गवा। समौन क सासे क बहोत बोखार चढ़ा रहा। उ पचे ईसू स मदद बरे बिनती किहेन। ³⁹ईसू ओकरे सिरहाने खड़ा भवा अउर बोखारे क डाटेस। बोखार ओहका छोड़ि दिहस। उ फउरन खड़ी होइ गइ अउर ओनकर सेवा करइ लाग।

ईसू बहोतन क चंगा किहेस

⁴⁰जब सूरज ओनवबत रहा तउ जेकरे हिआँ किसिम किसिम क बेमारी स पीड़ित रहेन, उ सबइ ओनका ओकरे लगे लइ आएन। अउर उ आपन हथवा ओहमाँ स हर एक पर रखत भए ओनका चंगा किहे। ⁴¹ओहमाँ बहोतन मँ दुस्ट आतिमन चिचियात भइ इ कहत बाहेर निकरि आइन, “तू परमेस्सर क पूत अहा।” मुला उ ओनका डाँटेस अउर बोलइ नाहीं दिहस, काहेकि उ सबइ जानत रहिन कि “उ मसीह अहइ।”

ईसू क दूसर सहरन क जात्रा

(मरकुस 1:35-39)

⁴²जब भिनसार भवा तउ हुवाँ स उ कउनो एकांत ठउर चला गवा। मुला भीड़ ओका हेरत हेरत हुवँइ जाइके पहोंच गइ जहाँ उ रहा। उ पचे ओका ओनका छोड़िके न जाइ स रोकेन। ⁴³मुला उ ओनसे कहेस, “परमेस्सर क राज्य क बारे मँ सुसमाचार मोका दूसर सहरन मँ भी पठवइ क बा काहेकि मोका यह बरे पठवा ग अहइ।”

⁴⁴अउर इ तरह उ यहूदिया क आराधनालय मँ लगातार उपदेस देत रहा।

Awadhi Bible: Easy-to-Read Version (ERV-AWA)